· Nýtt verk frá Birgi Sigurðssyni höfundi Dags vonar

· Kristbjörg Kjeld fer með aðalhlutverk

· Leikstjóri er Hilmir Snær Guðnason

Föstudaginn 20.mars kl 20 frumsýnir Borgarleikhúsið á Nýja sviðinu verkið Er ekki nóg að elska? eftir Birgi Sigurðsson. Birgir hefur vakið verðskuldaða athygli fyrir fyrri verk sín. Hilmir Snær Guðnason leikstýrir og fremst í flokki leikara er Kristbjörg Kjeld.

SUM SVIK ERU SVO STÓR AÐ ÞAU VERÐA EKKI GRAFIN

Verkið: Er ekki nóg að elska? er raunsæisleg og kraftmikil fjölskyldusaga sem lýsir fjölskylduátökum um leyndarmál sem ekki mega koma upp á yfirborðið því þau sverta þar með minningu mektarmanns. Jarðarför hans stendur fyrir dyrum og ekkjan berst hetjulega fyrir sóma hússins og minningu mikils stjórnmálamanns og hreinskiptins eiginmanns sem hefur gert afar óvenjulega kröfu í erfðaskránni.

Birgir Sigurðsson er eitt fremsta núlifandi leikskáld okkar. Fyrsta leikrit hans, Pétur og Rúna, var sett á svið árið 1973. Leikritið vann til fyrstu verðlauna, ásamt Kertalogi Jökuls Jakobssonar, í leikritasamkeppni Leikfélags Reykjavíkur í tilefni af 75 ára afmæli félagsins árið 1972.

Dagur vonar var frumsýnt hjá Leikfélagi Reykjavíkur 1987 og 2007 og naut gífurlegra vinsælda í bæði skiptin. Leikritið var einnig tekið upp fyrir sjónvarp og tilnefnt til bókmenntaverðlauna Norðurlandaráðs árið 1989.

Aðstandendur Höfundur: Birgir Sigurðsson | leikstjóri: Hilmir Snær Guðnason |Tónlist: Björn Jörundur Friðbjörnsson | Leikmynd: Vytautas Narbutas | búningar: Stefanía Adolfsdóttir | Lýsing: Björn Bergsteinn Guðmundsson | Leikarar: Kristbjörg Kjeld, Unnur Ösp Stefánsdóttir, Katla Margrét Þorgeirsdóttir, Guðjón Davíð Karlsson og Sveinn Ólafur Gunnarsson.

Föstudaginn 27.mars kl 20:00 frumsýnir Borgarleikhúsið í samstarfi við Leikfélagið Sokkabandið nýtt íslenskt verk eftir Kristínu Eiríksdóttur. Verkið Hystory er leikstýrt af Ólafi Agli Egilssyni og leikkonurnar Arndís Hrönn Egilsdóttir, Birgitta Birgisdóttir og Elma Lísa Gunnarsdóttir leika í sýningunni.

ÞRJÁR VINKONUR SEM ERU EKKI VINIR Á FACEBOOK HITTAST OG DREKKA LANDA!

Leikhópurinn Sokkabandið frumsýnir nýtt íslenskt verk, Hystory, eftir
Kristínu Eiríksdóttur sem var nýverið tilnefnd til Íslensku
bókmenntaverðlaunanna í Borgarleikhúsinu 27. mars, 2015.
Leikkonurnar Arndís Hrönn Egilsdóttir, Elma Lísa Gunnarsdóttir og
Birgitta Birgisdóttir fara með hlutverkin í sýningunni en þær Elma Lísa
og Arndís Hrönn hafa rekið Sokkabandið í um áratug og sett upp
fjölmargar vandaðar sýningar. Tónlistarmaðurinn Högni Egilsson slæst
nú til liðs við Sokkabandið en þetta er í annað sinn sem systkinin Högni
og Arndís Hrönn vinna saman í leikhúsi en þau unnu einnig nýverið
saman að sýningunni Bláskjár eftir Tyrfing Tyrfingsson. Hystory er
samstarfsverkefni Sokkabandsins og Borgarleikhússins en Kristín
Eiríksdóttir var valin til að semja sérstaklega nýtt verk fyrir leikhópinn.

