|
|
|
|
|
mánudagur, 01 febrúar 2010
Þú situr ein(n) á kaffihúsi á aðfangadag, ætlar að taka lífinu með ró og
safna kröftum áður en hátíðina ber að garði. Inn af götunni gengur sú
manneskja sem þú áttir síst von á og vildir ekki undir neinum kringumstæðum
hitta. Hvað gerir þú? Hvað gerir hún? Hvernig mun fortíðin ykkar hafa áhrif
á þennan annars venjulega aðfangadag?
Höfundurinn Þór Rögnvaldsson lætur nú enn og aftur heyra í sér með nýju
athyglisverðu leikriti. Eftir að hafa sigrað leikritasamkeppni af tilefni
hundrað ára afmæli Leikfélags Reykjavíkur hefur hann ekki setið auðum höndum
og sendir nú frá sér verk sem hefst á örleikriti Strindbergs Hin sterkari
(Den starkere) en síðan leggur Þór út af þessu stefi og prjónar aftan við
meistaraverk Strindbergs fjögur ólík en samtvinnuð tilbrigði; tvö tilbrigði
fyrir konur og önnur tvö fyrir karlleikara. Leikritið heitir þess vegna
Tilbrigði við stef, en það er í senn áhrifamikið, spennandi og á köflum
kómískt verk. Leikararnir eru þeir Valgeir Skagfjörð og Gunnar Gunnsteinsson
sem leika karlhlutverkin og Lilja Þórisdóttir og Guðrún Þórðardóttir í
kvenhlutverkunum. Leikstjóri er Inga Bjarnason sem hefur sett á svið á
fimmta tug leikrita m.a Dauðadans Strindbergs, Trójudætur og Medeu eftir
Evripítes og MakbeðShakespeares. Þetta er uppsetning sem enginn
leikhúsunnandi ætti að láta framhjá sér fara. |
|
Nánar...
|
|
|
|
|
|
|
mánudagur, 01 febrúar 2010
Möguleikhúsið er nú á leið til Bandaríkjanna með leiksýninguna Völuspá (The
Prophecy).
Sýningin verður sýnd á Showcase, eða leikhúsmessu í Pittsburgh í
Pennsilvaníu, The International Performing Arts for Youth. Völuspá er þar í
hópi 20 sýninga víðsvegar að úr heiminum sem valdar voru sérstaklega til
þátttöku. Tilgangur leikhúsmessunnar er að kynna það besta sem boðið er upp
á í leikhúsi fyrir börn og unglinga fyrir skóla, hátíðir, listamiðstöðvar
o.fl.væntanlega kaupendur sýninga í Bandaríkjunum og Kanada.
Það er Möguleikhúsinu mikill heiður að hafa fengið boð um þátttöku á þessari
leikhúsmessu og er það hiklaust eitt stærsta tækifærið sem leikhúsinu hefur
boðist til að kynna sýningar sínar fyrir Bandaríkjamarkað.
|
|
Nánar...
|
|
|
|
|
|
|
miðvikudagur, 11 nóvember 2009
 Hnykill er heiti á nýju verki í leikstjórn Margrétar Vilhjálmsdóttur og var hún frumsýnd 6.nóvember s.l. Hér er um að ræða kraftmikla og skemmtilega sýningu sem leiðir áhorfandann í ferðalag um mismunandi skynjanir heilans og óravíddir undirmeðvitundar. Sýningin er sýnd í gömlu og hráu vöruhúsnæði úti á Gróttu að Bygggörðum 5. Húsnæðið hefur hópurinn valið að kalla „Norðurpólinn“. |
|
Nánar...
|
|
|
|
|
|
|
þriðjudagur, 03 nóvember 2009
Laugardaginn 31. október frumsýndi unglingadeild Leikfélags Keflavíkur söngleikinn Bugsy Malone í leikstjórn Ingólfs Níelsar Árnasonar. Æfingar hafa staðið yfir undanfarnar sex vikur en alls taka um 60 unglingar þátt í þessari skemmtilegu sýningu.
