Suss!

,, … það var ekki það að pabbi lamdi mömmu…heldur það að mamma fór aldrei frá honum… hún fór aldrei!”

SUSS! er nýtt leikverk eftir leikhópinn RaTaTam byggt á reynslusögum, þolenda, geranda og aðstandenda, um heimilisofbeldi.

,, … og svo þegar hann loksins kýldi mig þá losnaði spennan og ég fékk pásu…þá var allt eins og hjá fullkomnu fjölskyldunni…”

,,…ég var laminn kærasti og nú er ég bara miðaldra niðurbrotin pabbi….afþví að það er það sem ég er… karlmaður sem getur ekki varið sig…”

,, … já ég veit ekki, bara fullar konur minna mig bara á mömmu… ég er góður maður, ég bara ræð ekki við mig…”

,,…hvað gera þeir þegar kona lætur ekki undan stjórn? Það eru sterkar konur sem verða fyrir þeim… ég er sterk kona…”

,,…mér fannst þetta kannski ekki vera ofbeldi af því að ég er karlmaðurinn, ég gæti alveg ráðið við hana…”

,, … öll húsgögnin þurftu að vera í stíl og þessvegna var barnið okkar í útbúnum pappakassa, fyrstu þrjá mánuðina, þar til að við fundum barnarúm í stíl…”

,,…hún sagði, ef þú skilur við mig þá skal ég sjá til þess að þú fáir aldrei að hitta barnið þitt aftur…”

,,… að ljúga og loka á þetta og leika eitthvað hlutverk, alltaf að vera kát út á við og sýna endalaust hvað ég er glöð en svo þegar ég kem heim og loka útidyrahurðinni, þá líður mér hræðilega…!

Leikhópurinn RaTaTam:

Leikstjórn: Charlotte Bøving
Leikmynd og búningar: Þórunn María Jónsdóttir
Tónlist: Helgi Svavar Helgason.
Leikarar: Halldóra Rut Baldursdóttir, Hildur Magnúsdóttir, Laufey Elíasdóttir, Guðmundur Ingi Þorvaldsson, Guðrún Bjarnadóttir
Ljósahönnun og tæknikeyrsla : Arnar Ingvarsson og Kristinn Ágústsson
Listræn aðstoð: Heiðríkur á Heygum

Átakamikið verk eftir Ingmar Bergman

DRAUMUR UM EILÍFA ÁST

Jóhann og Maríanna hafa verið gift í tíu ár. Þeim gengur vel, hafa náð langt í starfi, eiga tvö börn og hjónaband þeirra virðist endalaus hamingja. Þangað til Jóhann tilkynnir Maríönnu að hann vilji skilja. Við tekur hressandi kvöldstund þar sem allt er gert upp: Hjónabandið, sambandið, vináttan, kynlífið, draumarnir, gleðin, sorgin, vonin og frelsið – og öll uppáhaldslögin.

Verkið byggir á tíu þátta sjónvarpsseríu Ingmars Bergman sem sýnd var í sænska sjónvarpinu árið 1973 við svo miklar vinsældir að götur Svíþjóðar tæmdust. Síðar voru þættirnir sýndir um allan heim. Leiksviðsútfærslan var frumsýnd í leikstjórn höfundar árið 1981 í München og hefur síðan verið sýnd í fjölda leikhúsa um allan heim.

Höfundur: Ingmar Bergman

Þýðing: Þórdís Gísladóttir

Leikstjórn: Ólafur Egill Egilsson

Leikmynd og búningar: Ilmur Stefánsdóttir Lýsing: Kjartan Þórisson

Tónlist: Barði Jóhannsson

Leikgervi: Margrét Benediktsdóttir

Hljóð: Baldvin Þór Magnússon

Leikarar: Björn Thors, Unnur Ösp Stefánsdóttir

Þann 9. nóvmeber er Ungleikur haldinn í fimmta skipti. Í ár frumsýnir Ungleikur í Kassanum í Þjóðleikhúsinu kl. 20:30 í samstarfi við Unglist. Frítt inn.

