2014 | Leikhus.is

    Leikhúsleikurinn í boði Kol restaurant

    Nafn:

    Netfang:

    Fæðingarár:

    Símanúmer:

    Kyn:

    KarlKona

     
    Á hvaða tíma er leikhústilboð Kol? - Smellið hér til að finna svarið.

    Svar:

     
    Vinningurinn í leikhúsleiknum er:

    Gjafabréf í leikhús fyrir tvo og 20.000 kr. gjafabréf á Kol restaurant

    Drögum einn heppinn þann 22. apríl 2015. Þeir sem taka þátt í leikhúsleiknum eru sjálfkrafa skráðir sem vildarvinir leikhús.is og fá send fréttabréf með fréttum úr leikhúslífinu og ýmis tilboð.

     


    Jólagleði Tjarnarbarsins

    des 9, 2014   //   by admin   //   Uncategorized  //  Engar athugasemdir


     
    Tjarnarbíó leitar að listamönnum til að taka þátt í kósí jólakvöldstund á Tjarnarbarnum föstudaginn 12. desember 2014.

    Kanntu að leika, syngja, spila á blokkflautu? Semur þú ljóð? Rapparðu? Flæðir list um þig og viltu deila henni með okkur?

    Þetta er fyrsta option fyrir þig.

    Annað option: Föstudaginn 12. desember 2014 mun jólaandinn flæða yfir Tjarnarbíó. Þétt dagskrá af mismunandi listamönnum sem m.a. rappa, flytja ljóð, syngja, leika, spila á hljóðfæri og flytja gjörninga mun fylla húsið þetta kvöld.

    Aðgangur er ókeypis og hefst dagskráin kl. 21:00. Markmiðið er að eiga góða stund saman, njóta lista og vera jólasexí. Jólaglögg, bakkelsi og jólabjór verða á stórhátíðarverði. Klæðum Tjarnarbíó í jólalist.

    Ef áhugi er fyrir hendi að taka þátt í kvöldinu vinsamlegast sendið póst á katla@tjarnarbio.is.

    Augasteinn

    des 8, 2014   //   by admin   //   Uncategorized  //  Engar athugasemdir

    Ævintýrið um Augastein var upphaflega samið á ensku og frumsýnt í Drill Hall leikhúsinu í London 2002, en ári síðar var verkið frumflutt í íslenskri útgáfu í Tjarnarbíói. Þá kom ævintýrið einnig út á bók, sem notið hefur mikilla vinsælda æ síðan.

    Verkið byggir á sögunum um sveinstaulana þrettán, syni Grýlu og Leppalúða, sem áttu það til að hrella fólk um jólaleytið. En í ævintýri leikhópsins er það drengurinn Augasteinn sem allt snýst um. Hann lendir fyrir tilviljun í höndum jólasveinanna hrekkjóttu, sem vilja ólmir taka hann að sér, en þegar Grýla kemst á snoðir um tilvist hans æsist leikurinn.

    Ná jólasveinarnir að bjarga Augasteini úr klóm Grýlu og jólakattarins áður en jólin ganga í garð?

    Felix Bergsson skrifaði Ævintýrið um Augastein í samstarfi við Kolbrúnu Halldórsdóttur leikstjóra og Helgu Arnalds brúðulistamann. Fyrstu 10 árin lék Felix hlutverk Steins gamla sölumanns minninga og minjagripa en fyrir tveimur árum tók Orri Huginn Ágústsson við hlutverkinu. Í þetta sinn munu þeir Felix og Orri Huginn skipta með sér sýningunum.

    Brúður og leikmynd eru eftir Helgu Arnalds, lýsingu hannaði Jóhann Bjarni Pálmason og tónlistina útsetti Hróðmar Ingi Sigurbjörnsson fyrir Háskólakórinn undir stjórn Hákons Leifssonar. Hljóðmynd verksins er unnin af Sveini Kjartanssyni. Leikstjóri er Kolbrún Halldórsdóttir.

    Sýningardagar 6., 7. og 14. desember.
     

    Grimas Cake Make-up

    des 8, 2014   //   by admin   //   Uncategorized  //  Engar athugasemdir

    Grimas Cake Make-up eða kökumeik eins og það er kallað er þekjandi andlitsfarði sem er auðveldur í notkun. Hann er framleiddur í mörgum húðlitum ásamt hvítum og svörtum, kemur í 35 gr. dósum og kostar dósin kr. 2.375.- .

