Uncategorized | Leikhus.is

    Leikhúsleikurinn í boði Kol restaurant

    Nafn:

    Netfang:

    Fæðingarár:

    Símanúmer:

    Kyn:

    KarlKona

     
    Á hvaða tíma er leikhústilboð Kol? - Smellið hér til að finna svarið.

    Svar:

     
    Vinningurinn í leikhúsleiknum er:

    Gjafabréf í leikhús fyrir tvo og 20.000 kr. gjafabréf á Kol restaurant

    Drögum einn heppinn þann 22. apríl 2015. Þeir sem taka þátt í leikhúsleiknum eru sjálfkrafa skráðir sem vildarvinir leikhús.is og fá send fréttabréf með fréttum úr leikhúslífinu og ýmis tilboð.

     


    Browsing "Uncategorized"

    And Björk, of course… verður gestasýning í Borgarleikhúsinu í apríl

    mar 26, 2024   //   by gunnarandri   //   Uncategorized  //  Engar athugasemdir
    And Björk, of course… sýningar hefjast í Borgarleikhúsinu 4. apríl.

    Leikritið And Björk, of course.. verður sýnt í Borgarleikhúsinu í apríl og verður frumsýning 4. apríl. Um gestasýningu Leikfélags Akureyrar er að ræða en sýningin var sýnd í Samkomuhúsinu síðustu vikurnar við góðar undirtektir.

    Leikritið And Björk, of course… eftir Þorvald Þorsteinsson er drepfyndinn og hrollvekjandi leiðangur um sjálfsmyndir einstaklinga og þjóðar. Verkið var fyrst frumsýnt í Borgarleikhúsinu árið 2002 í leikstjórn Benedikts Erlingssonar og hlaut einróma lof gagnrýnenda. 

    Athugið að sýningin er merkt Trigger Warning en í sýningunni er fjallað um eða ýjað að ofbeldi, kynferðisofbeldi, kynþáttafordómum, einelti, fötlunarfordómum, sjálfsvígum og annað sem getur vakið óþægilegar og erfiðar tilfinningar hjá áhorfendum. Aldursviðmið: 16 ára og eldri.

    Gæjar og píur

    mar 20, 2024   //   by gunnarandri   //   Uncategorized  //  Engar athugasemdir

    Laugardaginn 16.mars síðastliðinn var söngleikurinn ,,Gæjar og píur“ frumsýndur í Urðarbrunni hjá leikfélagi FG, Verðandi og er leikkonan Þórunn Lárusdóttir leikstjóri.

    Gæjar og píur er dásamlegur klassískur söngleikur sem gerist í New York á fimmta áratug síðustu aldar. Natan Detroit er aðal spaðinn í bænum þegar kemur að teningaharki og heldur utan um þá „starfsemi“ í borginni. Hann hefur verði trúlofaður Adelaide, aðalstjörnu vinsæls næturklúbbs, í 14 ár og er heldur farið að reyna á þolinmæði hennar í þeim efnum. Dag einn kemur gamalkunnur töffari, Skæ Masterson, í bæinn en hann hefur getið sér gott orð á landsvísu fyrir áhættuveðmál, upp á töluverða fjármuni. Natan nær að veðja við Skæ að hann nái ekki að bjóða yfirmanni hjálpræðishersdeildar hverfisins, hinni geðþekku Söru Brown, með sér á stefnumót til Havana, sem hefur miklar og skemmtilegar afleiðingar.

    Þar sem Djöflaeyjan rís

    mar 20, 2024   //   by gunnarandri   //   Uncategorized  //  Engar athugasemdir
    Leikfélag Keflavíkur frumsýndi leiksýninguna Þar sem Djöflaeyjan rís.  Föstudagskvöldið 15. mars við mikið lof áhorfenda. 

    Árið 1947 fór Bandaríski herinn frá Íslandi og braggahverfin sem hermennirnir bjuggu í í Reykjavík urðu að íbúðarhverfum þar sem um 600 íslendingar bjuggu. Höfundurinn Einar Kárason skrifaði skáldsögur um þessa tíma og hverfi, seinna skrifar Kjartan Ragnarsson leikgerð út frá þeim sögum og leikritið kallað „Þar sem Djöflaeyjan rís“ sem sett var upp 1987 af Leikfélagi Reykjavíkur og síðar kom vinsæla kvikmyndin „Djöflaeyjan“ út árið 1996.