Ungleikur er leikhópur þar sem hópurinn endurnýjast ár hvert og gefst skáldum, leikstjórum og leikurum framtíðarinnar kostur á því að rækta hæfileika sína, vinna í skipulögðu umhverfi og fá að sjá verk sín á sviði. Ungmenni á aldrinum 16-25 ára sjá um að semja, leikstýra og leika. Aukasýning verður í Tjarnarbíói þann 28. nóvember.

Í ár sýnir Ungleikur 5 stutt verk:

Haglabyssu hjónaband

Leikskáld: Ingunn Lára Kristjánsdóttir

Leikstjóri: Ingimar Bjarni Sverrisson

Leikarar:
Ingvar Örn Arngeirsson
Erna Mist
Þorbjörg Signý Huldudóttir

Hinn blóðugi máni

Leikskáld og leikstjóri: Reginn Tumi Kolbeinsson

Leikarar:
Jón Óskar Arason
Viktor Demirev
Karítas Sif Bjarkadóttir

Leikrit #3

Leikskáld og leikstjóri: Stefán Gunnlaugur Jónsson

‪Leikarar:
Friðrik Árni Halldórsson
Sindri Engilbertsson
Annalísa Hermannsdóttir

101

Leikskáld og leikstjóri: Viktoría Rún Þorsteinsdóttir

Leikarar:
Kolbeinn Sveinsson
Sóley Anna Benónýsdóttir
Björg Steinunn Gunnarsdóttir

Stóri Björn og kakkalakkarnir

Leikskáld: Matthías Tryggvi Haraldsson

‪Leikstjóri: Salvör Gullbrá Þórarinsdóttir

Aðstoðarleikstjóri: Helgi Grímur Hermannsson

Leikarar:
Ingólfur Gylfason
Fannar Arnarsson
Jón Nordal
Margrét Aðalheiður
Brynhildur Karlsdóttir
Snæfríður Sól Gunnarsdóttir
Búningar og leikmynd: Jóhanna Rakel Jónasdóttir og Poddi Poddsen
Tónlist: Klemens Hannigan

Þorvaldur Sigurbjörn Helgason er listrænn stjórnandi Ungleiks í ár.

Frekari upplýsingar um Ungleik má finna á www.facebook.com/ungleikur

Blái hnötturinn eftir Andra Snæ Magnason í nýrri leikgerð eftir Berg Þór Ingólfsson. Kristjana Stefánsdóttir semur nýja tónlist við verkið, Chantelle Carey er danshöfundur og 22 börn svífa um á stóra sviðinu.

Lengst úti í geimnum búa ótal börn sem fullorðnast ekki. Enginn skipar þeim fyrir verkum. Þau sofa þegar þau eru þreytt, borða þegar þau eru svöng og leika sér þegar þeim dettur í hug. Kvöld eitt birtist stjarna á himnum sem fellur til „jarðar“ með miklum látum.

Í reyknum mótar fyrir skuggalegum verum og þá hefst hættulegt ævintýri sem leiðir börnin um dimma skóga, djúpa dali og loftin blá. Reynir þá á vináttu og ráðsnilld barnanna sem aldrei fyrr. Blái hnötturinn er mikilvægt og hugmyndaríkt ævintýri, þar sem brýnt er fyrir fólki að sýna réttlæti og mannúð og um leið er það viðvörun að hlaupa ekki eftir innantómu stuði. Síðast en ekki síst er það ábending um að varðveita æskuna í sjálfum sér og öðrum.

Leikritið hefur farið sigurför um heiminn frá því það var frumsýnt árið 2001 og unnið til fjölda verðlauna. Þau Bergur Þór og Kristjana Stefánsdóttir taka Bláa hnöttinn í faðminn, semja söngtexta og tónlist og hafa fundið tuttugu og tvö hæfileikarík börn til að taka þátt í sýningunni.