    Leikhúsbúiðn er við Kleppsmýrarveg 8, 104 Reykjavík og er opin alla virka daga frá 9-13 og sendir hvert á land sem er. Pantaðu í síma 5516974 eða með tölvupósti í netfangið info@leiklist.is

    Cake Make-up hentar vel t.d. sem undirfarði fyrir Grimar vatnslitina eða bara eitt og sér þegar fólk vill síður nota kremfarða. Farðinn er borinn á hreina húð með blautum svampi. Ekki þó of blautum því þá vill hann fara í rendur. Ekki er þörf á að púðra yfir farðann.

    Innihaldslýsing og nánari upplýsingar

    Jólasýning Borgarbarna í Iðnó

    des 5, 2014   //   by admin   //   Uncategorized  //  Engar athugasemdir

    Jólasýning Borgarbarna 2014 heitir Mamma Gjé?. Þetta er níunda árið sem Borgarbörn setja upp jólasöngleik sem ætlaður er öllum aldurhópum og stílað er inn á fjölskylduskemmtun. Þessi skemmtilegi jólasöngleikur inniheldur fjölmörg vinsæl erlend lög í íslenskum búningi, óvæntar uppákomur og kraftmikla dansa. Leikstjóri og höfundur handrits er Erla Ruth Harðardóttir og henni til aðstoðar er Karen Ýr Jóelsdóttir. Um söngstjórn sér Rebekka Sif Stefánsdóttir og danshöfundur er Auður Finnbogadóttir.

    Sýningin fjallar um ævintýri Mömmu Gjé og þeirra þrettán barna sem hún er með í fóstri. Nú, þegar jólahátíðin er að ganga í garð og einungis þrettán dagar til jóla, er nóg að gera hjá fósturbörnunum sem ganga í ýmis misjöfn verk, að skipan Mömmu Gjé.

    Heimsókn Brynhildar fulltrúa barnaverndar setur strik í reikninginn ásamt því að koma fjórtánda fósturbarnsins, ruglar Mömmu Gjé aldeilis í ríminu. Fjórtán er bara alls ekki réttur fjöldi! Inn í leikinn skerast svo Úrsúla og Álfadís sem greinir svo sannarlega á um framvinduna.

    Tenging Mömmu Gjé og fósturbarnanna þrettán við aðra kellu og hennar þrettán sveina er skemmtileg. Þó skal taka fram, að hér er á ferðinni allt önnur saga 😉

    Sýningartími er rétt undir klukkustund. Sýningatímar eru flesta virka morgna kl. 9:30 og/eða 11:00, virka eftirmiðdaga kl. 17:00/17:30 og um helgar kl. 14:00 og/eða 16:00.

    Frumsýning er 30. nóvember og standa sýningar fram að jólum.

    Miðaverð er 1.000 kr.

    Kaup á einni sýningu (150 sæti) er tilvalið fyrir starfsmannafélög og skóla. Þá er miðaverð einungis kr. 650 á einstakling og heildarverð fyrir sýningu kr. 97.500. Innifalið í þeim kaupum er djús og piparkökur fyrir áhorfendur eftir sýningu.

    Miðapantanir í Iðnó milli kl. 11:00-16:00 virka daga í síma 562-9700.

    Upplýsingar eru einnig veittar í síma: 861-6722 eða á borgarborn@gmail

    Jólagjafasöfnun fyrir Mæðrastyrksnefnd er árleg hefð á sýningum Borgarbarna. Áhorfendur geta komið með pakka á sýningar, merktan aldri og kyni. Borgarbörn sjá síðan um að koma pökkunum til Mæðrastyrksnefndar í tæka tíð fyrir jól.

    Vara vikunnar í Leikhúsbúð Bandalagsins

    des 5, 2014   //   by admin   //   Uncategorized  //  Engar athugasemdir

    Grimas Foundation er léttur, mattur, fljótandi húðfarði sem er vel þekjandi. Hentar sérlega vel í mikilli nálægð, fyrir kvikmyndir og ljósmyndun t.d. Liturinn er í 35 ml. túbum og til í 3 litatónum sem kosta 1.290.- stk.

    Leikhúsbúiðn er við Kleppsmýrarveg 8, 104 Reykjavík og er opin alla virka daga frá 9-13 og sendir hvert á land sem er. Pantaðu í síma 5516974 eða með tölvupósti í netfangið info@leiklist.is

    Farðinn er borinn beint á húð. Ef húðin en þurr getur verið gott að nota rakakrem undir. Berið það á og bíðið í 10 mín. áður en farðinn er notaður.