    Í sögunni er farið yfir fjölskyldu Línu spákonu sem býr í Thule-kamp braggahverfinu ásamt Tomma kaupmanni og barnabörnum hennar þeim Dollí, Badda og Danna. Móðir barnanna, Gógó flytur til Bandaríkjanna og systkinin verða eftir en seinna býður hún strákunum til Ameríku. Eftir að þeir koma heim snýst allt á hvolf. Sýningin fer vel í það hvernig það var að búa undir þessum erfiðu en áhugaverðu aðstæðum í braggahverfinu.

    Leikfélag Keflavíkur fær þann heiður að „djöflast“ við að sýna þessa klikkuðu sýningu „Þar sem Djöfaleyjan rís“ í Frumleikhúsinu. Frábær leikhópur stígur á svið og sýnir u.þ.b. þrisvar í viku og skemmtir sér við að skemmta ykkur með söng, dans, loftfimleikum og stórklassa leik!  

    Leikarahópurinn er fjölbreyttur og samanstendur af reyndum leikurum en jafnframt einstaklingum sem eru að þreyta frumraun sína á leiksviði. Það eru 14 einstaklingar sem leika í sýningunni. Árni Grétar Jóhannsson leikstýrði verkinu en hann hefur mikla reynslu í áhugaleikhúsum og leikstýrði m.a. sýningunni Rocky Horror hjá Leikfélagi Vestmannaeyja sem hlaut titilinn Athyglisverðasta áhugaleiksýning ársins í fyrra. 

    Sýningar fara fram í Frumleikhúsinu, Vesturbraut 17, í Reykjanesbæ.

    Rocketman

    mar 13, 2024   //   by gunnarandri   //   Uncategorized  //  Engar athugasemdir

    Nemendamótsnefnd Verzlunarskóla Íslands kynnir með stolti söngleikinn ”Rocketman!”

    Leikstjóri og höfundur er Júlíana Sara Gunnarsdóttir. Söngleikurinn er byggður á samnefndri bíómynd um líf Elton John og má þar heyra frábæra smelli og sjá söguna um viðburðaríkt líf þessa heimsfræga söngvara.

    Sýnt verður í leikhúsi Verzlunarskólans sem nemendur hafa sett sjálfir upp. Gengið er inn um vinstri inngang beint á móti Kringlunni.

    Beint í æð

    mar 12, 2024   //   by gunnarandri   //   Uncategorized  //  Engar athugasemdir

    Leikfélag Fjallabyggðar sýnir um þessar mundir gamanleikritið Beint í æð eftir Ray Cooney í þýðingu Gísla Rúnars Jónssonar. Verkið er sannkallaður flækjufótur sem kallar á að áhorfandi taki ekki augun af sviðinu og fylgist með af öllum kröftum.

    Leikstjóri verksins er Valgeir Skagfjörð en þetta er í fyrsta skipti sem Valgeir leikstýrir fyrir Leikfélag Fjallabyggðar. Leikarahópurinn er fjölbreyttur en alls taka 11 leikarar þátt í sýningunni á aldrinum 17 til 62 ára Þar af eru tveir sem eru að þreyta frumraun sína á leiksviðinu.

    Sýnt er í Tjarnarborg í Ólafsfirði og hægt er að panta miða á sýningar í símum 863-2604 (Guðrún) og 849-5384 (Vibekka).

    Póst-Jón

    mar 12, 2024   //   by gunnarandri   //   Uncategorized  //  Engar athugasemdir
    Póst-Jón er Gamanópera um söngfugla og skrautfjaðrir.