Aðstandendur Höfundur: Andri Snær Magnasson | leikstjóri: Bergur Þór Ingólfsson | Leikmynd: Ilmur Stefánsdóttir | Búningar: María Th. Ólafsdóttir | Lýsing: Þórður Orri Pétursson| Tónlist: Kristjana Stefánsdóttir |Hljóð: Garðar Borgþórsson |  Danshöfundur: Chantelle Carey | Leikgervi: Árdís Bjarnþórsdóttir |Myndband: Petr Hlousek |Leikarar: Björn Stefánsson, Hjörtur Jóhann Jónsson, Guðmundur Elías Knudsen, Andrea Birna Guðmundsdóttir, Andrea Lapas, Ágúst Örn Wigum, Baldvin Alan Thorarensen, Bjarni Kristbjörnsson, Björgvin Ingi Ólafsson, Emilía Bergsdóttir, Erlen Ísabella Einarsdóttir, Gabríel Máni Kristjánsson, Grettir Valsson, Gríma Valsdóttir, Guðríður Jóhannsdóttir, Gunnar Hrafn Kristjánsson, Hjörtur Viðar Sigurðarson, Hulda Fanný Pálsdóttir, Iðunn Ösp Hlynsdóttir, Pétur Steinn Atlason, Rut Rebekka Hjartardóttir, Sóley Agnarsdóttir, Steinunn Lárusdóttir, Sölvi Viggósson Dýrfjörð & Vera Stefánsdóttir.

Njála er nýtt íslenskt leikverk sem byggir á Brennu-Njálssögu, einni ástsælustu sögu okkar Íslendinga. Sagan hefur lifað með þjóðinni í sjöhundruð ár, lesin í öllum menntaskólum landsins og sjaldan verið vinsælli en einmitt nú.  Hún segir frá því hvernig við urðum að þjóð, og hetjur bókarinnar, þau Gunnar, Skarphéðinn, Njáll, Hallgerður og Bergþóra eru sveipuð goðsagnakenndum ljóma og hafa mótað og markað þjóðarsálina allt til þessa dags. Leikhópurinn og Íslenski dansflokkurinn, undir stjórn Þorleifs Arnar Arnarssonar, munu tjalda öllu til og nýta ótakmarkaða töfra leikhússins til að takast á við þessa stórbrotnu sögu í sýningu sem verður í senn forvitnileg, ögrandi og litrík leikhúsveisla. Bardagar, ástir, hefndir og völd en umfram allt Njála eins og þú hefur aldrei séð hana áður!

Njála er samstarfsverkefni Íslenska dansflokksins og Borgarleikhússins.

ATHUGIÐ að Njáluhátíð hefst í forsal Borgarleikhússins fyrir hverja sýningu kl 19:00 með ýmsum uppákomum.  Þar verður hægt að fá lánaða búninga, hitta leikara á vappi, kaupa kjötsúpu, sjá beina útsendingu frá leikurum í hár og förðun og fylgjast með undirbúningi á Stóra sviðinu.  Jafnframt verður boðið upp á fyrirlestur um Njálu kl 19:00 

Mikael Torfason er blaðamaður og rithöfundur og vakti fyrst athygli með skáldsögunni Falskur fugl sem kom út árið 1997, síðan hefur hann sent frá sér fjórar skáldsögur og leikritið Harmsögu. Þorleifur Örn Arnarson hefur getið sér gott orð sem leikstjóri hérlendis og erlendis og hefur unnið m.a. unnið leikgerðirnar að Englum alheimsins og Sjálfstæðu fólki.

