Browsing "Uncategorized"

Breytingar í stjórn Leikfélags Reykjavíkur

sep 7, 2017 // by test // Uncategorized // Engar athugasemdir

Þorgerður Katrín Gunnarsdóttir hefur látið af störfum sem formaður Leikfélags Reykjavíkur vegna annarra starfa. Eggert Benedikt Guðmundsson, sem verið hefur varaformaður, hefur tekið við sem formaður félagsins. Ingibjörg Elsa Guðmundsdóttir er nýr varaformaður, en Ármann Jakobsson tekur við starfi ritara af Ingibjörgu. Bessí Jóhannsdóttir kemur inn í stjórnina sem meðstjórnandi, en var áður varamaður. Himar Oddsson er áfram meðstjórnandi og Finnur Oddsson varamaður. Nýr varamaður er Védís Hervör Árnadóttir.

Leikfélag Reykjavíkur rekur Borgarleikhúsið undir samstarfssamningi við Reykjavíkurborg. Leikhússtjóri er Kristín Eysteinsdóttir og framkvæmdastjóri Berglind Ólafsdóttir.

Fjörugur og skapandi vetur framundan

sep 7, 2017 // by test // Uncategorized // Engar athugasemdir

Framundan er metnaðarfull og fjörug dagskrá sem gleður og nærir andann. Leiðarljósið er frumsköpun leikskálda af svlðinu og að nýta krafta þess sviðslistafólks sem hér er búsett ásamt því að taka á móti gestasýningum sem auka fjölbreytni og dýpka leikhúsupplifun áhorfenda á öllum aldri.

Leikfélag Akureyrar æfir nú í Samkomuhúsinu sýninguna Kvenfólk eftir Hund í óskilum. Í sýningunni fara þeir félagar í Hjörleifur Hjartarsson og Eiríkur Stephensen á hundavaði yfir kvennasöguna undir leikstjórn Ágústu Skúladóttur. Sýningin verður frumsýnd þann 29. september og sýnd í október og nóvember í Samkomuhúsinu.

Um Hund í Óskilum

Hundur í óskilum er margrómaður og verðlaunaður dúett sem er leikhúsgestum að góðu kunnur fyrir leiksýningar sínar Sögu þjóðar sem hlaut Grímuverðlaunin árið 2012 og Öldina okkar sem gekk fyrir fullu húsi í Samkomuhúsinu og svo í Borgarleikhúsinu í kjölfarið. En Öldina okkar unnu þeir ennig með Agústu Skúladóttur.

Um Kvenfólk

Kvenfólk – Kvennasagan á hundavaði er drepfyndin sagnfræði með söngvum. Hundur í óskilum heldur hér áfram að varpa óvæntu ljósi á Íslandssöguna með húmorinn að vopni. Nú er komið að sögu kvenna og kvennabaráttu. Frá því að konan kom til landsins í lok nítjándu aldar hafa íslenskir karlmenn gert sitt besta til að laga sig að breyttum aðstæðum. En hefur okkur tekist sem skyldi? Sagan greinir frá örfáum konum – raunar svo fáum að það er búið að skíra rakettur í höfuðið á þeim öllum. Hundur í óskilum veltir við hverjum steini og grefur upp ýmislegt óvænt og skemmtilegt í sögu jafnréttisbaráttunnar.

Um Leikfélag Akureyrar

Leikfélag Akureyrar varð hundrað ára þann 19. apríl þessa árs og er því sprellfjörugur öldungur. Kvenfólk er 323 sviðsetning Leikfélags Akureyrar og er ein af þremur leiksýningum sem LA setur upp leikárið 2017-2018. Saga félagsins er algerlega samofin sögu þess samfélags sem það sprettur úr fyrst sem áhugaleikhús og svo sem atvinnuleikhús. Leiksýningar félagsins hafa orðið að segul fyrir áhorfendur heima og handan heiða. Auk þess hefur félagið gert strandhögg með sínar leiksýningar í höfuðborginni við frábæran orðstír.