Leikfélagið setur á hverju ári upp tvær metnaðarfullar sýningar og þessi er þar engin undantekning. Mikil gróska er í öllu leiklistarstarfi hjá LK og áhuginn mikill hjá unglingum. Það er einlæg ósk þeirra sem halda um stjórnartaumana hjá Leikfélagi Keflavíkur að bæjarbúar og aðrir nærsveitungar komi og sjái þennan öfluga unglingahóp takast á við þetta metnaðarfulla verkefni. |
|
|
|
|
|
|
fimmtudagur, 29 október 2009
 Fjölskyldan – ágúst í Osage-sýslu eftir Tracy Letts verður frumsýnt á Stóra sviði Borgarleikhússins föstudaginn 30. október.
Hér er á ferðinni stórbrotin fjölskyldusaga sem sópað hefur til sín verðlaunum. Leikritið er fjölskyldusaga Weston fjölskyldunnar sem kemur saman þegar ættfaðirinn, Bewerly Weston, hverfur. Verkið er um gleði og sorgir fjölskyldunnar og hvernig óvænt áföll geta ýtt löngu gleymdum atburðum aftur upp á yfirboðið.
Hilmir Snær Guðnason leikstýrir verkinu og er þetta hans fyrsta verkefni eftir að hafa skrifað undir fastan samning við Borgarleikhúsið síðast liðið sumar. Þrettán leikarar taka þátt í verkinu, úrvals lið leikara Borgarleikhússins. Tónlistarmaðurinn KK fléttar síðan tónlistartöfra sína inn í verkið og verður lifandi tónlist á sviðinu sem rammar inn verkið. Sýningin er þrír þættir og verða tvö hlé, eftir 1. og 2. þátt. |
|
|
|
|
|
|
fimmtudagur, 29 október 2009
 Ástardrykkurinn eftir Donizetti er bráðskemmtileg gamanópera, sem fjallar um tilraunir ungs manns til að vinna hug ungrar konu. Þegar allt annað bregst leitar hann á náðir kuklara nokkurs sem útvegar honum svokallaðan ástardrykk. Að lokum fer þó allt vel, eins og svo oft í óperum, og hin sanna ást sigrar að lokum.
Einvalalið ungra íslenskra söngvara syngur aðalhlutverkin í sýningunni. Með hlutverk unga mannsins, Nemorino, fer Garðar Thór Cortes, með hlutverk ungu stúlkunnar, Adinu, fer Dísella Lárusdóttir, kuklarann Dulcamara syngur Bjarni Thor Kristinsson, og í hlutverki keppinautarins Belcore er Ágúst Ólafsson. Með hlutverk vinkonunnar Gianettu fer Hallveig Rúnarsdóttir. Þá syngja þau Þóra Einarsdóttir og Gissur Páll Gissurarson einnig hlutverk Adinu og Nemorino á sýningatímabilinu. |
|
Nánar...
|
|
|
|
|
|
|
fimmtudagur, 29 október 2009
 Verkið Sindri silfurfiskur eftir Áslaugu Jónsdóttur verður frumsýnt í Þjóðleikhúsinu 31. október næstkomandi. Þett er nútt leikverk fyrir yngstu börnin um dulúðugar og heillandi sjávarverur.
"Hafdís í skrautfiskabúðinni Fjörfiskar er löngu hætt að selja fallegu fiskana sína. Þeir eru vinir hennar og hún vill miklu heldur segja af þeim sögur, eins og til dæmis söguna af Sindra silfurfiski og leyndarmálinu hans." |
|
|
|
|
|
|
fimmtudagur, 29 október 2009
 Völva, er rafrænn leikhússeiður, eftir Pálínu Jónsdóttur og Walid Breidi, sem miðlar hinum leyndardómsfulla spádómi Völuspár með nýrri gagnvirkri tækni. Leikkonan, holdgervingur Völvunnar, stjórnar framvindunni í gegnum íklæðanlegan rafmiðil sem er galdratæki Völvunnar. Völva er framsækið samrunaverk sem leitast við að skapa nýja vídd innan leikhúslandslagsins við endurorta Völuspá Þórarins Eldjárns.
Verkið var frumsýnt þann 22. október síðast liðinn í Þjóðleikhúsinu. |
|
Nánar...
|
|
|
|