    Póst-Jón er íslensk staðfæring Óðs á gamanóperunni Le postillon de Lonjumeau eftir franska tónskáldið Adolphe Adam sem var frumsýnd í París árið 1836 við gríðarlegan fögnuð áhorfenda. Hún hefur síðan þá ekki notið þeirra vinsælda sem hún á skilið en hún gerir grín að óperuforminu á hátt sem aðeins sönnum óperuunnanda gæti tekist. Óperan fjallar um póstmanninn Jón sem býðst skyndilega að flytjast til Danmerkur til að gerast óperusöngvari en þarf þá fyrirvaralaust að yfirgefa eiginkonu sína Ingibjörgu sem hann gekk að eiga fyrr sama dag. Tíu árum síðar hittast þau aftur í Kaupmannahöfn með ófyrirséðum afleiðingum.

    Nánd við áhorfendur og potað í óskrifaðar reglur

    Sviðslistahópurinn Óður neitar að geyma óperur í glerkössum. Þau vilja miklu frekar taka þær upp, hrista af þeim rykið og leika sér að þeim, pota í óskrifaðar reglur og skemmta sér og öðrum. Þau trúa á nálægð við áhorfendur og einlæga túlkun á tungumáli sem áhorfendur skilja. Fyrsta sýning þeirra, Ástardrykkurinn, sló rækilega í gegn og fylgdu því efir með frábærri sýningu á Don Pasquale.

    Óður er Listhópur Reykjavíkur 2024 og er sýningin styrkt af Reykjavíkurborg.

    X

    mar 9, 2024   //   by gunnarandri   //   Uncategorized  //  Engar athugasemdir
    X er frumsýnt 16. mars í Borgarleikhúsinu.

    Við endimörk sólkerfisins bíða fimm geimfarar eftir afleysingu. Enginn kemur. Þrátt fyrir ítrekaðar tilraunir berast engin svör frá jörðu. Tíminn líður. Klukkan tifar á jarðartíma, þó sólarhringurinn á Plútó sé 153 tímar. Hvenær missir fólk tengsl við tímann þegar ekkert viðmið er lengur til að mæla daga, vikur, mánuði, ár? Tíminn verður afstæður og raunveruleikinn molnar í sundur þegar fimm einstaklingar eru lokaðir í rými sem engin leið er að komast út úr. 

    Dulmagnað og hrollvekjandi spennuleikrit eftir eitt athyglisverðasta leikskáld Bretlands síðustu ára.

    Lísa í Undralandi

    mar 9, 2024   //   by gunnarandri   //   Uncategorized  //  Engar athugasemdir
    Leikfélag Hornafjarðar sýnir Lísu í Undralandi.

    Leikfélag Hornafjarðar frumsýnir söngleikinn Lísu í Undralandi, laugardaginn 9. mars. Lísa leggur af stað í ótrúlegt ferðalag þar sem á vegi hennar verða ýmsar furðuverur og og hún lendir í allskonar óvæntum uppákomum. Leikstjóri er Sigríður Þórunn Þorvarðardóttir og er þetta frumraun hennar sem slíkur.

    Alls taka 14 leikarar þátt í sýningunni en í hlutverki Lísu er Magndís Lóa Aðalsteinsdóttir. Birna Jódís Magnúsdóttir sér um leikmynd, búninga og útlitshönnun en lætur það ekki nægja þvi hún fer einnig með hlutverk Hjarta Drotningarinnar. Hafdís Hauksdóttir er tónlistarstjóri og fer einnig með hlutverk kálormsins. Ljósahönnuður er Þorsteinn Sigurbergsson. Leikhópurinn er afar fjölbreyttur og má m.a. nefna að aldursdreifing í hópnum er frá 17 til 64 ára.

    Sýnt er Í Mánagarði og miðasala í símum 691-6750 og 892-9354 milli kl. 17.00-19.00.

    Sex í sama rúmi

    mar 5, 2024   //   by gunnarandri   //   Uncategorized  //  Engar athugasemdir
    Leikritið Sex í sama rúmi er sýnt í Dalvík um þessar mundir

    Sex í sama rúmi fjallar um Philip og Joanna Markham sem eru hamingjusamlega gift. Philip er barnabóka útgefandi og vinnur á neðri hæð íbúðar þeirra hjóna, ásamt félaga sínum Henry Lodge sem er kvæntur en hviklyndur í hjónabandinu. Henry hefur talið Philip á að lána sér íbúðina þetta kvöld til að eiga ástarfund með nýjasta viðhaldinu. Linda, eiginkona Henry veit að hann er henni ótrúr og hún biður Joanna um að lána sér sömu íbúð til að hitta þar mann sem hún ætlar að sofa hjá til að hefna sín á Henry. Alistair Spenlow er í ástarsambandi við au-pair stúlku Markham hjónanna og þau hafa líka skipulagt ástarfund á staðnum þetta kvöld. Hvað gæti farið úrskeiðis?