Bókmenntaganga – Tímaþjófurinn

sep 6, 2017 // by test // Uncategorized // Engar athugasemdir

Menningarhús Grófinni, laugardag 9. september kl. 15.00 – 16.30

Borgarbókasafnið og Þjóðleikhúsið bjóða til bókmenntagöngu um söguslóðir skáldsögunnar Tímaþjófsins eftir Steinunni Sigurðardóttur, en gangan var fyrst farin á vormánuðum. Tímaþjófurinn kom út árið 1986 og sló þá í gegn, en Þjóðleikhúsið frumsýndi leikrit í uppsetningu Unu Þorleifsdóttur, byggt á bókinni, nú í vor. Göngunni lýkur í Kassanum, þar sem gestir fá innsýn í heiminn handan tjaldsins og Nína Dögg Filippusdóttir leikkona les úr bókinni.

Gangan hefst við Borgarbókasafnið í Grófinni. Gengið verður um söguslóðir Tímaþjófsins og lesið úr verkinu, en áð verður í Hólavallakirkjugarði, Dómkirkjunni og við Menntaskólann í Reykjavík. Steinunn Sigurðardóttir slæst sjálf í hópinn og spjallar við göngufólk. Göngunni lýkur með heimsókn í Þjóðleikhúsið, sem opnar Kassann fyrir göngufólki. Þar taka Una Þorleifsdóttir, leikstjóri sýningarinnar, Melkorka Tekla Ólafsdóttir, höfundur leikgerðar og Nína Dögg Filippusdóttir, leikkona, á móti fólki. Nína Dögg les úr bókinni og skyggnst verður inn í ferðalag Öldu af síðum skáldsögu og inn í sviðsljósið.

Enginn aðgangseyrir og allir velkomnir. Kaffi og kleinur gegn vægu gjaldi.

Sýningar á Tímaþjófnum hefjast að nýju laugardagskvöldið 9. september.

Sýningarfjöldi er takmarkaður, og nú þegar er uppselt á nokkrar sýningar.

Fjölmennt leikhúskaffi fyrir sýninguna 1984

sep 4, 2017 // by test // Uncategorized // Engar athugasemdir

Fimmtudaginn 31. ágúst var haldið svokallað Leikhúskaffi þar sem leikstjóri og leikmynda- og búningahönnuður sýningarinnar 1984, sem verður frumsýnd 15. september á Nýja sviði Borgarleikhússins, kynntu verkið og þeirra nálgun fyrir gestum.

Fyrri hluti kynningarinnar fór fram í Borgarbókasafninu í Kringlunni þar sem Bergur Þór Ingólfsson, leikstjóri, kynnti verkið, leikgerðina og nálgun leikhópsins á verkið fyrir þeim rúmlega 50 gestum sem mættu á viðburðinn. Eftir það fór hópurinn inn á Nýja svið Borgarleikhússins þar sem Sigríður Sunna Reynisdóttir, leikmynda- og búningahönnuður, sýndi leikmyndina og útskýrði fyrir hópnum hugmyndina á bakvið hana.

Leikhúskaffið þótti takast einkar vel og var mikil ánægja á meðal gestum sem og aðstandenda sýningarinnar. Þetta var fyrsta Leikhúskaffi af þremur í vetur, en þetta er samstarfsverkefni Borgarleikhússins og Borgarbókasafns. Næsta verk sem kynnt verður á Leikhúskaffi er Medea.

Leiklistarskólinn Opnar dyr; nýtt námskeið að hefjast

sep 4, 2017 // by test // Uncategorized // Engar athugasemdir

Leiklistarskólinn Opnar dyr hefur verið starfandi í rúm 9 ár og fjöldi manns hefur komið á námskeið og líst því yfir á eftir að námskeiðið hafi hjálpað þeim bæði persónulega og í starfi. „Stórkostleg upplifun & frábær skemmtun – Frábært að fá að gera eitthvað algjörlega nýtt, krefjandi og skapandi“ er meðal annars það sem nemendur hafa sagt um námskeiðið. Ólöf Sverrisdóttir og Ólafur Guðmundsson leikarar og leiklistarkennarar stofnuðu skólann á sínum tíma en þau hafa bæði mikla reynslu af því að kenna. „Okkur fannst hreinlega vanta svona námskeið þar sem fullorðnir fengju tækifæri til að læra leiklist og í leiðinni að þroska sig og efla sjálfstraust í gegnum skemmtilegar leiklistaræfingar.“

