Þjóðleikhúsið-haus

Söluskóli Gunnars Andra ehf. er máttarstólpi leikhús.is
 
80. sýning á Dýrin í Hálsaskógi   Prenta  Netfang 

Barnaleikritið sígilda, Dýrin í Hálsaskógi, hefur nú gengið fyrir fullu húsi í 79 skipti en á fimmtudag er  80. sýning á þessari frábæru sýningu. Þetta er í fjórða sinn sem þetta vinsæla barnaleikrit er sett upp í Þjóðleikhúsinu en leikstjóri  að þessu sinni er Sigurður Sigurjónsson.

Leikrit Thorbjörns Egners hafa notið gífurlegra vinsælda á Íslandi allt frá því Kardemommubærinn var frumsýndur í Þjóðleikhúsinu árið 1960. Sú hefð hefur skapast að gefa sem næst hverri kynslóð íslenskra barna kost á því að sjá á sviði tvö vinsælustu verk Egners, Dýrin í Hálsaskógi og Kardemommubæinn, og segja má að bæði verkin hafi öðlast sess sem sígild barnaleikrit á íslensku leiksviði. Dýrin í Hálsaskógi var fyrst sýnt í Þjóðleikhúsinu árið 1962. Sýning Þjóðleikhússins nú hlaut Grímuna - Íslensku leiklistarverðlaunin 2004 sem barnasýning ársins.

Að þessu sinni er það Þröstur Leó Gunnarsson sem fer með hlutverk hins sísvanga Mikka refs og Atli Rafn Sigurðarson leikur hinn glaðlynda og söngelska Lilla klifurmús. Kjartan Guðjónsson leikur Martein skógarmús, Pálmi Gestsson fer með hlutverk Hérastubbs bakara og bakaradrenginn leikur Friðrik Friðriksson. Bangsapabbi og bangsamamma eru þau Örn Árnason og Lilja Guðrún Þorvaldsdóttir, Ragnheiður Steindórsdóttir leikur ömmu skógarmús, sem víðfræg er fyrir flug sitt á regnhlíf. Húsamúsina leikur Arnbjörg Hlíf Valsdóttir.  Manninn og konuna á bænum leika Randver Þorláksson og Anna Kristín Arngrímsdóttir. Björgvin Franz Gíslason leikur Patta broddgölt og hundinn Habakúk. Margrét Guðmundsdóttir leikur ugluna, Sigríður Þorvaldsdóttir krákuna og Baldur Trausti Hreinsson fer með hlutverk elgsins. Auk þess taka nokkur börn þátt í sýningunni.

Tónlistin í Dýrunum í Hálsaskógi er eftir Thorbjörn Egner og Christian Hartmann. Þýðandi verksins er Hulda Valtýsdóttir og Kristján frá Djúpalæk þýddi ljóðin. Um dansa og sviðshreyfingar sér Ástrós Gunnarsdóttir, lýsingu annast Halldór Örn Óskarsson, búninga gerir Þórunn María Jónsdóttir og höfundur leikmyndar er Brian Pilkington. Hljómsveitarstjóri er Jóhann G. Jóhannsson en sjö manna hljómsveit leikur í sýningunni. Leikstjóri er Sigurður Sigurjónsson.

Panta miða
midasala@leikhusid.is


alfaborg 450x250

 
Leikhús.is er rekið af SGA ehf
©2004-2014 - Allur réttur áskilinn

leikhus@leikhus.is
Hafa samband

 
 
SGA-opid-150