Um verkið
Dagný, Begga og Lilja voru bestu vinkonur í grunnskóla. Þegar þær voru
fimmtán ára hættu þær að tala saman. Síðan eru liðin tuttugu ár.
Þær mætast stundum á förnum vegi: í Melabúðinni, á Ægisíðunni eða í
ræktinni úti á Nesi.Þær brosa, kinka kolli, segja: Sæææl … en hendurnar
dofna ogþær verkjar í hjartað. Dagnýju finnst kominn tími til að þær
hittist svo hún sendir þeim skilaboð á Facebook og býður þeim heim til
sín í kaffi. Hana langar til að hreinsa andrúmsloftið en Beggu finnst ekki
vera hægt að laga til í minningum annarra og Lilja man ekki neitt.

Um höfundinn
Kristín Eiríksdóttir er myndlistarmenntaður rithöfundur. Hún hlaut
tilnefningu til Íslensku bókmenntaverðlaunanna 2014 í flokki
fagurbókmennta fyrir ljóðabókina Kok. Fyrsta bókin hennar, Kjötbærinn,
kom út árið 2004. Á eftir fylgdu svo ljóðabækurnar Húðlit auðnin (2006)
og Annarskonar sæla (2008). Árið 2010 kom út smásagnasafnið Doris
deyr og haustið 2012 sendi hún frá sér sína fyrstu skáldsögu, Hvítfeld –
fjölskyldusaga. Hún hefur einnig skrifað tvö leikrit: Karma fyrir fugla
ásamt Kari Ósk Grétudóttur, sem frumsýnt var í Þjóðleikhúsinu í febrúar
2013 og Skríddu sem sett var upp í Borgarleikhúsinu í apríl 2013.

Aðstandendur
Höfundur: Kristín Eiríksdóttir
Leikstjórn: Ólafur Egill Egilsson
Leikmynd og búningar: Eva Signý Berger
Lýsing: Valdimar Jóhannsson
Tónlist: Högni Egilsson
Hljóðfæraleikur: Claudio Puntin
Hljóð: Baldvin Magnússon
Leikarar: Arndís Egilsdóttir, Elma Lísa Gunnarsdóttir og Birgitta
Birgisdóttir

Nánari upplýsingar er að finna á facebook síðu Sokkabandsins
https://www.facebook.com/sokkabandid og facebook viðburðinum um Hystory
https://www.facebook.com/events/1375474476105243/ sem og á heimasíðu
Borgarleikhússins: http://www.borgarleikhus.is/syningar/hystory/ en miðasala er á
www.midi.is

Hver ert þú og hvað ertu að gera í dag?
Um þessar mundir er ég að framleiða stuttmynd sem ber titilinn Regnbogapartý og er eftir Evu Sigurðardóttur, sjá um kynningarstörf fyrir Hystory eftir Kristínu Eiríksdóttur sem frumsýnt er í Borgarleikhúsinu á næstunni og að leggja lokahönd á leyniverkefni sem afhjúpast með vorinu.
 
Í hvaða stjörnumerki ertu?
Sporðdreki og Vog – Á mörkum…
 
Hvað ætlaðir þú að verða þegar þú yrðir stór?
Ég velti fyrir mér læknisfræði, sálfræði og lögfræði þegar ég var um tvítugt og mátaði mig í hin ýmsu störf og lærði guðfræði, en komst að því að mig langaði að starfa við listir; verða leikstjóri, höfundur, leikari eða kvikmyndagerðarkona…
 
Hver er þinn helsti kostur og helsti galli?
Skipulagt kaos.
 
Hver er uppáhaldsmaturinn þinn?
Ég vildi að ég gæti sagt að ég væri vegan en hef ekki náð þeim punkti…önd með þunnum pönnukökum og agúrkum kemur upp í hugann og kalkúnn…
 
Hvaða sýningu sástu síðast í leikhúsi?
Ég sá síðast æfingu á nýju verki eftir Kristínu Eiríksdóttur sem tilnefnd var fyrir skemmstu til íslensku bókmenntaverðlaunanna. Verkið heitir Hystory og vísar titilinn í kvennasöguna en verkið fjallar um þrjár vinkonur sem eru ekki vinir á facebook og hafa ekki hist í 25 ár. Þær gera upp fortíðina með mjög eftirminnilegum hætti en verkið er uppfullt af ísköldum hversdagshúmor. Það er alltaf gaman að fylgjast með nýju íslensku verki eftir góða höfunda verða til í meðförum hæfileikaríks leikhóps.
 