Námskeiðin eru ætluð þeim sem vilja skemmta sér, losa um hömlur og fá útrás fyrir sköpunargleðina í spuna og leik. Leiklistarskólinn Opnar dyr hefur það að markmiði að gefa fullorðnu fólki tækifæri til að kynnast leikrænni tjáningu í afslöppuðu og öruggu umhverfi. Leiklistarnámskeiðið býður uppá skapandi leiklist og sjálfstyrkingu. Meðal annars er unnið með eigin sögur, sögur spunnar og tjáðar á ýmsa vegu. Frásögn gegnum líkamann og með aðferðum trúðsins svo eitthvað sé nefnt. Einnig er farið inná núvitund í leiklist,

Allir hafa þörf fyrir að tjá sig og með því að efla leikræna hæfileika sína með skemmtilegum æfingum sem opna fyrir sköpunarflæði og ímyndunarafl fær fólk tækifæri til að þroska sjálfsöryggi á skapandi hátt. Námskeiðið hentar því öllum sem vilja tjá sig af öryggi hvort sem er í lífinu eða í leik.

Í haust verður einnig boðið uppá annarskonar námskeið, meðal annars ritlistar- og sagnanámskeið en þau verða auglýst síðar.

Námskeiðið er ætlað 17 ára og eldri og er í Listdansskólanum Engjateigi 1, 105 Reykjavík. Námskeiðið er á miðvikudögum 20.15-22.30 og hefst miðvikudaginn 20. sept. og verður í 9 skipti. Hægt er að hafa samband á netfangið iceolof@hotmail.comeða í síma; 845-8858.

Fleiri umsagnir:

„Ég mæli SKO 100% með námskeiðinu – Það er uppbyggjandi og svo svakalega skemmtilegt – Mikið hlegið og leikið sér“

„Gjörsamlega frábær námskeið sem efla sjálfstraust – og auðvelda manni að vera maður sjálfur í öllum aðstæðum. Kennarar til fyrirmyndar“

Ubbi á leið til Mónakó

sep 1, 2017 // by test // Uncategorized // Engar athugasemdir

Allt er pakkað og klárt fyrir ferð Leikfélags Hafnarfjarðar á Mondial du Théâtre í Mónakó, en félagið sýnir þar Ubba kóng í næstu viku.

Leikfélag Hafnarfjarðar frumsýndi Ubba kóng eftir Alfred Jarry í leikstjórn Ágústu Skúladóttur vorið 2015. Farið var með verkið á leiklistarhátíð í Austurríki í fyrra og nú leggur Ubbi enn á ný upp í langferð.

Mondial du Théâtre er haldin í Mónakó fjórða hvert ár á vegum AITA/IATA, International Association of Amateur Theatre, og Studio de Monaco. 24 leikhópum er boðið að taka þátt hverju sinni og sýnir hver leikhópur tvisvar sinnum. Sýningar LH á Ubba kóngi verða dagana 29. og 30. ágúst í Théâtre Princesse Grace.

Leikfélagið er afar stolt af því að hafa verið valið til þátttöku á fremstu leiklistarhátíð heims á vettvangi áhugaleikhúss og er spennan í leikhópnum orðin mikil. Leikarar eru 10 alls, tónlistin í verkinu er eftir Eyvind Karlsson og textar eftir Karl Ágúst Úlfsson og Þórarin Eldjárn. Steingrímur Gautur Kristjánsson þýddi.

Með fulla vasa af grjóti

sep 1, 2017 // by test // Uncategorized // Engar athugasemdir

Eftirlætissýning margra leikhúsgesta á svið í þriðja sinn

Með fulla vasa af grjóti er bráðskemmtilegt leikrit sem hefur farið sigurför um heiminn, og hér sýna tveir af fremstu leikurum þjóðarinnar einstaka færni sína. Sviðsetning Þjóðleikhússins á leikritinu árið 2000 sló rækilega í gegn, sýningar urðu alls 180 og yfir 40.000 manns sáu verkið. Þegar sýningin fór aftur á svið árið 2012 bættust tæplega 10.000 áhorfendur við. Nú gefst enn á ný tækifæri til að sjá þessa frábæru sýningu.

Aðalpersónur verksins eru tveir náungar sem ráða sig sem aukaleikara í Hollywoodkvikmynd sem verið er að taka upp í nágrenni lítils þorps á vesturströnd Írlands. Fljótlega setur starfsemi kvikmyndafyrirtækisins allt á annan endann, og von bráðar eiga sér stað árekstrar á milli lífs Hollywoodstjarnanna og hversdagsleika sveitafólksins. Þessir árekstrar eru margir hverjir afar spaugilegir, en þeir geta einnig haft alvarlegar afleiðingar.

