Blóðheitar konur, hugrakkar hetjur og brennuvargar – en ekki alveg eftir bókinni

SÝNING ÁRSINS SNÝR AFTUR!

Njála er nýtt íslenskt leikverk sem byggir?á frægustu Íslendingasögunni sem hefur?lifað með þjóðinni í sjöhundruð ár, lesin í öllum menntaskólum landsins og sjaldan verið vinsælli en einmitt nú. Hún segir frá því hvernig við urðum að þjóð, og hetjur bókarinnar,?þau Hallgerður, Bergþóra, Gunnar, Skarphéðinn og Njáll, eru sveipuð goðsagnakenndum ljóma og hafa mótað og markað þjóðarsálina allt til þessa dags.

Leikhópurinn undir stjórn Þorleifs Arnar Arnarssonar og Ernu Ómarsdóttur, danshöfundi og dansara, tjalda öllu til og nýta ótakmarkaða töfra leikhússins til að takast á við þessa stórbrotnu sögu í sýningu sem er í senn forvitnileg, ögrandi og litrík leikhúsveisla. Bardagar, ástir, hefndir og völd en umfram allt Njála eins og þú hefur aldrei séð hana áður! Sýningin hætti fyrir fullu húsi síðastliðið vor og Njálu-kjötsúpan sem leikhúsgestum gafst kostur á að gæða sér á fyrir sýningu sló rækilega í gegn ásamt skemmtilegum fyrirlestrum helstu Njálu- sérfræðinga landsins.

Stórsýningin Njála var sannkallaður sigurvegari Grímuhátíðarinnar 2016 og sópaði til sín tíu verðlaunum. Engin sýning í sögu Grímuverðlaunanna hefur hlotið jafn margar Grímur. Þorleifur Örn Arnarsson hefur getið sér gott orð sem afkastamikill leikstjóri hérlendis og erlendis. Mikael Torfason er blaðamaður og rithöfundur og vakti fyrst athygli með skáldsögunni Falskur fugl sem kom út árið 1997, síðan hefur hann sent frá sér fjórar skáldsögur og leikritið Harmsögu.

Erna Ómarsdóttir er einn virtasti dansari og danshöfundur Íslendinga og hafa verk hennar verið sýnd á hinum ýmsu dans- og listahátíðum víða um heim.

Samstarfsverkefni Borgarleikhússins og Íslenska dansflokksins

Höfundar: Erna Ómarsdóttir, Mikael Torfason og Þorleifur Örn Arnarsson

Leikstjórn: Þorleifur Örn Arnarsson
Danshöfundur: Erna Ómarsdóttir
Leikmynd: Ilmur Stefánsdóttir
Búningar: Sunneva Ása Weisshappel
Lýsing: Björn Bergsteinn Guðmundsson
Tónlistarstjórn: Árni Heiðar Karlsson
Tónlist: Árni Heiðar Karlsson og Valdimar Jóhannsson
Hljóðmynd: Valdimar Jóhannsson og Baldvin Þór Magnússon
Hljóð: Baldvin Þór Magnússon
Leikgervi: Margrét Benediktsdóttir
Píanó- og hljómborðsleikur: Árni Heiðar Karlsson
Sérstök gervi: Elín S. Gísladóttir
Rapptexti: Salka Valsdóttir og Þuríður Blær Jóhannsdóttir
Aðstoð við dramatúrgíu: Uwe Gössel
Aðstoðarleikstjórn: Gunnur M. Schlüter
Aðstoðardanshöfundur: Valgerður Rúnarsdóttir

Leikarar: Aðalheiður Halldórsdóttir,?Björn Stefánsson, Brynhildur Guðjónsdóttir, Hilmar Guðjónsson, Hjördís Lilja Örnólfsdóttir, Hjörtur Jóhann Jónsson, Jóhann Sigurðarson, Lovísa Ósk Gunnarsdóttir, Sigrún Edda Björnsdóttir, Elma Stefanía Ágústsdóttir, Valgerður Rúnarsdóttir, Valur Freyr Einarsson, Þuríður Blær Jóhannsdóttir

Nýr og kraftmikill söngleikur um skrautlegt mannlíf í braggahverfum Reykjavíkur, drauma, sorgir og sigra. Unnið í samstarfi við Baltasar Kormák með tónlist úr smiðju Memfismafíunnar.

Heillandi saga um lítríkar persónur, vináttu, ástir, vonir og þrár sem gerist á miklum umbrotatímum í íslensku samfélagi.

Fjörug og skemmtileg ný tónlist frá Memfismafíunni!