Hvaða áhugamál áttu þér?
Náttúruupplifanir, heit böð, næturdraumar, flæðiskrif o.fl.
 
Hvernig tónlist hlustar þú mest á?
Popp, rokk og klassík…
 
Hvað fer mest í taugarnar á þér?
Það fer eftir því hvort átt er við miðtaugakerfið eða úttaugakerfið og þá viltaugakerfið eða dultaugakerfið? Líklega eru áföll og streita verst fyrir kerfið sem og hugarbreytandi efni. Jafnvel kaffi og of mikill sykur geta stuðað taugarnar í næmu taugakerfi…
 
Hver er þinn uppáhaldsstaður á Íslandi?
Skjálfandafljótið er ægifagurt.
 
Hver er þinn uppáhaldsstaður erlendis?
London og Krít en sólarstaðir koma sterkir inn í augnablikinu.
 

Flytja til London eða New York?
London.
 
Eiga hund eða kött?
Hund.
 
Borða heima heima eða úti daglega?
Heima.
 
Finnst þér betra að vinna á morgnana eða kvöldin?
Kvöldin.
 
Hvort drekkurðu bjór eða vín með matnum?
Hvorugt.
 
Hvort finnst þér skemmtilegra að lesa eða horfa á sjónvarp?
Lesa.
 
Hvort manstu betur: Nöfn eða andlit?
Andlit.
 
Veldu: Sturtu eða bað?
Bað.
 
Veldu: RÚV eða Stöð 2?
Rúv.
 
Ef þú ættir að lýsa þér í einu orði – hvaða orð væri það?
Supercalifragilisticexpialidocious.
 
Er eitthvað sem þú vilt segja að lokum?
Ég hlakka til ársins 2015 – það er rétt að byrja…
 

Hver ert þú og hvað ertu að gera í dag?
Ég er leikkona og er þessa dagana að æfa nýtt íslenskt verk eftir Kristínu Eiríksdóttir, Hystory sem verður frumsýnt 27.mars í Borgarleikhúsinu.
 
Í hvaða stjörnumerki ertu?
Krabbi.
 
Hvað ætlaðir þú að verða þegar þú yrðir stór?
Myndlistarkona, fornleifafræðingur, búðarkona, leikkona og margt annað. Ég er til dæmis nýbúin með ferðamálafræði og er með landvarðaréttindi. Kannski verð ég bara landvörður þegar ég verð stærri.
 
Hver er þinn helsti kostur og helsti galli?
Mínir kostir og gallar fara saman í mínu óskipulagða skipulagi. Getur stundum verið erfitt en oft mjög gott!
 
Hver er uppáhaldsmaturinn þinn?
Indverskur matur er bestur, með góðu rauðvíni. Humar og bleikja eru líka ofarlega á listanum.
 
Hvaða sýningu sástu síðast í leikhúsi?
Ég sá sýninguna Ekki hætta að anda í Borgarleikhúsinu. Fín sýning með frábærum leikkonum.
 
Hvaða áhugamál áttu þér?
Ferðamál. Hekl. Göngur. Ferðalög og fullt fleira!
 
Hvernig tónlist hlustar þú mest á?
Allskonar. FmBelfast er samt best!
 
Hvað fer mest í taugarnar á þér?
Þegar fólk treður sér fram fyrir í röðum í t.d.búðum og apótekum, meðvitað eða ómeðvitað. Fer sjúklega í taugarnar á mér! Og bara annar almennur dónaskapur og tillitsleysi. Annars er ég bara hress…
 
Hver er þinn uppáhaldsstaður á Íslandi?
Vestfirðirnir eins og þeir leggja sig. Það er allt fallegt þar og orkan er einstök.
 
Hver er þinn uppáhaldsstaður erlendis?
London, París, Róm.
 

Flytja til London eða New York?
New York.
 
Eiga hund eða kött?
Hund.
 
Borða heima heima eða úti daglega?
Heima.
 
Finnst þér betra að vinna á morgnana eða kvöldin?
Kvöldin.
 
Hvort drekkurðu bjór eða vín með matnum?
Vín.
 
Hvort finnst þér skemmtilegra að lesa eða horfa á sjónvarp?
Sjónvarp.
 
Hvort manstu betur: Nöfn eða andlit?
Andlit.
 
