Leiksýningin Sjö ævintýri um skömm eftir Tyrfing Tyrfingsson hlaut flestar tilnefningar til Grímuverðlauna í dár með tólf tilnefningar. Þar á eftir kom sýningin 9 Líf eftir Ólaf Egil Egilsson með tíu tilnefningar.

Tilnefningarnar til íslensku sviðslistaverðlaunanna, Grímuverðlaunanna, voru kynntar í Þjóðleikhúskjallaranum í dag. Verðlaunahátíðin sjálf fer fram eftir viku, þriðjudagskvöldið 14. júní. Sýnt verður beint frá hátíðinni á RÚV.

Tilnefningar til Grímunnar 2022:

Sýning ársins:

• 9 líf
• Eftir Ólaf Egil Egilsson
• Sviðsetning – Borgarleikhúsið
• AIŌN
• Eftir Ernu Ómarsdóttir og Önnu Þorvaldsdóttir
• Sviðsetning – Íslenski Dansflokkurinn og Sinfoníuhljómsveit Íslands
• BALL
• Eftir Alexander Roberts og Ásrúnu Magnúsdóttur
• Sviðsetning – Íslenski Dansflokkurinn
• Sjö ævintýri um skömm
• Eftir Tyrfing Tyrfingsson
• Sviðsetning – Þjóðleikhúsið

Leikrit ársins:

• 9 líf
• Eftir Ólaf Egil Egilsson
• Sviðsetning – Borgarleikhúsið
• Blóðuga kanínan
• Eftir Elísabetu Kristínu Jökulsdóttur
• Sviðsetning – Fimbulvetur í samastarfi við Murmur productions og Tjarnarbíó
• Njála á hundavaði
• Eftir Hjörleif Hjartarson
• Sviðsetning – Borgarleikhúsið
• Sjö ævintýri um skömm
• Eftir Tyrfing Tyrfingsson
• Sviðsetning – Þjóðleikhúsið

Leikstjóri ársins:

• Ólafur Egill Egilsson
• 9 líf
• Sviðsetning – Borgarleikhúsið
• Una Þorleifsdóttir
• Ást og upplýsingar
• Sviðsetning – Þjóðleikhúsið
• Stefán Jónsson
• Sjö ævintýri um skömm
• Sviðsetning – Þjóðleikhúsið
• Vala Ómarsdóttir
• TÆRING
• Sviðsetning – HÆLIÐ setur um sögu berklanna í samstarfi við LA
• Agnes Wild
• Tjaldið
• Sviðsetning – Miðnætti í samstarfi við Borgarleikhúsið

Leikari í aðalhlutverki:

• Almar Blær Sigurjónsson
• Ásti og upplýsingar
• Sviðsetning – Þjóðleikhúsið
• Björn Stefánsson
• 9 líf
• Sviðsetning – Borgarleikhúsið
• Gísli Örn Garðarsson
• Ég hleyp
• Sviðsetning – Borgarleikhúsið
• Hilmir Snær Guðnason
• Sjö ævintýri um skömm
• Sviðsetning – Þjóðleikhúsið
• Sigurbjartur Sturla Atlason
• Rómeó og Júlía
• Sviðsetning – Þjóðleikhúsið

Leikari í aukahlutverki:

• Eggert Þorleifsson
• Sjö ævintýri um skömm
• Sviðsetning – Þjóðleikhúsið
• Hallgrímur Ólafsson
• Rómeó og Júlía
• Sviðsetning – Þjóðleikhúsið
• Sigurður Þór Óskarsson
• Emil í Kattholti
• Sviðsetning – Borgarleikhúsið
• Snorri Engilbertsson
• Framúrskarandi vinkona
• Sviðsetning – Þjóðleikhúsið
• Vilhjálmur B Bragason
• Skugga Sveinn
• Sviðsetning – Leikfélag Akureyrar

Leikkona í aðalhlutverki:

• Ebba Katrín Finnsdóttir
• Rómeó og Júlía
• Sviðsetning – Þjóðleikhúsið
• Halldóra Geirharðsdóttir
• 9 líf
• Sviðsetning – Borgarleikhúsið
• Ilmur Kristjánsdóttir
• Sjö ævintýri um skömm
• Sviðsetning – Þjóðleikhúsið
• Vala Kristín Eiríksdóttir
• Þétting hryggðar
• Sviðsetning – Borgarleikhúsið
• Vigdís Hrefna Pálsdóttir
• Framúrskarandi vinkona
• Sviðsetning – Þjóðleikhúsið

Leikkona í aukahlutverki:

• Ásthildur Úa Sigurðardóttir
• Emil í Kattholti
• Sviðsetning – Borgarleikhúsið
• Kristín Þóra Haraldsdóttir
• Sjö ævintýri um skömm
• Sviðsetning – Þjóðleikhúsið
• Margrét Ákadóttir
• Ein komst undan
• Sviðsetning – Borgarleikhúsið
• Margrét Guðmundsdóttir
• Ein komst undan
• Sviðsetning – Borgarleikhúsið
• Ólafía Hrönn Jónsdóttir
• Sjö ævintýri um skömm
• Sviðsetning – Þjóðleikhúsið

Leikmynd ársins:

• Ilmur Stefánsdóttir
• 9 líf
• Sviðsetning – Borgarleikhúsið
• Eva Signý Berger
• Emil í Kattholti
• Sviðsetning – Borgarleikhúsið
• Júlíanna Lára Steingrímsdóttir
• Hvíla sprungur
• Sviðsetning – Íslenski dansflokkurinn & Last Minute Productions
• Guðný Hrund Sigurðardóttir
• Kjarval
• Sviðsetning – Borgarleikhúsið
• Börkur Jónsson
• Sjö ævintýri um skömm
• Sviðsetning – Þjóðleikhúsið

Búningar ársins:

• Erna Guðrún Fritzdóttir
• BALL
• Sviðsetning – Íslenski Dansflokkurinn
• Aldís Davíðsdóttir
• Hetja
• Sviðsetning – Skýjasmiðjan
• Karen Briem & Sunneva Weisshappel
• Rómeó <3 Júlía
• Sviðsetning – Íslenski Dansflokkurinn
• Anna Rún Tryggvadóttir og Urður Hákonardóttir
• Rómeó og Júlía
• Sviðsetning – Þjóðleikhúsið
• Þórunn Elísabet Sveinsdóttir
• Sjö ævintýri um skömm
• Sviðsetning – Þjóðleikhúsið

Lýsing ársins:

• Egill Ingibergsson og Móeiður Helgadóttir
• Ein komst undan
• Sviðsetning – Borgarleikhúsið
• Björn Bergsteinn Guðmundsson
• Framúrskarandi vinkona
• Sviðsetning – Þjóðleikhúsið
• Pálmi Jónsson
• Hvíla sprungur
• Sviðsetning – Íslenski dansflokkurinn & Last Minute Productions
• Halldór Örn Óskarsson
• Sjö ævintýri um skömm
• Sviðsetning – Þjóðleikhúsið
• Ólafur Ágúst Stefánsson
• Skugga Sveinn
• Sviðsetning – Leikfélag Akureyrar

Tónlist ársins:

• Anna Þorvaldsdóttir
• AIŌN
• Sviðsetning – Íslenski Dansflokkurinn og Sinfoníuhljómsveit Íslands
• Guðmundur Óskar Guðmundsson, Matthildur Hafliðadóttir
• Ásta
• Sviðsetning – Þjóðleikhúsið
• Axel Ingi Árnason
• Góðan daginn, faggi
• Sviðsetning – Stertabenda í samstarfi við Þjóðleikhúsið
• Hundur í óskilum
• Njála á hundavaði
• Sviðsetning – Borgarleikhúsið
• Salka Valsdóttir, Ebba Katrín Finnsdóttir, Sigurbjartur Sturla Atlason, Auður, Bríet Ísis Elfar
• Rómeó og Júlía
• Sviðsetning – Þjóðleikhúsið

Hljóðmynd ársins:

• Gunnar Sigurbjörnsson, Þórður Gunnar Þorvaldsson og Guðmundur Óskar Guðmundsson
• 9 líf
• Sviðsetning – Borgarleikhúsið
• Kristinn Gauti Einarsson
• Ást og upplýsingar
• Sviðsetning – Þjóðleikhúsið
• Ísidór Jökull Bjarnason
• Ég hleyp
• Sviðsetning – Borgarleikhúsið
• Salka Valsdóttir, Kristinn Gauti Einarsson
• Rómeó og Júlía
• Sviðsetning – Þjóðleikhúsið
• Ólafur Björn
• Það sem er
• Sviðsetning – Annað Svið í samastarfi við Tjarnarbíó

Söngvari ársins:

• Bjarni Snæbjörnsson
• Góðan daginn, faggi
• Sviðsetning – Stertabenda í samstarfi við Þjóðleikhúsið
• Björn Stefánsson
• 9 líf
• Sviðsetning – Borgarleikhúsið
• Halldóra Geirharðsdóttir
• 9 líf
• Sviðsetning – Borgarleikhúsið
• Matthildur Hafliðadóttir
• Ásta
• Sviðsetning – Þjóðleikhúsið
• Selma Björnsdóttir
• Bíddu bara
• Sviðsetning – Gaflaraleikhúsið

Dansari ársins:

• Emilía B. Gísladóttir
• BALL
• Íslenski dansflokkurinn
• Emilía B. Gísladóttir
• Hvíla sprungur
• Íslenski dansflokkurinn & Last Minute Productions
• Halla Þórðardóttir
• ROF
• Sveinbjörg Þórhallsdóttir í samstarfi við Tjarnarbíó
• Saga Sigurðardóttir
• Rómeó <3 Júlía
• Íslenski dansflokkurinn
• Shota Inoue
• Rómeó <3 Júlía
• Íslenski dansflokkurinn

Danshöfundur ársins:

• Erna Ómarsdóttir
• AIŌN
• Íslenski dansflokkurinn & Sinfóníuhljómsveit Íslands
• Alexander Roberts & Ásrún Magnúsdóttir
• BALL
• Íslenski dansflokkurinn
• Erna Ómarsdóttir & Halla Ólafsdóttir
• Rómeó <3 Júlía
• Íslenski dansflokkurinn
• Inga Maren Rúnarsdóttir
• Hvíla sprungur
• Íslenski dansflokkurinn & Last Minute Productions
• Inga Huld Hákonardóttir
• Neind Thing
• Inga Huld Hákonardóttir í samstarfi við Tjarnarbíó

Dans og sviðshreyfingar:

• Lee Proud
• 9 líf
• Sviðsetning – Borgarleikhúsið
• Lee Proud
• Emil í Kattholti
• Sviðsetning – Borgarleikhúsið
• Emily Terndrup, Conor Doyle
• Framúrskarandi vinkona
• Sviðsetning – Þjóðleikhúsið
• Ernesto Camilo Aldazábal Valdés og Rebecca Hidalgo
• Rómeó og Júlía
• Sviðsetning – Þjóðleikhúsið
• Sveinbjörg Þórhallsdóttir
• Sjö ævintýri um skömm
• Sviðsetning – Þjóðleikhúsið

Barnasýning ársins:

• Emil í Kattholti
• Sviðsetning – Borgarleikhúsið
• Tjaldið
• Sviðsetning – Miðnætti í samstarfi við Borgarleikhúsið
• Eftir Agnesi Wild, Sigrúnu Harðardóttur, Nick Candy og Evu Björg Harðardóttur
• Umskiptingur
• Sviðsetning – Þjóðleikhúsið
• Eftir Sigrúnu Eldjárn

Sproti ársins:

• Lovísa Ósk Gunnarsdóttir
• Fyrir verkið When the bleeding stops
• Umbúðalaust
• Helgi Rafn Ingvarsson og Rebecca Hurst
• fyrir verkið Music and the Brain
• FWD Youth Company
• Plöntutíð

Listahópurinn Kvistur sendir frá sér fjórða leikritið í röð hlaðvarpsleikrita en hópurinn hóf að gera hlaðvarpsleikrit á sínum tíma í samkomubanni vegna heimsfaraldurs. Leikritið er eftir Eyrúnu Ósk Jónsdóttir og var skrifað árið 2016 og vann þá meðal annars örleikrita samkeppni Uppsprettunnar. Leikkonan og fíflið fjallar um stöðu leikhússins sem samfélagsrýnis en í gegnum samræður leikkonunnar við fíflið er snert á sögu leikhússins og velt upp spurningum um hlutverk leikarans og áhorfandans.