Erna Ómarsdóttir er vafalaust einn virtasti dansari og danshöfundur Íslendinga og hafa verk hennar verið sýnd á hinum ýmsu dans- og listahátíðum víða um heim. Hún hefur unnið með nokkrum af fremstu dans- og sviðslistahópum Evrópu og listamönnum á borð við Jan Fabre, Sidi Larbi Cherkaoui, Björk, Jóhanni Jóhannsson og Gabríelu Friðriksdóttur. Erna hefur víða vakið athygli fyrir sinn einstaka stíl og hlotið mikið lof fyrir verk sín, núna síðast fyrir verkið Black Marrow sem hún samdi ásamt Damien Jalet, en það verk var einmitt tilnefnt til Grímuverðlaunanna 2015 sem Sýning ársins.

ÚR GAGNRÝNI

„Unaðslegt leikhús” SJ – Fbl ★ ★ ★ ★

„Ærandi ofsi, yndislegar endurtekningar og heiftug fegurð” SJ – Fbl ★ ★ ★ ★

„Hjörtur Jóhann springur út í hlutverki Skarphéðins. Kraftur hans verður ógnvænlega góður undir lok sýningarinnar” SJ – Fbl ★ ★ ★ ★

„Frammistaða Þuríðar Blævar staðfestir að hún er rísandi stjarna í íslensku leikhúsi. Hún spilar á allan tilfinningaskalann af mikilli hæfni.” SJ – Fbl ★ ★ ★ ★

„Lýsingin er í algjörum háklassa og á Björn B. Guðmundsson mikið hrós skilið.” SJ – Fbl ★ ★ ★ ★

„Fagurfræði Sunnevu Ásu Weisshappel er spennandi, djörf og kómísk allt í senn.” SJ – Fbl ★ ★ ★ ★

„Ilmur Stefánsdóttir sannar að hún er einn af okkar bestu leikmyndahönnuðum með þessari sýningu” SJ – Fbl ★ ★ ★ ★

„Nýting Ilmar Stefánsdóttur á stóra sviðinu er sjón sem skylda er að sjá” SJ – Fbl ★ ★ ★ ★

„Njála er algjört konfekt fyrir augað og leikhús sem enginn má missa af” SJ – Fbl ★ ★ ★ ★

„Það er margt sem fangar og gleður augu í þessu mikla sjónarspili” ÞT – MBL ★ ★ ★ 1/2

„Njálusýningin er mikið sjónarspil og öllu til tjaldað” DK – Hugras.is

„Þetta er hörkuverk – skemmtilegt og hressandi í myrkrinu.” DK – Hugras.is

„Sýningin er endurritun á Njálu fyrir ungmenni á öllum aldri, full af leikgleði, hugmyndaauðgi, ástríðu, (fífl)dirfsku.” DK – Hugras.is

„Þeir sem hafa kviðið því að Njála sé ekki með í sýningunni geta slappað af: þarna er mikil Njála.” SA – tmm.is

„í lokin (..) verður eitt magnþrungnasta atriði sem ég hef séð á íslensku sviði.” SA – tmm.is

„Þetta er leiksýning, rokkópera, myndlistarverk og danssýning, allt á einu kvöldi. Hvílík veisla fyrir augu, eyru og jafnvel nef.” SA – tmm.is

„Gæsahúðin fylgdi mér orðlausum og gapandi frá upphafi til enda sýningarinnar” AV – DV ★ ★ ★ ★ 1/2

„Höfundar Njálu eru fundnir” AV – DV ★ ★ ★ ★ 1/2

„Drepfyndið” AV – DV ★ ★ ★ ★ 1/2

„Brynhildur Guðjónsdóttir er fullkominn Njáll” AV – DV ★ ★ ★ ★ 1/2

„Stórsýning á alla kanta” BÞ – Kastljós

„Einstakur viðburður” GSE – Kastljós

„áhugavert, eftirminnilegt, skemmtilegt og athyglisvert” GSE – Kastljós

„Brynhildur er ógleymanleg sem Njáll” GSE – Kastljós

„Fersk og frumleg” MK – Víðsjá

„þessi sýning er afrek svo full er hún af hugmyndum, hrífandi lausnum, leik og danssigrum.” MK – Víðsjá

Bjarni Haukur og Siggi Sigurjóns sameina krafta sína og færa okkur þennan bráðfyndna sænska einleik um sorg og gleði, einangrun og nánd, byggðan á samnefndri metsölubók.