Veldu: Sturtu eða bað?
Bað.
 
Veldu: RÚV eða Stöð 2?
Rúv.
 
Ef þú ættir að lýsa þér í einu orði – hvaða orð væri það?
Supercalifragilisticexpialidocious.
 
Er eitthvað sem þú vilt segja að lokum?
Bless bless, ekkert stress, sjáumst hress á Hystory í Borgarleikhúsinu.
 

Hver ert þú og hvað ertu að gera í dag?
Ég er sonur, eiginmaður, faðir, frændi og svo mætti lengi telja. En ég hef atvinnu af því að leika, segja sögur og semja sögur. Ég vinn í Borgarleikhúsinu sem leikari og hjá Rúv sem leikari, umsjónarmaður og handritahöfundur af Stundinni okkar. Svo vinn ég fyrir sjálfan mig þess á milli.
 
Í hvaða stjörnumerki ertu?
Hrútur.
 
Hvað ætlaðir þú að verða þegar þú yrðir stór?
Leikari, læknir, kokkur og lögga. Aðallega leikari samt. Draumar geta ræst.
 
Hver er þinn helsti kostur og helsti galli?
Ég myndi segja að minn helsti kostur sé að ég kýli á hlutina og er ekkert að velta þeim um of fyrir mér. Minn helsti galli er að ég kýli á hlutina og er ekkert of mikið að velta þeim fyrir mér.
 
Hver er uppáhaldsmaturinn þinn?
Góð nautasteik. Það toppar hana ekkert!
 
Hvaða sýningu sástu síðast í leikhúsi?
Öldin okkar með Hundi í óskilum. Þetta er frábær sýning. Ég dáist að þeim. Þetta eru svo mikil hæfileikabúnt. Ágústa Skúla leikstýrði þeim með bravör! Frábær sýning.
 
Hvaða áhugamál áttu þér?
Eldamennska. Mér þykir ótrúlega gaman að elda, sérstaklega eitthvað svona veislu-ish. Finn mikla slökun í því. Svo hef ég mikinn áhuga á að spila og syngja tónlist og gamlir bílar.
 
Hvernig tónlist hlustar þú mest á?
Allskonar. Er mikið að hlusta á íslenska tónlist þessa dagana. Sem ég sit hér er ég að hlusta á Nýdönsk. Þeir klikka aldrei!
 
Hvað fer mest í taugarnar á þér?
Reyni að láta sem minnst fara í taugarnar á mér. Það að láta eitthvað fara í taugarnar á sér er val.
 
Hver er þinn uppáhaldsstaður á Íslandi?
Hálendið.
 
Hver er þinn uppáhaldsstaður erlendis?
Hvar sem er ef konan mín og börnin mín eru með og sólin skín.
 

Flytja til London eða New York?
London.
 
Eiga hund eða kött?
Hund.
 
Borða heima heima eða úti daglega?
Heima.
 
Finnst þér betra að vinna á morgnana eða kvöldin?
Kvöldin.
 
Hvort drekkurðu bjór eða vín með matnum?
Vín.
 
Hvort finnst þér skemmtilegra að lesa eða horfa á sjónvarp?
Sjónvarp.
 
Hvort manstu betur: Nöfn eða andlit?
Andlit.
 
Veldu: Sturtu eða bað?
Sturtu.
 
Veldu: RÚV eða Stöð 2?
Rúv.
 
Ef þú ættir að lýsa þér í einu orði – hvaða orð væri það?
Ruglaður.
 
Er eitthvað sem þú vilt segja að lokum?
Rosalega gaman að svara þessum spurningum! Vúhúúúúúúú.
 

· Frumsýning föstudaginn 6.mars

· Stærsta sýning sem Borgarleikhúsið hefur sett upp

· Uppselt á 28 sýningar

Föstudaginn 6.mars kl 19 frumsýnir Borgarleikhúsið stærstu sýningu sem sett hefur verið upp en 69 listamenn taka þátt í henni, það eru 34 börn, 24 fullorðnir og 11 hljómsveitarmeðlimir. Þrír glæsilegir ungir dansarar deila aðalhlutverkinu og leikstjóri er Bergur Þór Ingólfsson.

Verkið Billy er á leiðinni í boxtíma þegar hann lendir fyrir slysni á dansæfingu. Hann byrjar að hreyfa sig í takt við tónlistina og uppgötvar sér til furðu að þetta er ekki einungis það skemmtilegasta sem hann hefur gert heldur er hann einfaldlega fæddur til að dansa.

