Skugga Sveinn, hér í nýrri og ferskri útgáfu, er bráðskemmtilegt verk um einn þekktasta útlaga Íslands og baráttu hans við laganna verði.

Lárensíus sýslumaður á þann draum heitastan að klófesta útilegumanninn Skugga Svein og lið hans enda Skugga Sveinn stórglæpamaður, þjófur og morðingi. En heldur vandast málið þegar dóttir Lárensíusar verður ástfangin af einum útilegumannanna og gerir hvað hún getur til að frelsa hann frá fangelsun og dauða. Hefst þá spennandi atburðarrás og barátta á milli ástar og haturs, réttlætis og ranglætis.

Skugga Sveinn eftir þjóðskáldið Matthías Jochumsson var eitt þekktasta og vinsælasta leikverk á Íslandi um áratuga skeið og litríkar persónur þess, Grasa Gudda, Gvendur smali og Ketill skrækur hafa lifað með þjóðinni og tekið sér bólfestu í hjarta hennar.

Leikstjóri: Marta Nordal
Leikgerð: Marta Nordal og leikhópurinn
Leikmynd: Kristján Garðarsson
Búningar: Björg Marta Gunnarsdóttir
Tónsmíði og tónlistarútsetningar: Sævar Helgi Jóhannsson
Söngtextar: Vilhjálmur B Bragason
Ljósahönnuður: Ólafur Ágúst Stefánsson
Sýningarstjóri: Þórunn Geirsdóttir
Hljóðhönnuður: Gunnar Sigurbjörnsson
Leikarar: Jón Gnarr, Björgvin Franz Gíslason, Sunna Borg, María Pálsdóttir, Árni Beinteinn Árnason, Þórdís Björk Þorfinnsdóttir, Vala Fannell og Vilhjálmur B Bragason
Sviðsstjóri: Jasmína Woyjtola
Aðstoð við smíði leikmyndar: Einar Rúnarsson

Listahópurinn kvistur kynnir nýtt íslenskt hlaðvarpsleikrit, Rauð silkinærföt eftir Eygló Jónsdóttir, verkið fjallar um hjón og vin þeirra sem eru á leiðinni að skoða eldgos þegar gerir allt í einu ofsaveður og ýmislegt óvænt um samband þeirra kemur í ljós. Leikarar eru Eyrún Ósk Jónsdóttir, Gunnar Jónsson, Hildur Kristín Thorstensen, Kristján Hans Óskarson og Óskar Harðarson. Hljóðvinnsla og klipping voru í höndum Óskars Harðarsonar. Þetta er þriðja hlaðvarpsleikritið sem hópurinn sendir frá sér, en allar æfingar fóru fram í gegnum fjarfundabúnað.

Hlaðvarp Kómedíuleikhússins, Leikhúsmál, er komið í loftið. Hlaðvarp þar sem fjallað verður um leiklistina á breiðum grunni. Um er að ræða vikulega þætti sem fara í loftið á fimmtudegi hverrar viku. Umsjónarmaður Leikhúsmála er Elfar Logi Hannesson og upptakari er Marsibil G. Kristjánsdóttir. Leikhúsmál eru tekin upp í nýstandsettu hljóðveri Kómedíuleikhússins sem er til húsa í Leiklistarmiðstöð Kómedíunnar á Þingeyri.

Kómedíuleikhúsið, atvinnuleikhús Vestfjarða, hefur komið sér upp hljóðveri. Hið ný opnaða hljóðver er til húsa í Leiklistarmiðstöð Kómedíuleikhússins á Þingeyri. Er hið kómíska hljóðver öllum nauðsynlegum tækjum búið til upptöku á töluðu máli. Það var byggðaverkefnið Öll vötn til Dýrafjarðar sem styrkti uppsetningu hljóðversins.

Kómedíuleikhúsið hefur í gegnum árin gefið út fjölda hljóðbóka sem eru allar aðgenilegar á streymisveitunni Storytel. Alls eru hljóðbækurnar nú orðnar 23 talsins. Kómedíuleikhúsið hefur ávallt þurft að fara af bæ til að taka upp þessar hljóðbækur og hefur því vitanlega fylgt gífurlega mikill aukakostnaður. Það er því alveg ljóst að hljóðver Kómedíuleikhússins er einstaklega kærkomið og næsta víst að áframhald verður á hljóðbókaútgáfu Kómedíuleikhússins fyrir Storytel og það frá Þingeyri.

Í fyrsta þætti Leikhúsmála er hlaðvarpið kynnt og fjallað um fyrsta leiklistartímaritið sem hét einmitt, Leikhúsmál.