Leikarar eru Gunnar Jónsson og Eyrún Ósk Jónsdóttir en Óskar Harðarson  sér um tónlist og hljóðmynd.

Verkið er styrkt af Menningarnefnd Hafnarfjarðar

Í júní heldur Hugvísindasvið HÍ ráðstefnu um leikhús- og sviðslistarannsóknir. Yfirskrift ráðstefnunnar er Shifting Centres – In the middle of nowhere. Ráðstefnan er á vegum International Federation for Theatre Research, en hún er haldin árlega. Ráðstefnan fer fram á ensku. Heimsþingið hér á Íslandi hefur verið í undirbúningi í nokkur ár, að frumkvæði nokkurra íslensku leikhúsfræðinganna Magnúsar Þórs Þorbergssonar og Sigríðar Láru Sigurjónsdóttur. Í fyrra var ráðstefnan haldin á Írlandi, en þurfti að fara fram í gegnum fjarfundabúnað. Síðasta staðarráðstefna IFTR var í Shanghai í Kína árið 2019. Ráðstefnan hér verður svokallað heimsþing, eða World congress, en ráðstefnurnar kallast það þegar aðalfundur samtakanna er haldinn, á fjögurra ára fresti.
Á ráðstefnunni verða um 800 erindi og tekur hún heila vinnuviku, mánudag 20. til föstudags 24. júní. Þrír aðalfyrirlestrar ráðstefnunnar verða haldnir í Háskólabíó sem og aðalfundur IFTR. Innan samtakanna eru einnig starfandi 22 rannsóknarhópar (Working groups) sem lúta að ýmsum sviðum leiklistar og/eða sviðslista og eiga fundir þeirra sinn stað innan ráðstefnunnar. Málstofur rannsóknarhópa eru opnar nema annað sé tekið sérstaklega fram. Einnig eru sérstakar málstofur fyrir New Scholars, sem eru sérstaklega ætlaðar fólki í masters- eða doktorsnámi í faginu. Auk þess verða almennar málstofur, eða General Panels.

Í tengslum við ráðstefnuna verða nokkrir útgefendur fagrita með sölusýningu á nýjum og nýlegum ritum í Bóksölu Stúdenta.

Þeir sem hafa áhuga á að bjóða sig fram sem sjálfboðaliða einhvern hluta vikunnar geta fengið ráðstefnugjaldið niðurfellt.
Sjálfboðaliðar sjá m.a. um tæknilega aðstoð í stofum, vísa fólki til vegar og fleira tilfallandi.

Sumarleikhús Kómedíuleikhússins í Haukadal Dýrafirði er orðið fastur liður í hinu vestfirska sumri. Sumarsýning ársins er, Listamaðurinn, og verður frumsýnd miðvikudaginn 15. júní. Sýningin verður síðan á fjölunum vikulega eftir það í Haukadalnum og ávallt á miðvikudögum. Miðasölusími Kómedíuleikhússins er 891 7025. Kómedíuleikhúsið í Haukadal er aðeins steinsnar frá þorpinu Þingeyri.

Listamaðurinn er áhrifamikil leiksýning um Samúel Jónsson í Selárdal sem kallaður var, Listamaðurinn með barnshjartað. Listamaðurinn skapaði sína eigin listaveröld í Selárdal sem skákar öllum Disney löndum. Það er Elfar Logi Hannesson sem bregður sér í hlutverk Listamannsins og er hann einnig höfundur leiksins. Leikstjóri er Marsibil G. Kristjánsdóttir.

