Möguleikhúsið sýnir barnaleikritið LANGAFI PRAKKARI sem byggt er á sögum Sigrúnar Eldjárns í Menningarmiðstöðinni Gerðubergi sunnudaginn 22. janúar og laugardaginn 25. febrúar kl. 14.00

Bækur Sigrúnar Eldjárns um Langafa prakkara hafa um árabil notið mikilla

vinsælda 

meðal yngstu lesendanna. Í þessari leikgerð er stuðst við bækurnar Langafi

drullumallar og Langafi prakkari. Sýningin er ein sú allra vinsælasta í sögu

Möguleikhússins, en sýningar á Langafa prakkara eru nú farnar að nálgast þriðja hundraðið. 

 

"One of the most delightful and entertaining Magic Flutes I've seen" - A. Holloway,

Opera Magazine

**** - Neil Jones, Opera Now

Töfraflautan í uppsetningu Íslensku óperunnar hefur fengið glimrandi umfjöllun í erlendum fjölmiðlum að undanförnu.

Í janúarhefti enska óperublaðsins Opera Magazine segir gagnrýnandi blaðsins, Amanda Holloway, sem var viðstödd frumsýninguna á Töfraflautunni þann 22. október síðastliðinn sýninguna vera eina skemmtilegustu uppfærslu á Töfraflautunni sem hún hafi nokkurn tíma séð. Hún fer einnig fögrum orðum um tónlistarhúsið Hörpu og segir

sýninguna hafa verið jafnglæsilega og húsið sjálft. Raddir og hljóðfæraleikur hafi glitrað í Eldborg, með tærleika og hlýju sem minni á Glyndebourne-óperuna. Þá hrósar hún leikstjórn Ágústu Skúladóttur sem hún segir vera beinskeytta og líflega, og að þátttakendur í sýningunni, sem allir séu íslenskir, hafi haft gamansemi verksins meistaralega á valdi sínu. Amanda lýkur dómnum á því að segja listrænt séð sé Íslenska óperan um þessar mundir í svo háum gæðaflokki, að hún sé vel að hinum

spennandi nýja vettvangi sínum komin.

 Frystiklefinn í Rifi, tekur nú aftur upp sýningun ´Góðir Hálsar´. Sýningin er byggð á sögu Axlar-Bjarnar og var

frumsýnd hjá okkur í ágúst 2011. Þar sem leikarar sýningarinnar höfðu öðrum hnöppum að hneppa þá var sýningatíminn stuttur en þar sem sýningin fékk frábæra gagnrýni og góðar viðtökur áhorfenda ætlum við setja hana aftur í gang í leikhúsinu nú í janúar.

Næsta frumsýning Íslensku óperunnar verður sem kunnugt er La bohéme eftir Puccini og

verður frumsýning föstudaginn 16. mars næstkomandi. Miðasala hefst á morgun, 

fimmtudaginn 12. janúar kl. 12, og bíða margir þess með eftirvæntingu, en þess er

skemmst að minnast þegar yfir þúsund miðar seldust á tæpum þremur klukkutímum eftir

að miðasala hófst á Töfraflautuna á síðasta ári. Alls verða sex sýningar á La Bohème

í vor.

 

Saga eins kaldrifjaðasta morðingja Íslandssögunnar

Axlar-Björn, nýtt rammíslenskt verk úr smiðju Vesturports verður frumsýnt í Borgarleikhússins á miðvikudagskvöld kl 20. Axlar-Björn rekur öðrum þræði sögu þessa eins kaldrifjaðadta morðingja Íslandssögunnar en veltir einnig upp sígildum spurningum um þá brenglun sem leiðir til óhæfuverka. Björn Hlynur Haraldsson skrifar verkið og leikstýrir en þeir Alti Rafn Sigurðarson og Helgi Björnsson fara með hlutverk Axlar-Björns. Axel Hrafnkell Jóhannesson hannar leikmynd og Mundi búninga. Höfundur tónlistar og hljóðmyndar er Kjartan Sveinsson úr Sigurrós. Kjartan Sveinsson annast lýsingu.

Þann 2. janúar hófust æfingar á einum vinsælasta söngleik allra tíma, Vesalingunum, í Þjóðleikhúsinu. Nýlega bættist góður liðsmaður í hóp einvala liðs leikara og söngvara í sýningunni, en það er enginn annar en Þórhallur Sigurðsson eða Laddi. Laddi mun fara með bráðskemmtilegt hlutverk Thénardiers kráareiganda, en Laddi steig síðast á svið Þjóðleikhússins fyrir 22 árum þegar hann lék Fagin foringja þjófagengisins í Oliver!    

Hilmar hefur verið fastráðinn leikari í Borgarleikhúsinu frá útskrift 2010

Hilmar Guðjónsson leikari hefur verið valinn í hóp 10 efnilegustu leikara Evrópu, Shooting Star. Þetta er í fyrsta sinn sem Íslendingur er valinn í þennan hóp (eftir að skilyrði voru sett sem takmarka fjölda útvalinna við 10 leikara í allri Evrópu). Shooting Star hópurinn kosinn af alþjóðlegri dómnefnd og kynntur fyrir alþjóðlegum fagaðilum á kvikmyndahátíðinni í Berlín, sem næst er haldin 9. – 19. febrúar 2012. Á hátíðinni er kastljósinu beint að hópnum og viðburðurinn til þess gerður að vera eins konar stökkpallur til alþjóðlegs frama fyrir þátttakendur. European Film Promotion stendur fyrir Shooting Star en Kvikmyndamiðstöð Íslands er aðili að þeim samtökum.

Verðlaunaverkið Elsku barn, eftir breska leikskáldið Dennis Kelly, snýr aftur á fjalir Nýja sviðsins fimmtudaginn 24. Nóvember nk. Elsku barn er nístandi saga móður sem sökuð er um að myrða börnin sín tvö. Hér er á ferðinni áleitið verk sem veltir upp ýmsum heimspekilegum spurningum um eðli sannleikans, réttlæti og lygi, hvernig lifa má við ófyrirgefanlegan glæp og óbærilegan sársauka.  Leikstjóri er Jón Páll Eyjólfsson sem áður hefur tekist á við ögrandi verk s.s. Vestrið eina,  Maríubjölluna, Þú ert hér og Góðir Íslendingar. Sex leikarar taka þátt í sýningunni þau Unnur Ösp Stefánsdóttir, Halldóra Geirharðsdóttir, Benedikt Erlingsson, Hallgrímur Ólafsson, Nína Dögg Filippusdóttir og Valur Freyr Gíslason.

Elsku barn var einn helsti sigurvegari Grímunnar síðastliðið vor, hlaut alls sjö tilnefningar meðal annars sem sýning ársins og Unnur Ösp Stefánsdóttir var valin leikkona ársins í aðalhlutverki fyrir túlkun sína á móðurinni ungu.

Elsku barn hlaut alls sjö tilnefningar meðal annars sem sýning ársin