Hver kannast ekki við Emil í Kattholti, uppátækjasama og hjartahlýja drenginn sem er hugarsmíð barnabókahöfundarins ástsæla Astrid Lindgren? Síðan Emil kom fyrst fram á sjónarsviðið árið 1963, hefur hann átt vísan stað í hjörtum barna jafnt sem fullorðinna um heim allan og er nafn hans samofið hugmyndum um lífsgleði og prakkaraskap. Hér kynnumst við ekki bara Emil og Ídu, litlu systur hans, heldur einnig misþolinmóðum foreldrum þeirra Ölmu og Anton, hinni seinheppnu Línu vinnukonu, sögukonunni Týtuberja Mæju, vafasömu Ráðskunni á fátækrahælinu og síðast en ekki síst stórvini Emils, Alfreð vinnumanni.

Hér mun ekki skorta fjörið þegar leikstjórinn Þórunn Arna Kristjánsdóttir leiðir glæsilegan hóp leikara og tónlistarmanna inn í Smálöndin sænsku. Kattholt er heill heimur ævintýra og nú lifnar hann sem aldrei fyrr í söngvum og gleði á stóra sviði Borgarleikhússins.

vegna gríðarlegrar eftirspurnar og sölu hefur verið bætt við aukasýningum á valda sýningardaga.

Í fylgd með fullorðnum er nýtt leikrit eftir Pétur Guðjónsson sem Leikfélag Hörgdæla mun frumsýna í mars á næsta ári. Áheyrnarprufur verða haldnar á Melum í Hörgárdal sunnudaginn 5.desember milli 10 og 14.

Leitað er eftir leikurum á öllum aldri, um barna og unglingahlutverk er líka að ræða. Æfingar munu fara fram á Melum í febrúar og mars. Frumsýnt í mars. Áhugasamir sendi póst á leikfelaghorgdaela@gmail.com og við sendum til baka hvernig prufur fara fram og nánari tímasetningu.

Í fylgd með fullorðnum fjallar um Birnu sem stendur á tímamótum í lífinu. Það má segja að seinni hálfleikur blasi við. Hún lítur um öxl og ýmislegt kemur í ljós og margt er þar óuppgert. Birna segir okkur söguna af sjálfri sér, foreldrunum Krissý og Sumarliða og fyrstu ástinni honum Engisprettu-Haraldi. Sagan er í senn drepfyndin, grátbrosleg, dramatísk og sorgleg en líka bráðfjörug.

Eins og nafnið gefur til kynna er leikritið byggt á tónlist Bjartmars Guðlaugssonar, en Pétur, höfundur og leikstjóri hefur borið þá hugmynd með sér um alllangt skeið að skrifa leikrit með tónlist hans. Frumsýning 2022 er engin tilviljun því það ár verður Bjartmar sjötugur og sýningin sett upp honum til heiðurs.
Pétur Guðjónsson er eigandi Draumaleikhússins og hefur í gegnum tíðina skrifað leikrit, ýmist einn eða með öðrum. Auk þess sinnir hann leikstjórn, kennslu, stuttmyndagerð og viðburðastjórnun.
Áheyrnarprufur fyrir „Í fylgd með fullorðnum“ verða fyrstu vikuna í desember og verður óskað eftir leikurum á öllum aldri.
Meðal laga sem eru í sýningunni eru:
Týnda kynslóðin, Bissí Krissí, Ljóð um þig, Þegar þú sefur, Með vottorð í leikfimi, Þannig týnist tíminn og fleiri og fleiri.

Langelstur að eilífu er splunkunýr söngleikur fyrir alla fjölskylduna, byggður á vinsælum verðlaunabókum Bergrúnar Írisar um Eyju og Rögnvald sem verða bestu vinir þrátt fyrir 90 ára aldursmun.

Verkið fjallar á einlægan hátt um vináttuna, lífið og dauðann. Sýningin er full af gleði, söng, hlýju og hjartnæmum boðskap. Hinn ástsæli Siggi Sigurjóns fer með hlutverk Rögnvalds gamla og með hlutverk hinnar sex ára gömlu Eyju fara tvær ungar stórleikkonur, þær Iðunn Eldey Stefánsdóttir og Nína Sólrún Tamimi. Þá syngja, leika og dansa einnig tíu börn í sýningunni auk leikaranna Ásgríms Geirs Logasonar og Júlíönu Söru Gunnarsdóttur.