Hinn 59 ára gamli Ove er reglufastur nákvæmnismaður sem að mati annarra íbúa úthverfisins er óþolandi smámunasamur og skapillur. En að mati hans sjálfs eiga hlutirnir einfaldlega að vera eins og þeir eiga að vera. Þegar ólétt kona að nafni Parvaneh flytur með fjölskyldu sína í götuna er eins og Ove byrji að missa tökin á öllu.

Einleikurinn Maður sem heitir Ove er byggður á samnefndri skáldsögu sem notið hefur mikilla vinsælda.

Höfundur: Fredrik Backman Leikgerð: Marie Persson Hedenius, Johan Rheborg og Emma Bucht Leikstjórn: Bjarni Haukur Þórsson Leikmynd og búningar: Finnur Arnar Arnarsson Lýsing: Magnús Arnar Sigurðarson Tónlist: Frank Hall Þýðing: Jón Daníelsson Leikari: Sigurður Sigurjónsson

Sýnt í Kassanum.

Lokasýning þann 30. nóvember kl. 19:30. Bjarni Haukur og Siggi Sigurjóns sameina krafta sína og færa okkur þennan bráðfyndna sænska einleik um sorg og gleði, einangrun og nánd, byggðan á samnefndri metsölubók.

Hinn 59 ára gamli Ove er reglufastur nákvæmnismaður sem að mati annarra íbúa úthverfisins er óþolandi smámunasamur og skapillur. En að mati hans sjálfs eiga hlutirnir einfaldlega að vera eins og þeir eiga að vera. Þegar ólétt kona að nafni Parvaneh flytur með fjölskyldu sína í götuna er eins og Ove byrji að missa tökin á öllu.

Einleikurinn Maður sem heitir Ove er byggður á samnefndri skáldsögu sem notið hefur mikilla vinsælda.

Höfundur: Fredrik Backman Leikgerð: Marie Persson Hedenius, Johan Rheborg og Emma Bucht Leikstjórn: Bjarni Haukur Þórsson Leikmynd og búningar: Finnur Arnar Arnarsson Lýsing: Magnús Arnar Sigurðarson Tónlist: Frank Hall Þýðing: Jón Daníelsson Leikari: Sigurður Sigurjónsson

Sýnt í Kassanum.

,,Eina sem ég get gert er að velja: kveljast, eða hætta þessu og taka í hendina á einhverjum gaur í Mikka Mús búning í Disneylandi og trúa honum og treysta fyrir sorgum mínum og sigrum meðan hann svitnar í múnderingunni.

Maður á barmi sálræns hengiflugs vegna fjölskylduaðstæðna, efnahags- og tilvistalegrar krísu, ræðst á tilgangsleysi lífsins. Líf sem einkennist af efnishyggju samtímans. Hann skipuleggur æðisgenginn flótta frá skilyrtu samfélagi ásamt tveimur ungum sonum sínum. Hann ætlar að taka út ævisparnaðinn. Hann ætlar að brjótast inná Pradó listasafnið í Madríd og eyða einni nótt með listaverkum Goya. Synir hans vilja frekar fara í Disneyland, París.

Verkið dregur upp sterka mynd af manni sem öskrar á óréttlæti kerfisins. Örvæntingarfullt öskur runnið undan áhrifum efnhagskreppunnar og er verkið grimm gagnrýni á andvaraleysi nútímans. Einhversstaðar hlýtur að leynast boðskapur, siðferðislega sómasamlegur boðskapur, vel falinn, djúpt í hringiðu reiði sem vill brjótast út og segja okkur sögu. Sögu af aftengdum, miðaldra einstaklingi sem situr fastur í þjóðfélagi sem er andlega og efnislega gjaldfallið.