Það verður einnig talsvert um gestakomur í Sumarleikhúsi Kómedíuleikhússins. Fyrsta gestasýningin í sumar er einleikurinn, Stelpur og strákar, eftir Dennis Kelly með Björk Guðmundsdóttur. Leikurinn verður sýndur föstudaginn 3. júní og er miðasala þegar hafin. Fleiri gestir eru væntanlegir og því um að gera að fylgjast vel með Kómedíuleikhúsinu í Haukadal í sumar.

Nansen á Þingeyri

Kómedíuleikhúsið er einnig að bæta við sig leikhúsi í sumar. Þar er um að ræða sérstakt Söguleikhús Kómedíuleikhússins sem er til húsa í Salthúsinu á Þingeyri. Söguleiksýning ársins er, Nansen á Þingeyri, og verður frumsýnd þriðjudaginn 21. júní í Salthúsinu. Sýningin verður síðan á fjölunum vikulega eftir það og ávallt á þriðjudögum. Miðasölusíminn sá sami 891 7025 og rétt er að geta þess að Salthúsið er staðsett í hjarta þorpsins Þingeyri.

Söguleikurinn, Nansen á Þingeyri, segir af einni eftirminnilegustu heimsókn í sögu þorpsins Þingeyri. En það er án efa þegar landkönnuðurinn norski Friðþjófur Nansen dvaldi á eyrinni um tveggja vikna skeið áður en hann lagði í sína fræknu för á Grænlandsjökul. Elfar Logi Hannesson er bæði leikari og höfundur leiksins, búningahönnuður er Þ. Sunneva Elfarsdóttir og leikstjórn annast Marsibil G. Kristjánsdóttir.

Nú er ekkert annað gera en að skella sér vestur í sumar og njóta leikhússins vestfirska.

Samlestur er nýtt hlaðvarp,  skemmtiþáttur þar sem stjórnendur elta uppi sköpunarglatt fólk úr áhugaleikfélögum landsins.
Viktor Ingi Jónsson og Lilja Guðmundsdóttir sem stýra þættinum, setjast niður í hverri viku með „… sturluðum leikstjórum, fárveikum leikhúsbakteríusjúklingum, geggjuðum leikurum, brjálæðislega skapandi höfundum og öllu klikkaða liðinu á bakvið tjöldin“ eins og segir í fréttatilkynningu.
Markmið með hlaðvarpinu er að búa til vettvang fyrir listamenn og félög/hópa af öllum toga til að koma verkum sínum á framfæri, vekja athygli á áhugaleikfélögunum og samfélaginu sem þau hafa að geyma og sýna hversu mikilvægt þetta samfélag er fyrir svo marga. Stjórnendur stenfa að því að gefa út 6 þætti á mánuði. Annan hvern föstudag koma út opnir þættir, þ.e.a.s. þættir sem eru aðgengilegir án endurgjalds á öllum helstu streymisveitum. Einnig er boðið upp á vikulega þætti sem eru í áskrift. Innifalið í áskriftinni er nýr þáttur alla miðvikudaga og allskonar aukaefni.

Eins og aðstandendur segja sjálfir:
„Við ætlum að setja okkur allskonar markmið og prófa hluti sem við höfum aldrei gert áður og kannski hræðumst. Með því að velja áskriftarleiðina þá fáið þið tækifæri til að fylgjast með því ferli. Sjáum hversu langt við þorum að stíga út fyrir þægindarammann.
Til þess að við getum haldið áfram að breiða út boðskapinn um mikilvægi áhugaleikfélaganna þá hvetjum við fólk til að styrkja okkur með því að tryggja sér áskrift inn á pardus.is/samlestur – þar er hægt að hlusta á allt efni sem við gefum út og þú þarft ekki neitt app. Þú getur spilað beint úr vafra. Áskriftin kostar ekki nema 990 kr.“