Þjóðleikhúsið í samstarfi við Baltasar Kormák

Byggt á skáldsögu Einars Kárasonar.
Handrit: Atli Rafn Sigurðarson, Melkorka Tekla Ólafsdóttir og leikhópurinn
Söngtextar: Bragi Valdimar Skúlason og fleiri
Tónlist: Memfismafían – Guðmundur Kristinn Jónsson, Þorsteinn Einarsson, Sigurður Guðmundsson og Bragi Valdimar Skúlason Leikstjórn: Atli Rafn Sigurðarson
Tónlistarstjórn: Guðmundur Óskar Guðmundsson
Leikmynd: Vytautas Narbutas
Búningar: Filippía I. Elísdóttir
Lýsing: Halldór Örn Óskarsson
Sviðshreyfingar: Margrét Bjarnadóttir
Dramatúrg: Melkorka Tekla Ólafsdóttir

Leikarar: Þórir Sæmundsson, Guðrún Snæfríður Gísladóttir, Eggert Þorleifsson, Arnmundur Ernst Backman, Katrín Halldóra Sigurðardóttir, Hallgrímur Ólafsson, Baltasar Breki Samper, Snæfríður Ingvarsdóttir, Gunnar Þór Jónsson, Edda Björg Eyjólfsdóttir, Guðjón Davíð Karlsson, Birgitta Birgisdóttir, Sigurður Þór Óskarsson Hljómsveit: Guðmundur Óskar Guðmundsson, Örn Eldjárn, Þorvaldur Þór Þorvaldsson, Hjörtur Ingvi Jóhannsson, Aron Steinn Ásbjarnarson

Sýnt á Stóra sviðinu.

AUKASÝNING UNGLEIKS Í TJARNARBÍÓ, 28. NÓVEMBER KL. 20:00.

Ungleikur frumsýndi fyrir stútfullum Kassa Þjóðleikhússins þann 9. nóvember á Unglist, því verður aukasýning í Tjarnarbíói. Hópurinn endurnýjast ár hvert og gefst skáldum, leikstjórum og leikurum framtíðarinnar kostur á því að rækta hæfileika sína, vinna í skipulögðu umhverfi og sjá verk sín á sviði. Ungleikur hlaut styrk frá Menningar og ferðamálasviði Reykjavíkurborgar og í ár gekk Þorvaldur Sigurbjörn Helgason til liðs við hópinn sem listrænn stjórnandi Ungleiks. Hann hefur verið leikskáldum og leikstjórum innan handar við að láta hugmyndir þeirra verða að veruleika.

LEIKVERK UNGLEIKS Í ÁR:

101
Leikskáld og leikstjóri: Viktoría Rún Þorsteinsdóttir
Leikarar:
Kolbeinn Sveinsson
Sóley Anna Benónýsdóttir
Björg Steinunn Gunnarsdóttir

Haglabyssu hjónaband
Leikskáld: Ingunn Lára Kristjánsdóttir
Leikstjóri: Ingimar Bjarni Sverrisson
Leikarar:
Ingvar Örn Arngeirsson
Erna Mist
Þorbjörg Signý Huldudóttir

Leikrit #3
Leikskáld og leikstjóri: Stefán Gunnlaugur Jónsson
Leikarar:
Friðrik Árni Halldórsson
Sindri Engilbertsson
Annalísa Hermannsdóttir

Hinn blóðugi máni
Leikskáld og leikstjóri: Reginn Tumi Kolbeinsson
Leikarar:
Jón Óskar Arason
Viktor Demirev
Karítas Sif Bjarkadóttir

Stóri Björn og kakkalakkarnir
Leikskáld: Matthías Tryggvi Haraldsson
Leikstjóri: Salvör Gullbrá Þórarinsdóttir
Aðstoðarleikstjóri: Helgi Grímur Hermannsson
Leikarar:
Ingólfur Gylfason
Fannar Arnarsson
Jón Nordal
Margrét Aðalheiður
Brynhildur Karlsdóttir
Snæfríður Sól Gunnarsdóttir
Búningar og leikmynd: Jóhanna Rakel Jónasdóttir og Poddi Poddsen
Tónlist: Klemens Hannigan

Frá þeim sem færðu ykkur Unglinginn kemur nýr eldhress gleðileikur með söngleikjaívafi fyrir alla fjölskylduna Óli Gunnar Gunnarsson og Arnór Björnsson slógu eftirminnilega í gegn með leikritið sitt Unglinginn árið 2014 og voru tilnefndir til 2 Grímu verðlauna.

Stefán rís byggir á bókinni “Leitin að tilgangi unglingsins” eftir þá félaga og Bryndísi Björgvinsdóttur sem Forlagið gaf út um seinustu jól. Alls taka 14 leikreyndir snillingar á aldrinum 14-18 ára þátt í verkinu. Óli og Arnór leika höfunda sem hafa ákveðið að skrifa besta leikrit allra tíma. Stefán aðalsöguhetjan,sem er leikin af Gretti Valssyni, er krúttlegur, geðþekkur og aðlaðandi strákur sem er að byrja í 10 bekk og verður ástfangin í fyrsta sinn. En með ástinni koma ótrúlega erfiðir hlutir eins og að missa málið og muna ekki hvað maður heitir og að breytast í hálfvita í hvert skipti sem maður hittir gyðjuna.