    Kirkjugarðsklúbburinn

    mar 5, 2024   //   by gunnarandri   //   Uncategorized  //  Engar athugasemdir

    Halaleikhópurinn frumsýnir bandaríska gamanleikritið Kirkjugarðsklúbbinn eftir Ivan Menchell fös. 8. mars.  Leikstjóri er Pétur Eggerz og þýðandi verksins er Elísabet Snorradóttir,

    Kirkjugarðsklúbburinn er verk um vináttu og ástir eldra fólks. Aðstæður eru breyttar hjá Idu, Doris og Lucille sem eru búnar að missa lífsförunauta sína. Ekkjurnar takast á við sorgina með ólíkum hætti. Þær fara saman að vitja leiða eiginmannanna í kirkjugarðinum einu sinni í mánuði og allt er með kyrrum kjörum þangað til Sam kemur til sögunnar, sem kemur reglulega í kirkjugarðinn í sömu erindagjörðum og vinkonurnar. Í kjölfar þess kemur ástin til sögunnar og lífsmynstri þeirra og jafnvel vináttu er ógnað.

    Vinkonurnar eru ekki sammála um hvernig ekkjur eiga að haga sér enda hafa hjónaböndin verið mis góð. Lucille sem hefur verið ekkja í skemmstan tíma, reynir að bera sig vel og er kaldhæðin og gamansöm en þegar allt kemur til alls tilfinningarík og góð manneskja.

    Doris er fremur stíflynd kona en góð inn við beinið, hún vill vera trú minningu mannsins síns eins og hún var honum trú meðan hann lifði. Hún efast aldrei og gengur jafnvel skrefinu of langt þegar hún vill verja heiður og siðsemi Idu.

    Ida er eðlilegust af vinkonunum og reynir oft að semja friðinn á milli hinna tveggja. Hún er umburðarlyndust af þeim og tekur dauðsfalli mannsins síns ekki með eins öfgakenndum hætti og hinar tvær. Hún sættir sig við að hann sé dáinn og vill halda áfram að Iifa lífinu eins eðlilega og henni er unnt.

    Sam er kjötiðnaðarmaður, góður og óframfærinn. Hann er ekkill og á erfitt með að fara út með konum, þar sem hann ber þær alltaf saman við eiginkonuna sína sálugu. Síðan verður Sam ástfanginn og þá fara hlutirnir að gerast.

    Fjórða konan, Mildred kemur við sögu í verkinu hún er hálfgerð glenna og er væntanlega ætlað að undirstrika samheldni vinkvennanna þriggja og kannski fjöllyndi Sams.

    Kirkjugarðsklúbburinn fjallar í hnotskum um mannlegar tilfinningar og hvernig fólk bregst við hinum ýmsu uppákomum daglegs lífs. Kjarni málsins er sá að fólk verður að sleppa takinu, njóta þess sem liðið er í stað þess að ríghalda í það sem raunveruleika.

    Vinkonumar þrjár eru leiknar af þeim Hönnu Margréti Kristleifsdóttur, Sóleyju B. Axelsdóttur og Stefaníu B. Björnsdóttur. Ekkilinn leikur Jón Gunnar Axelsson og kunningjakonu þeirra leikur Margrét Eiríksdóttir.

    Frumsýning er 8. mars eins og áður sagði og sýnt er í Halanum Hátúni 12. Miðasala í síma 897 5007

    Næstu sýningar eru:
    Sunnudagur 10. mars kl. 17:00
    Laugardagur 16. mars kl. 20:00
    Föstudagur 22. mars kl. 20:00

    Síður:«1234567...92»
    loading

    Takk fyrir að skrá þig!