Leitin að jólunum
Leitin að jólunum eftir Þorvald Þorsteinsson og Árna Egilsson er sýnd í Þjóðleikhúsinu um þessar mundir.
Grímuverðlaunasýningin Leitin að jólunum hefur verið sýnd á aðventunni við miklar vinsældir allt frá því hún var frumsýnd árið 2005. Verkið verður nú sýnt ellefta leikárið í röð og eru sýningar orðnar vel á þriðja hundraðið.
Tveir skrýtnir og skemmtilegir náungar taka á móti litlum leikhúsgestum í anddyri Þjóðleikhússins. Með þeim í för eru tveir hljóðfæraleikarar og þessi fjörugi hópur leiðir börnin með leik og söng um leikhúsið. Börnin ferðast inn í ævintýraveröld jólanna og sjá leikþætti um jólin í gamla daga og á okkar tímum.
Aldurshópur: 2ja – 99 ára.