Lilja og Viktor auglýsa einnig eftir efni frá leikfélögunum:
„Við viljum endilega fá að heyra hvað sé í gangi hjá ykkar leikfélagi. Þannig ef þið hafið áhuga á að koma í spjall og segja okkur frá því sem er í gangi eða er framundan. þá hvetjum við ykkur til að hafa samband.
Vid erum líka að skoða þá hugmynd að setja upptökugræjurnar í tösku, leggja land undir fót og keyra út á land til að heimsækja leikhúsin og fá að sjá hvað er verið að bralla og taka upp þættina í leiðinni.“

Hægt er að hafa samband við þau á netfanginu samlestur@gmail.com.
Einnig er hægt að fylggjast með á samfélagsmiðlum.
Facebook: https://www.facebook.com/leikhusvarpsamlestur
INSTA: @samlestur / https://www.instagram.com/samlestur/

Opnunarsýning Listahátíðar í Reykjavík 2022

Á undanförnum tveimur áratugum hefur Taylor Mac skapað sýningar sem í senn ögra og fagna fjölbreytileika mannlífsins, og hafa hlotið alþjóðleg verðlaun.

Í sýningunni A 24-Decade History of Popular Music fer Mac yfir sögu Bandaríkjanna frá stofnun þeirra árið 1776 frá persónulegu og óvenjulegu sjónarhorni. Verkið var mörg ár í vinnslu og var upprunalega sýnt sem stakur 24 klukkutíma viðburður. Sýningin var valin á lista New York Times yfir bestu sviðslistaviðburði, bestu leiksýningar og bestu tónlist ársins 2016, og árið 2020 hlaut Taylor Mac Ibsenverðlaunin fyrir verkið.

Fyrir fyrstu sýningu sína í Reykjavík hefur þessi margverðlaunaða sviðslistamanneskja sett saman brjálæðislega skemmtilega dagskrá, þar sem svið og salur eru eitt, og blandað er saman tónlist úr verkinu A 24-Decade og nýjum lögum. Á sviðinu með Mac verða Matt Ray, tónlistarstjóri og útsetjari, og Machine Dazzle, búningahönnuður og flytjandi, ásamt frábærri hljómsveit.

Útlendingurinn – morðgáta fékk mikið lof leikhúsgesta og gagnrýnenda á síðasta leikári en hætta þurfti sýningum fyrr en áætlað var vegna samkomutakmarkana. Verkið snýr nú aftur en athugið að takmarkaður sýningarfjöldi er í boði svo tryggið ykkur miða fljótt.

Árið 1970 fannst kvenmannslík í Ísdal rétt fyrir utan Bergen í Noregi. Konan var alls ekki búin til útivistar og í farangri hennar fundust meðal annars hárkollur og ýmis dulargervi. Við eftirgrennslan lögreglu kom í ljós að hún hafði ferðast vítt og breytt um Evrópu á fölsuðum skilríkjum, en hvorki tókst að upplýsa hver hún var, hvaðan hún kom né hvað í ósköpunum hún var að gera í Bergen.

Í gegnum tíðina hefur líkfundurinn vakið bæði forvitni og umtal í Noregi og um heim allan, en þrátt fyrir ótal kenningar hefur engum tekist að leiða til lykta hvað gerðist djúpt inni í Ísdal og hvað dró þessa útlensku konu til dauða. En það gæti breyst þegar annar útlendingur fer að grafast fyrir um málið.

Þegar íslenskur sviðslistamaður, Friðgeir Einarsson, flytur til Bergen, lætur hann heillast af ráðgátunni og gerir sitt besta til að upplýsa hana. En kannski ekki á þann hátt sem búast hefði mátt við. Friðgeir er hvorki lögreglumaður, né með reynslu af rannsóknarstörfum, en telur sig hafa ákveðna innsýn inn í hugsunarhátt konunnar. Hann er jú aðkomumaður, rétt eins og hún var. Útlendingurinn er skandinavískt raunsæisglæpadrama þar sem mál „Ísdalskonunnar“ er nálgast á frumlegan hátt og nýjar kenningar dregnar fram í dagsljósið. Annað verkið frá sama listræna teymi og setti upp verðlaunasýninguna Club Romantica, en það var fyrsti hluti þessa ráðgátuþríleiks. Tónlist verksins er samin af Snorra Helgasyni og flutt á sviðinu af honum sjálfum.