AÐSTANDENDUR

Leikstjóri: Una Þorleifsdóttir
Leikari: Stefán Hallur Stefánsson
Ljósahönnun: Magnús Arnar Sigurðarson
Þýðing: Stefán Hallur Stefánsson/Una Þorleifsdóttir
Framleiðendur: STuna/Brekidreki slf.
Meðframleiðendur: Þjóðleikhúsið/Act Alone

Þakkir : Eva Signý Berger, Magnús Þór Þorbergsson, Ari Matthíasson, Elfar Logi, Tinna Lind Gunnarsdóttir, Jói Kontrol, Guðmundur Erlingsson, fjölskyldur og vinir

HÖFUNDURINN

Rodrigo Garcia er argentínskur rithöfundur og leikstjóri fæddur 1964.  Hann hefur búið og starfað í Madrid síðan 1986.  Frá 1989 hefur hann starfrækt sinn eigin leikhóp, La Carniceria Teatro / Slátraraleikhúsið og notað hann sem vettvang fyrir tilraunakenndar leiksýningar og uppfærslu sínar i Frakklandi og á Spáni. Eftir hann liggur fjöldi verka þ.m.t. La historia de Ronald el payaso de McDonalds (The history of Ronald the McDonald’s clown, 2002); Compré una pala en IKEA para cavar mi tumba (I bought a spade at Ikea’s to dig my grave, 2003); Cruda. Vuelta y vuelta. Al punto. Chamuscada (Very Rare, Rare, Medium, Burned, 2007); Versus (2009) og Muerte y reencarnacion en un cowboy (Death and reincarnation as a cowboy, 2009). Ég kysi frekar að Goya héldi fyrir mér vöku en einhver djöfulsins fáviti var frumsýnt í Berliner Schaubühne árið 2011 og í Gate Theater í London árið 2014.

STEFÁN HALLUR STEFÁNSSON

Stefán Hallur útskrifaðist frá leiklistardeild Listaháskóla Íslands árið 2006.  Hann hefur starfað með Þjóðleikhúsinu, Borgarleikhúsinu, Vesturporti, Vér Morðingjum, Aldrei óstelandi, Sokkabandinu, ART í Bandaríkjunum og CDN Orleans í Frakklandi.  Hjá Þjóðleikhúsinu hefur hann m.a. leikið í Um Það Bil, Karitas, Sjálfstæðu fólki, Fjalla-Eyvindi, Eldrauninni, Hreinsun, Heimsljósi, Lé konungi, Heddu Gabler, Íslandsklukkunni, Gerplu, Brennuvörgunum, Sumarljósi, Bakkynjum, Legi, Óhappi, Baðstofunni, Þeim ljóta, Macbeth og Sædýrasafninu. Stefán Hallur lék í Ofsa, Lúkasi og Sjöundá á vegum Aldrei óstelandi í Þjóðleikhúsinu, í Bastörðum hjá Vesturporti/LR, Stóru Börnunum og Hvörfum hjá Lab Loka, Enron hjá Leikfélagi Reykjavíkur, Mojito í Tjarnarbíói, Ritskoðaranum og Hér & Nú hjá Sokkabandinu, Penetreitor og Bubba Kóngi hjá Vér Morðingjum, Afgöngum hjá Austurbæ og Woyzeck hjá Vesturporti. Stefán Hallur hefur leikið í kvikmyndum og sjónvarpi, meðal annars í Pressu, Jóhannesi, Desember, Roklandi og Djúpinu.  Hann hefur tvívegis verður tilnefndur til Edduverðlauna, þrívegis til Grímunnar og er stundakennari við leiklistardeild Listaháskóla Íslands.

UNA ÞORLEIFSDÓTTIR

Una útskrifaðist sem leikstjóri frá Royal Holloway, University of London árið 2004 en hafði áður stundað nám í leikhúsfræðum og list við Goldsmiths College, University of London.