    Farðinn næst af með hreinsikremi.

    Innihaldslýsing og nánari upplýsingar

    Leikhópurinn Lotta

    des 5, 2014   //   by admin   //   Uncategorized  //  Engar athugasemdir

    Leikhópurinn Lotta var stofnaður haustið 2006. Að stofnun hans komu níu einstaklingar sem allir áttu það sameiginlegt að hafa brennandi áhuga á leiklist og áttu ákaflega bágt með þá hefð leikhúsanna að fara í sumarfrí. Hvað eiga áhugasamir áhugaleikarar af sér að gera á sumrin þegar leikhóparnir leggjast allir í dvala? Svarið lá í augum uppi.

    Það er ekki auðvelt að stofna leikhóp og ekki ókeypis heldur en liðsmenn Lottu voru stórhuga. Fyrsta Lottan (við köllum bílinn okkar Lottuna) var keyptur út á krít hjá fjármálafyrirtækjunum og kerra undir leikmyndina var leigð af kerruleigu. Stórsmellurinn Dýrin í Hálsaskógi varð fyrir valinu sem fyrsta verkið sem yrði sett upp enda urðum við að treysta á að sýningin myndi draga að sér áhorfendur svo hægt væri að standa í skilum við fjármálastofnanir. Við renndum hálf blint í sjóinn og vissum alls ekki hvaða ævintýri við værum að leggja út í.

    Skemmst er frá því að segja að strax á frumsýningunni var ljóst að við vorum að gera eitthvað rétt. Elliðaárdalurinn fylltist af fólki þegar Lotta frumsýndi í fyrsta sinn þann 20 maí árið 2007. Þetta fyrsta sumar sýndum við á yfir 40 stöðum víðsvegar um landið og hvar sem við komum var okkur tekið fagnandi. Um 15 þúsund manns sáu Dýrin í Hálsaskógi í meðförum Lottu þetta sumar og síðan þá hefur áhorfendum okkar farið fjölgandi með hverju árinu.

    Sumarið 2012 var Leikhópurinn Lotta tekinn inn í Sjálfstæðu leikhópana og síðan þá telst hópurinn til atvinnuleikhópa.

    Stjórn Lottu er skipuð fjórum einstaklingum sem allir hafa verið með hópnum frá stofnun hans (utan Rósu sem stimplaði sig rækilega inn þegar hún tók aðalhlutverkið í Galdrakarlinum í Oz sumarið 2008). Lottan telur þó fleiri meðlimi því á ári hverju koma mun fleiri aðilar að uppsetningu hvers verks. Við lítum á þetta svolítið eins og skátarnir „eitt sinn Lotta, ávalt Lotta“ og verður því öllum meðlimum Lottu, bæði fyrr og síðar gerð skil á þessari síðu.

    Upplýsingar um hvern og einn koma þó síðar. Þetta er svo mikið af fólki að það tekur smá tíma að koma öllum inn 🙂

    Leynileikhúsið

    des 4, 2014   //   by admin   //   Uncategorized  //  Engar athugasemdir

    Leynileikhúsið býður uppá almenn leiklistarnámskeið fyrir börn í 2.-10.bekk og framhaldsnámskeið, sem ætluð eru fyrir vana leiklistariðkendur í 5.-10.bekk. Einnig er hægt að sækja söngleikjanámskeið og námskeið í talsetningu teiknimynda hjá Leynileikhúsinu. Almenn leiklistarnámskeið eru alls 12 klukkustundir. Hver leiklistartími er ein klukkustund í senn og fer fram einu sinni í viku. Framhaldsnámskeið eru 90 mínútur í senn, einnig einu sinni í viku. Kennt er í skólabyggingum víða um höfuðborgarsvæðið, fyrstu tíu skiptin. Lokatíminn er tvöfaldur (11.og 12.tími) og fer fram í leikhúsi, þar sem nemendur fá búninga, leikhúsförðun og æfingu á sviði og sýna svo leiksýningu fyrir aðstandendur.

    Á öllum námskeiðum okkar fær sköpunargleðin, leikur, spuni og samvinna að ráða ríkjum, því megináherslur Leynileikhússins eru ávallt frumsköpun og LEIKGLEÐI.

    Í gegnum leiki, æfingar og spuna er unnið sérstaklega með hlustun, samvinnu, einbeitingu og tjáningu. Leitast er við að leiðbeina þátttakendum við að finna hugmyndum sínum farveg og byggja þannig upp sjálfstraust þeirra og framkomu.