Hvað gerum við þegar líkaminn meiðir sig? Hvernig lögum við hann? Heimurinn er stútfullur af hættum; tröppum, skærum, hákörlum og rafmagnsinnstungum og þá er mikilvægt að gæta að sér.

Dans-leikverkið er 30 mínútur að lengd. Það inniber húmor, smá blóð og þónokkra plástra og er skapað fyrir 3-6 ára aldur. Verkið er heilandi ferðalag og kennir okkur hvernig við getum fengið plástra ef við lærum að segja frá sárunum okkar.

Helgina 14. og 15. maí kemur sænski leikhópurinn Martin Mutter til okkar í heimsókn með sýninguna Áiii! Smá plástra-drama. Leikhópurinn nýtur mikilla vinsælda í heimalandi sínu og hefur ferðast vítt og breitt með fyndin og fræðandi barnaverk sín. Hópurinn lætur nú draum sinn rætast með ferðalagi til Íslands og af því tilefni vill Tjarnarbíó bjóða gestum frítt á þessa skemmtilegu barnasýningu. Sýningin er án orða og hentar því öllum óháð tungumáli. Í sýningunni nota leikararnir sviðshreyfingar, dans og trúðaleik til að kenna börnum að gæta sín á hættulegum hlutum en líka hvað líkaminn sé góður í að laga sig, sérstaklega þegar hann fær hjálp, eins og t.d. með plástrum.

Gríptu tækifærið og komdu með börnin í leikhús, alveg ókeypis.

Vincent hefur fengið nóg af áreiti hversdagsins og lætur leggja sig inn á sjúkrahús í von um langþráðan frið. Friðurinn er þó víðs fjarri þar sem læknar, hjúkrunarfræðingar og aðrir sjúklingar, hver öðrum sérstakari, vaða inn og út úr sjúkrastofunni. Erillinn í lífi Vincents er meiri en nokkru sinni fyrr. Í sýningu Borgarleikhússins er áhorfendum boðið á tökustað þar sem verið er að taka upp þætti um Vincent og upptökunum er varpað á stóra skjái. Þar má sjá hvernig brögðum og brellum er beitt þegar sviðsmyndinni/ sjúkrastofunni, er snúið á alla kanta til að framkalla trylltar hugmyndir leikstjórans. Á sama tíma fara undarlegir hlutir að gerast á tökustað, hugmyndir fá vængi og fara á stjórnlaust flug.

Áhorfendur dragast hægt og rólega inn í sjálfa atburðarásina. Við lofum ótrúlegri leikhúsupplifun — þetta hafið þið aldrei séð áður. ROOM 4.1 LIVE var tilnefnt til Reumert-verðlaunanna, sviðslistaverðlauna Danmerkur. Árið 2012 sýndi Borgarleikhúsið stjörnusýningu Kristjáns, BLAM!, við miklar vinsældir. BLAM! var heiðruð með Reumert-verðlaununum árið 2012 og Grímunni árið 2013.

Ó María er kvöldskemmtun í Bæjarleikhúsinu í Mosfellsbæ til heiðurs Maríu Guðmundsdóttur þar sem lifandi tónlist, söngur, grín og gleði ráða för. Leiknir eru nokkrir af ógleymanlegu leikþáttum Maríu og skemmtileg kaffihúsastemming ríkir í salnum þar sem leikhúsgestir sitja til borðs á sviðinu. Þetta er frábær skemmtun í anda okkar yndislegu Maríu sem hentar öllum sem vilja hlæja, hlusta á ljúfa tóna og eiga góða kvöldstund.

Frumsýning föstudaginn 29. apríl kl. 20 – UPPSELT
2. sýning laugardaginn 30. apríl kl. 20
3. sýning föstudaginn 6. maí kl. 20
4. sýning laugardaginn 7. maí kl. 20
5. sýning föstudaginn 13. maí kl. 20

Miðaverð: 3500 krónur
Miðasala í síma 566-7788