Í Þjóðleikhúsinu leikstýrði Una og var meðhöfundur að  Konunni við 1000 Gráður sem hlaut Grímuverðlaunin fyrir leikrit ársins, Harmsögu (sem einnig var sýnd í Kennedy Center for the Performing Arts í Washington DC) og Um Það Bil sem vakti mikla lukku í vetur.  Meðal annarra leikstjórnarverkefna Unu eru Nú er himneska sumarið komið eftir Sigtrygg Magnason, Óraland (samsköpunarverkefni m/Jóni Atla Jónassyni og útskriftarnemum LHÍ) og Bráðum hata ég þig í Nemendaleikhúsi LHÍ.   Una var tilnefnd til Grímunnar fyrir leikstjórn sína á Um Það Bil.

Una starfar sem lektor og fagstjóri við sviðslistadeild LHÍ og er fastráðinn leikstjóri við Þjóðleikhúsið.

Sýnt í Kúlunni.

Blái hnötturinn eftir Andra Snæ Magnason í nýrri leikgerð eftir Berg Þór Ingólfsson. Kristjana Stefánsdóttir semur nýja tónlist við verkið, Chantelle Carey er danshöfundur og 22 börn svífa um á stóra sviðinu.

Lengst úti í geimnum búa ótal börn sem fullorðnast ekki. Enginn skipar þeim fyrir verkum. Þau sofa þegar þau eru þreytt, borða þegar þau eru svöng og leika sér þegar þeim dettur í hug. Kvöld eitt birtist stjarna á himnum sem fellur til „jarðar“ með miklum látum.

Í reyknum mótar fyrir skuggalegum verum og þá hefst hættulegt ævintýri sem leiðir börnin um dimma skóga, djúpa dali og loftin blá. Reynir þá á vináttu og ráðsnilld barnanna sem aldrei fyrr. Blái hnötturinn er mikilvægt og hugmyndaríkt ævintýri, þar sem brýnt er fyrir fólki að sýna réttlæti og mannúð og um leið er það viðvörun að hlaupa ekki eftir innantómu stuði. Síðast en ekki síst er það ábending um að varðveita æskuna í sjálfum sér og öðrum.

Leikritið hefur farið sigurför um heiminn frá því það var frumsýnt árið 2001 og unnið til fjölda verðlauna. Þau Bergur Þór og Kristjana Stefánsdóttir taka Bláa hnöttinn í faðminn, semja söngtexta og tónlist og hafa fundið tuttugu og tvö hæfileikarík börn til að taka þátt í sýningunni.

Aðstandendur Höfundur: Andri Snær Magnasson | leikstjóri: Bergur Þór Ingólfsson | Leikmynd: Ilmur Stefánsdóttir | Búningar: María Th. Ólafsdóttir | Lýsing: Þórður Orri Pétursson| Tónlist: Kristjana Stefánsdóttir |Hljóð: Garðar Borgþórsson |  Danshöfundur: Chantelle Carey | Leikgervi: Árdís Bjarnþórsdóttir |Myndband: Petr Hlousek |Leikarar: Björn Stefánsson, Hjörtur Jóhann Jónsson, Guðmundur Elías Knudsen, Andrea Birna Guðmundsdóttir, Andrea Lapas, Ágúst Örn Wigum, Baldvin Alan Thorarensen, Bjarni Kristbjörnsson, Björgvin Ingi Ólafsson, Emilía Bergsdóttir, Erlen Ísabella Einarsdóttir, Gabríel Máni Kristjánsson, Grettir Valsson, Gríma Valsdóttir, Guðríður Jóhannsdóttir, Gunnar Hrafn Kristjánsson, Hjörtur Viðar Sigurðarson, Hulda Fanný Pálsdóttir, Iðunn Ösp Hlynsdóttir, Pétur Steinn Atlason, Rut Rebekka Hjartardóttir, Sóley Agnarsdóttir, Steinunn Lárusdóttir, Sölvi Viggósson Dýrfjörð & Vera Stefánsdóttir.