Höfundarnir vilja ólmir hjálpa og breyta atburðarrás verksins til að gera Stefán að þeim töffara sem hann þarf að verða til að ná í stelpuna. Það hefði þó kannski verið betra fyrir Stefán að eiga höfunda með aðeins meiri tilfinningagreind sem hefðu geta tekið betri ákvarðanir fyrir hann. Í lokin tekur Stefán svo eins og allar góðar hetjur málin í sínar hendur og rís upp gegn félagsþrýstingi og höfundaofríki.

Leikstjóri: Björk Jakobsdóttir Dansstjórn: Unnur Elísabet Söngstjórn: Þórunn Lárusdóttir Undirspil: Hallur Ingólfsson

Verðlaunasaga Andra Snæs Magnasonar

FJÖLSKYLDUSÝNING SEM BREYTIR HEIMINUM

Lengst úti í geimnum búa ótal börn sem fullorðnast ekki. Enginn skipar þeim fyrir verkum. Þau sofa þegar þau eru þreytt, borða þegar þau eru svöng og leika sér þegar þeim dettur í hug. Kvöld eitt birtist stjarna á himnum sem fellur til „jarðar“ með miklum látum.

Í reyknum mótar fyrir skuggalegum verum og þá hefst hættulegt ævintýri sem leiðir börnin um dimma skóga, djúpa dali og loftin blá. Reynir þá á vináttu og ráðsnilld barnanna sem aldrei fyrr. Blái hnötturinn er mikilvægt og hugmyndaríkt ævintýri, þar sem brýnt er fyrir fólki að sýna réttlæti og mannúð og um leið er það viðvörun að hlaupa ekki eftir innantómu stuði. Síðast en ekki síst er það ábending um að varðveita æskuna í sjálfum sér og öðrum.

Leikritið hefur farið sigurför um heiminn frá því það var frumsýnt árið 2001 og unnið til fjölda verðlauna. Þau Bergur Þór og Kristjana Stefánsdóttir taka Bláa hnöttinn í faðminn, semja söngtexta og tónlist og hafa fundið tuttugu og tvö hæfileikarík börn til að taka þátt í sýningunni.

Höfundur: Andri Snær Magnason
Leikgerð: Bergur Þór Ingólfsson
Leikstjórn: Bergur Þór Ingólfsson
Leikmynd: Ilmur Stefánsdóttir
Búningar: María Ólafsdóttir
Lýsing: Þórður Orri Pétursson
Danshöfundur: Chantelle Carey
Tónlist: Kristjana Stefánsdóttir
Hljóð: Garðar Borgþórsson
Leikgervi: Árdís Bjarnþórsdóttir
Myndband: Petr Hlousek
Upptökustjórn: Daði Birgisson
Aðstoðarleikstjórn: Hlynur Páll Pálsson
Aðstoðardanshöfundur: Guðmundur Elías Knudsen

Leikarar: Björn Stefánsson, Guðmundur Elías Knudsen, Hjörtur Jóhann Jónsson, Andrea Birna Guðmundsdóttir, Andrea Lapas, Ágúst Örn Wigum, Baldvin Alan Thorarensen, Bjarni Kristbjörnsson, Björgvin Ingi Ólafsson, Emilía Bergsdóttir, Erlen Isabella Einarsdóttir, Gabríel Máni Kristjánsson, Grettir Valsson, Gríma Valsdóttir, Guðríður Jóhannsdóttir, Gunnar Hrafn Kristjánsson, Hjörtur Viðar Sigurðarson, Hulda Fanný Pálsdóttir, Iðunn Ösp Hlynsdóttir, Pétur Steinn Atlason, Rut Rebekka Hjartardóttir, Sóley Agnarsdóttir, Steinunn Lárusdóttir, Sölvi Viggósson Dýrfjörð, Vera Stefánsdóttir

Horft frá brúnni er eitt magnaðasta leikrit 20. aldarinnar. Áhrifamikil saga um örlög alþýðufólks í hafnarhverfi í New York, verk um forboðnar ástir, svik og leitina að frelsi í landi tækifæranna.

Hafnarverkamaðurinn Eddie Carbone og Beatrice eiginkona hans hafa gengið Katrínu, systurdóttur Beatrice, í foreldrastað. Fjölskyldan skýtur skjólshúsi yfir tvo unga menn frá Sikiley, ólöglega innflytjendur, og Katrín verður fljótt ástfangin af yngri manninum. Eddie hefur ávallt lagt sig fram um að vernda fósturdóttur sína og tekur þá afdrifaríku ákvörðun að skilja elskendurna ungu að.