Um umgjörðina á þessu stórskemmtilega verki sér einvala lið listrænna stjórnenda:
Leikgerð og leikstjórn: Björk Jakobsdóttir
Tónlist: Máni Svavarsson
Danshöfundur: Chantelle Carey
Söngstjóri: Guðlaug Dröfn Ólafsstóttir
Leikmynd og lýsing: Friðþjófur Þorsteinsson
Búningar: Eva Björg Harðardóttir
Grafík: Bergrún Íris Sævarsdóttir

Nashyrningarnir snúa aftur á Stóra svið Þjóðleikhússins. Aðeins verður um fáeinar sýningar að ræða í nóvember og desember. Ef þú misstir af Nashyrningunum þá skaltu ekki hika að tryggja þér miða í þetta sinn.

Seiðmagn nýrra hugmynda, hjarðhegðun og eilíf barátta mennskunnar við að lifa af

Hin ferska og fjöruga útfærsla Benedikts Erlingssonar og leikhópsins á þessu skemmtilega verki vakti gífurlega hrifningu á síðasta leikári og hlaut einróma lof. Tveir leikarar, þau Hilmir Snær Guðnason og Steinunn Ólína Þorsteinsdóttir, voru tilnefndir til Grímuverðlaunanna fyrir leik sinn í sýningunni.

Eitt frægasta verk Ionescos

Hversdagslegt lífið í litlum bæ umturnast þegar íbúarnir taka að breytast í nashyrninga, hver af öðrum. Allir nema hlédrægur skrifstofumaður sem er gagnrýndur af vinnufélögunum fyrir óstundvísi, óreglu og frjálslegt líferni. Hvers vegna er það einmitt bara hann sem reynir að spyrna við fótum og halda í mennskuna?

Nashyrningarnir eru eitt frægasta verk hins heimsþekkta fransk-rúmenska leikskálds Ionescos. Leikritið er sett upp reglulega víða um heim, enda spyr það enn áleitinna og ögrandi spurninga.

Í Jólaboðinu fylgjumst við með sögu íslenskrar fjölskyldu í fjörugri og óvenjulegri sviðsetningu, eins og Gísla Erni er einum lagið.

Við gægjumst inn í stofu á aðfangadagskvöld, reglulega, á einnar aldar tímabili. Við fylgjumst með fjölskyldunni koma saman á jólum, á ólíkum áratugum, og upplifum með henni umrót heillar aldar; tvær heimsstyrjaldir, breytingar í sjávarútvegi, hippatímabilið, tæknivæðingu þjóðfélagsins og ýmis umskipti í hugsunarhætti fólks. Fjölskyldan reynir í senn að aðlaga sig að breyttum aðstæðum og viðhalda gömlum venjum, en hin óhjákvæmilega framrás tímans setur hlutina æ ofan í æ úr skorðum og vekur sífellt nýjar spurningar og ný átök!

Blóðuga kanínan er súrrealísk kómedía eftir um áföll og afleiðingar þeirra. Verkið er skrifað innan úr áfalli, af konu sem reynir að skilja sína eigin áföll og afleiðinga þeirrar. Enginn skoðar heiminn með sömu augum og Elísabet. Hún er listamaður tungumálsins sem kryfur málin með beinskeittum húmor og sársaukafullri hreinskilni.

Blóðuga Kanínan verður frumsýnd í Tjarnarbíó 27. Janúar

Hópinn skipa:

Leikarar: Aðalbjörg Þóra Árnadóttir, Borgar Ao, Davíð Freyr Þórunnarson, Íris Tanja Flygenring, Ólafía Hrönn Jónsdóttir, Þóra Karítas Árnadóttir & Ævar Þór Benediktsson
Leikmynd og búningar: Þórunn María Jónsdóttir
Tónlist og hljóðmynd: Borgar Ao
Lýsing: Friðþjófur Þorsteinsson
Dramatúrg: Matthías Tryggvi Haraldsson
Hreyfingar: Vala Ómarsdóttir
Leikstjórn: Guðmundur Ingi Þorvaldsson
Framleiðandi: Fimbulvetur ehf í samstarfi við MurMur 

Hjartnæmt, skondið verk eftir spunkunýtt leikskáld, Sólveigu Eir Stewart. Tvær gjörólíkar konur mæla sér mót á veitingahúsi eftir að hafa tekið kápu hvor annarrar í misgripum nokkrum dögum áður. Þær komast að því að þær eiga kannski meira sameiginlegt en þær hafði grunað.

Hádegisleikhúsið tók til starfa í endurnýjuðum Leikhúskjallara í haust. Þar sjá gestir ný íslensk leikrit yfir léttum og ljúffengum hádegismat 25. mínútna leiksýning og léttur hádegisverður á 3.900 kr. Gómsæt súpa og nýbakað brauð.

Húsið opnar kl. 11.45 og matur er borinn fram á milli kl. 12.00 og 12.15. Leiksýningin hefst kl. 12:15 og tekur um hálftíma. Gestum er sannarlega velkomið að sitja áfram eftir sýningu.