Billy á sér draum sem samræmist ekki hugmyndum fullorðna fólksins, hann dreymir um að verða dansari á heimsmælikvarða og er tilbúinn að leggja allt í sölurnar. Billy Elliot er þroskasaga unga fólksins og hinna fullorðnu – mögnuð og falleg saga um baráttu drengs við fordóma samfélagsins og fjölskyldunnar um að fá að vera sá sem hann er. Þetta er kraftmikið verk um alvöru fólk með skotheldri og grípandi tónlist eftir Elton John, stórfenglegum hópdansatriðum og ótrúlega hæfileikaríkum dreng í aðalhlutverki sem á eftir að fá áhorfendur til að gapa af undrun.

Söngleikurinn um Billy Elliot var frumsýndur á West End í London árið 2005 og hefur vakið gríðarlega athygli um víða veröld. Sýningin hlaut mikið lof og fjölda verðlauna og er nú loksins komin í Borgarleikhúsið undir stjórn sama hóps og færði okkur Mary Poppins. Hér blandast saman blússandi húmor og stórkostleg dans- og söngatriði svo úr verður sannkölluð flugeldasýning með einvala liði leikara og auðvitað íslenskum Billy.

Aðstandendur Höfundur: Lee Hall & Elton John | Þýðing: Karl Ágúst Úlfsson | leikstjóri: Bergur Þór Ingólfsson |Tónlist: Elton John | Leikmynd: Petr Hlousek | Búningar: Helga I. Stefánsdóttir | Lýsing: Þórður Orri Pétursson | Hljóð: Ólafur Örn Thoroddsen| Leikarar: Baldvin Alan Thorarensen, Hjörtur Viðar Sigurðarson, Sölvi Viggósson Dýrfjörð, Jóhann Sigurðarson, Halldóra Geirharðsdóttir, Hilmir Jensson, Halldór Gylfason, Jóhanna Vigdís Arnardóttir, Álfrún Örnólfsdóttir, Sigrún Edda Björnsdóttir, Þórunn Arna Kristjánsdóttir, Hilmar Guðjónsson, Sigurður Þór Óskarsson, Örn Árnason og fleiri.
 

SUNNUDAGUR 1. MARS KL. 13:00

ENGLABÖRN

Höfundur & leikstjóri: Hávar Sigurjónsson
Tónlist: Jóhann Jóhannsson
Tónlistarflutningur: Eþos kvartettinn og Jóhann Jóhannsson
Hljóðvinnsla: Björn Eysteinsson

Leikritið fjallar á óvæginn hátt um óhugnað og ofbeldi sem getur og hefur átt sér stað innan veggja heimilisins.

Englabörn er saga fjölskyldu þar sem sifjaspell og ofbeldi hafa mótað einstaklinga þriggja kynslóða. Leikritið gerist á þeim tímapunkti þegar einungis tveir yngstu meðlimir fjölskyldunnar eru á lífi, Jói og Karen.

Uppsetning Útvarpsleikhússins á Englabörnum, í leikstjórn Hávars Sigurjónssonar, hlaut Grímuna árið 2005 sem útvarpsverk ársins.

ATH: Leikritið Englabörn er nærgöngult verk um viðkvæmt efni.
Atriði í leiknum gætu reynst viðkvæmum hlustendum erfið.

Leikendur:
Ólafur Egill Egilsson, Álfrún Örnólfsdóttir, Kristján Franklín Magnús, Margrét Ólafsdóttir og Hjálmar Hjálmarsson

Hafnarfjarðarleikhúsið frumflutti Englabörn árið 2001 í leikstjórn Hilmars Jónssonar. Jóhann Jóhannsson frumsamdi tónlist fyrir sýninguna og var það fyrsta tónlistin sem hann samdi fyrir dramatískt verk. Tónlist Jóhanns er einnig í útvarpsleikgerðinni frá árinu 2005.