Leikstjóri sýningarinnar, Stefan Metz, hefur starfað í virtum leikhúsum víða um Evrópu en nýverið setti hann upp rómaða sýningu á Eldrauninni eftir Arthur Miller hér í Þjóðleikhúsinu.

Höfundur: Arthur Miller
Leikstjórn: Stefan Metz
Leikmynd og búningar: Sean Mackaoui
Lýsing: Ólafur Ágúst Stefánsson
Hljóðmynd: Elvar Geir Sævarsson
Aðstoðarleikstjóri: Vigdís Hrefna Pálsdóttir
Þýðing: Sigurður Pálsson

Leikarar: Hilmir Snær Guðnason, Harpa Arnardóttir, Lára Jóhanna Jónsdóttir, Stefán Hallur Stefánsson, Snorri Engilbertsson, Arnar Jónsson og fleiri

Sýnt á Stóra sviðinu

Á síðasta leikári var fullt á nær allar spunasýningar Improv Ísland í Þjóðleikhúskjallaranum og stór hluti áhorfenda kom aftur og aftur enda eru engar tvær sýningar eins og engum leiðist að hlæja!

Í október og nóvember býður hópurinn upp á fjölbreyttar og ófyrirsjáanlegar grín-spunasýningar í Þjóðleikhúskjallaranum á hverju miðvikudags- og föstudagskvöldi. Hópurinn sýnir ólík spunaform og fær til sín ýmsa þjóðþekkta gesti. Í leikhópnum eru rúmlega 30 spunaleikarar sem skiptast á að sýna í hverri viku.

Dóra Jóhannsdóttir er listrænn stjórnandi Improv Ísland. Undirleikarar með spunnum söngleikjum eru Pálmi Sigurhjartarson og Karl Olgeirsson. Frekari upplýsingar um hópinn er að finna á improviceland.com

Umsagnir gesta eftir sýningar síðasta vetrar:

„Þið sem ekki hafið séð sýningu @improviceland drífið yður. Þetta er ó svo gott!“ – Helgi Seljan

„Ohmygod hvað þetta var gott stöff. Mæli innilega með #improvisland sýningunum. Ég ætla aftur.“ – Emmsjé Gauti:

„Ég fór með háaldraðan föður minn á Improv ísland í Þjóðleikhúskjallaranum og það var ugeðslega gaman. Bjóðið foreldrum ykkar á deit!“ – Berglind Festival

„Allir á @improviceland. Það fyndnasta og ferskasta sem þú sérð í dag! #staðfest“ – Auðunn Blöndal

„@improviceland breytti lífi mínu í kvöld.“ – Ásrún Magnúsdóttir danshöfundur

Sívinsæl aðventusýning þrettánda árið í röð

Grímuverðlaunasýningin Leitin að jólunum hefur verið sýnd á aðventunni við miklar vinsældir allt frá því hún var frumsýnd árið 2005. Verkið verður nú sýnt þrettánda leikárið í röð og eru sýningar orðnar vel á þriðja hundraðið.

Tveir skrýtnir og skemmtilegir náungar taka á móti litlum leikhúsgestum í anddyri Þjóðleikhússins. Með þeim í för eru tveir hljóðfæraleikarar og þessi fjörugi hópur leiðir börnin með leik og söng um leikhúsið. Börnin ferðast inn í ævintýraveröld jólanna og sjá leikþætti um jólin í gamla daga og á okkar tímum.

Bjarni Haukur og Siggi Sigurjóns sameina krafta sína og færa okkur þennan bráðfyndna sænska einleik um sorg og gleði, einangrun og nánd, byggðan á samnefndri metsölubók.

Hinn 59 ára gamli Ove er reglufastur nákvæmnismaður sem að mati annarra íbúa úthverfisins er óþolandi smámunasamur og skapillur. En að mati hans sjálfs eiga hlutirnir einfaldlega að vera eins og þeir eiga að vera. Þegar ólétt kona að nafni Parvaneh flytur með fjölskyldu sína í götuna er eins og Ove byrji að missa tökin á öllu.

Einleikurinn Maður sem heitir Ove er byggður á samnefndri skáldsögu sem notið hefur mikilla vinsælda.

Höfundur: Fredrik Backman Leikgerð: Marie Persson Hedenius, Johan Rheborg og Emma Bucht Leikstjórn: Bjarni Haukur Þórsson Leikmynd og búningar: Finnur Arnar Arnarsson Lýsing: Magnús Arnar Sigurðarson Tónlist: Frank Hall Þýðing: Jón Daníelsson Leikari: Sigurður Sigurjónsson

Sýnt í Kassanum.

Ævintýrið um Augastein