    Öllum námskeiðum lýkur með sýningu nemenda á eigin verkum, sem fram fara í leikhúsi. Allir kennararnir Leynileikhússins skarta háskólamenntun í leiklist.
     
    www.leynileikhusid.is

    ofsi

    des 4, 2014   //   by admin   //   Uncategorized  //  Engar athugasemdir

    Sturlungaöld á leiksviði

    Hér birtast okkur átök Sturlungaaldar í nýstárlegri sýningu leikhópsins Aldrei óstelandi, en hópurinn hefur vakið mikla athygli fyrir leiksýningarnar Lúkas, Sjöundá og Fjalla-Eyvind.

    Sögusviðið er Ísland á þrettándu öld. Blóðugt tímabil hatrammra deilna og mikillar óvissu. Gissur Þorvaldsson snýr heim frá Noregi, fús til sátta við erkióvini sína, Sturlunga, eftir áralangan ófrið. Sturlungar efast um heilindi Gissurar en sannfærast þegar hann leggur til að sonur hans kvænist stúlku af ætt Sturlunga. Fjölmenni er boðið til brúðkaupsveislu að Flugumýri þar sem innsigla á friðinn. En þessar sættir eru ekki öllum að skapi. Eyjólfur ofsi glímir bæði við stórlynda eiginkonu og stríða lund. Í vígahug ríður hann með flokk manna að Flugumýri í veislulok.

    Einar Kárason hlaut Íslensku bókmenntaverðlaunin árið 2008 fyrir skáldsöguna Ofsa.

    Leikstjórn: Marta Nordal
    Leikarar: Edda Björg Eyjólfsdóttir, Friðrik Friðriksson, Oddur Júlíusson og Stefán Hallur Stefánsson.
    Leikgerð: Marta Nordal, leikhópurinn og Jón Atli Jónasson
    Leikmynd: Stígur Steinþórsson
    Búningar: Helga I. Stefánsdóttir
    Tónlist: Eggert Pálsson

    Sýningin er styrkt af Mennta- og menningarmálaráðuneytinu og Reykjavíkurborg.
    Aldrei óstelandi í samvinnu við Þjóðleikhúsið.
    Sýnt í Kassanum í Þjóðleikhúsin.
     

    Útlenski drengurinn

    des 4, 2014   //   by admin   //   Uncategorized  //  Engar athugasemdir

    Dóri litli er settur í skyndipróf í lestri sem verður til þess að hann missir ríkisfangið og er kyrrsettur á skólabókasafninu. Af hverju skilur hann enginn lengur? Af hverju má hann ekki borða sitt eigið nammi? Hver er þessi Ugla og hvað gengur aðstoðarskólastjóranum eiginlega til? Drepfyndið, óútreiknanlegt og mikilvægt nýtt íslenskt leikrit fyrir stálpaða krakka og aðrar hugsandi verur. Glenna er nýr leikhópur sem hefur það að markmiði að gera framsækið og vandað leikhús fyrir yngri áhorfendur.
     

    Lísa í undralandi – Áheyrnarprufur

    des 4, 2014   //   by admin   //   Uncategorized  //  Engar athugasemdir

    Leikfélag Akureyrar frumsýnir leikverkið „Lísu í Undralandi“ í nýrri leikgerð Margrétar Örnólfsdóttur og við tónlist eftir dr. Gunna í Samkomuhúsinu í lok febrúar 2015. Leikstjóri verður Vignir Rafn Valþórsson, Sigríður Sunna Reynisdóttir hannar leikmynd og búninga og með hlutverk Lísu fer Thelma Marín Jónsdóttir. Önnur hlutverk eru í höndum Benedikts Karls Gröndal, Sólveigar Guðmundsdóttur og Péturs Ármannssonar. Auk þess er gert ráð fyrir að fjórir ungir leikarar taki þátt í sýningunni.

    Leikfélag Akureyrar bendir ungu fólki (14-18 ára) sem vill taka þátt í þessari spennandi uppsetningu á að í tengslum við hana munu fara fram sérstakar áheyrnarprufur. Prufurnar verða laugardaginn 15. nóvember n.k. (í Rýminu), en skráning fer fram á netfanginu midasala@leikfelag.is. Allar nánari upplýsingar veitir Ragnheiður Skúladóttir, leikhússtjóri í síma 4 600 200.

    Síður:«1234»
    loading

    Takk fyrir að skrá þig!