Verkið er nú endurflutt m.a. til að heiðra tónskáldið sem hefur verið tilnefnt í ár til þrennra verðlauna fyrir tónsmíðar sínar í kvikmynd: Golden Globe (sem hann vann), síðan BAFTA verðlaunanna og loks Óskarsverðlaunanna.

frá 2005

SUNNUDAGUR 8. MARS KL. 13:00

ÍMYNDAÐAR AFSTÆÐISKENNINGAR

eftir Ævar Þór Benediktsson
Leikstjóri: Árni Kristjánsson
Hljóðvinnsla: Einar Sigurðsson

„Albert var sextán ára þegar hann komst að því að hann væri ímyndun besta vinar síns.”

Á þessum orðum hefst útvarpsleikritið Ímyndaðar afstæðiskenningar. Eðlisfræðikennarinn Theodór liggur á líknardeild Landsspítalans og tíminn er senn á þrotum. Sá eini sem vakir yfir honum er ímyndaði vinur hans, Albert, sem hefur fylgt honum í meira en fimmtíu ár. En Theodór má ekki kveðja – ekki strax. Því þeir Albert eiga óuppgerð mál, bæði ímynduð sem og raunveruleg.
 
Leikendur:
Víðir Guðmundsson, Pétur Einarsson, Sigurður Skúlason, Þorsteinn Bachmann, Atli Þór Albertsson, Davíð Freyr Þórunnarson, Ævar Þór Benediktsson og Harpa Arnardóttir.

frá 2012

http://www.ruv.is/leikhus
 

 
Þjóðleikhúsið frumsýnir þann 12. mars í Kassanum nýtt leikrit eftir Sigurð Pálsson í leikstjórn Kristínar Jóhannesdóttur.
Ung kona áttar sig á því að það sér hana enginn í erfidrykkju eiginmannsins sem drap sig úr dugnaði. Hún hefur alltaf verið bakhliðin á eiginmanninum og veit ekki lengur hver hún er. Þegar hún ráfar út úr erfidrykkjunni finnur hún að hún hefur heldur ekkert aðdráttarafl lengur. Það sem meira er – vegfarendum finnst hún beinlínis fráhrindandi, öllum nema draumlyndum ungum manni sem dregst að henni eins og naglapakki að segulstáli. Nokkrum mánuðum síðar, eftir aðra sára lífsreynslu, reikar hún svefnlaus um miðborgina og nýtur stuðnings tveggja kvenna, Næturinnar og Rigningarinnar. Fjórar götur í gömlu Reykjavík toga hana stöðugt til sín en þar virðist fortíð hennar búa.

Sigurður Pálsson hefur sent frá sér fjölmörg leikrit af ólíkum toga og hikar ekki við að halda með áhorfendur á vit hins óvænta. Kristín Jóhannesdóttir leikstjóri, Gretar Reynisson leikmyndahöfundur og Sigurður Pálsson sameinuðu síðast krafta sína hér í Þjóðleikhúsinu í hinni rómuðu sýningu Utan gátta sem hlaut sex Grímuverðlaun, meðal annars fyrir sýningu, leikstjórn, leikmynd og leikrit ársins.

Í sýningunni leika Elma Stefanía Ágústsdóttir, Lilja Nótt Þórarinsdóttir, Svandís Dóra Einarsdóttir, Snorri Engilbertsson, Ólafía Hrönn Jónsdóttir og Eggert Þorleifsson.

Úlfur Eldjárn semur tónlist, búninga gerir Þórunn María Jónsdóttir og Halldór Örn Óskarsson og Magnús Arnar Sigurðarson hanna lýsingu.
 

Leikfélag Keflavíkur setur upp Killer Joe
Óvægið og áhrifamikið nútímaverk. Leikritið lýsir sérkennilegri fjölskyldu í Bandaríkjunum sem býr við bág kjör en elur með sér drauma um betra líf og grípur til örþrifaráða til að sjá drauma sína rætast.

Leikritið hefur verið sýnt í yfir tuttugu löndum og hvarvetna vakið mikla athygli.

Leikfélag Keflavíkur

Hanna Dóra Sturludóttir hlaut Íslensku tónlistarverðlaunin um helgina í flokknum Söngkona ársins í sígildri og samtímatónlist. Hún er ein þriggja söngvara í sýningum Íslensku óperunnar í vetur sem hlutu verðlaunin fyrir árið 2014, en auk hennar hlaut Elmar Gilbertsson verðlaunin í flokknum Söngvari ársins í sígildri og samtímatónlist, og Oddur Arnþór Jónsson var valinn Bjartasta vonin í sígildri og samtímatónlist.

Til hamingju öll!