Í verkinu kynnumst við fjölda skrautlegra og skemmtilegra persóna og þeir Hilmir Snær Guðnason og Stefán Karl Stefánsson fara með öll fjórtán hlutverkin.

Um leikritið

Með fulla vasa af grjóti, eða Stones in His Pockets, eftir Marie Jones er meðal þekktustu leikrita sem skrifuð hafa verið á Norður-Írlandi á síðari árum.

Verkið var upphaflega skrifað fyrir írska leikhópinn Double Joint og frumsýnt árið 1996. Jones endurskrifaði verkið fyrir Lyric-leikhúsið í Belfast árið 1999. Sýning Lyric-leikhússins var sýnd í Dublin og á Edinborgarhátíðinni sama ár. Verkið vakti þar mikla athygli og var í kjölfarið frumsýnt í New Ambassadors-leikhúsinu á West End árið 2000, í leikstjórn Ians McElhinneys. Sýningin sló í gegn, var flutt í Duke of York’s leikhúsið og sýnd í þrjú ár samfleytt í London. Leikararnir í upprunalegu sýningunni léku verkið á Broadway, og tóku ýmsir leikarar við hlutverkum þeirra í London á sýningartímabilinu.

Verkið hefur frá frumsýningunni í London farið sigurför um heiminn og verið þýtt á fjölda tungumála. Það hefur hlotið ýmis verðlaun, og má þar nefna Laurence Olivier verðlaunin, Evening Standard verðlaunin og Irish Times/ESB leiklistarverðlaunin.

Hlutverk

Stefán Karl Stefánsson:
Jake Quinn – Aisling, 3. aðstoðarleikstjóri – Mickey, gamall aukaleikari – Sean Harkin, ungur piltur í þorpinu – John, framburðarkennari – Dave, tökumaður, Lundúnabúi – Kevin Docherty, fréttamaður

Hilmir Snær Guðnason:
Charlie Conlon – Simon, 1. aðstoðarleikstjóri – Caroline Giovanni, kvikmyndastjarna – Clem Curtis, leikstjórinn – Harkin, faðir Seans – Fin, vinur Seans Harkins – Jock Campbell, öryggisvörður Caroline – Bróðir Gerard, kennari í þorpinu

Leikárið er hafið

ágú 31, 2017 // by test // Uncategorized // Engar athugasemdir

Leikárið er hafið og það lítur heldur betur vel út. Borgarleikhúsið býður uppá þrjár tegundir askriftakorta:

Áskriftarkort Borgarleikhússins kostar 17.500 kr.
Frumsýningakort Borgarleikhússins kostar 24.000 kr.
Ungmennakort Borgarleikhússins kostar 12.500 kr.

Við vekjum athygli á því að ef ROCKY HORROR er valið í áskriftarkortið þá bætist 1.490 kr. viðbótargjald ofan á.

Þú getur valið 4 sýningar á hverju korti. Best er að panta kort á borgarleikhus.is.

Gríman 2017

jún 19, 2017 // by test // Uncategorized // Engar athugasemdir

Gríman – íslensku sviðslistaverðlaunin 2017 voru veitt þann 16.júní sl. í Þjóðleikhúsinu. Barnasýningin Blái hnötturinn fékk flest verðlaun, eða fjögur. Hlaut sýningin verðlaun fyrir barnasýningu ársins, dans- og sviðshreyfingar ársins, leikmynd ársins og tónlist ársins.

Sýning ársins er Fórn – No Tomorrow eftir Margréti Bjarnadóttur og Ragnar Kjartansson, í sviðsetningu Íslenska dansflokksins og Borgarleikhússins. Leikkona ársins í aðalhlutverk er Sólveig Guðmundsdóttir, fyrir hlutverk sitt í Sóley Rós ræstitæknir í sviðsetningu Kvenfélagsins Garps. Leikari ársins í aðahlutverki er Stefán Hallur Stefánsson, fyrir hlutverk sitt í Góðu fólki.

Hér má sjá alla verðlaunaflokka og tilnefningar. Verðlaunahafar eru feitleitraðir.

Leikrit ársins

Húsið eftir Guðmund Steinsson
í sviðsetningu Þjóðleikhússins

Sending eftir Bjarna Jónsson
í sviðsetningu Borgarleikhússins

Sóley Rós ræstitæknir
eftir Maríu Reyndal og Sólveigu Guðmundsdóttur
í sviðsetningu Kvenfélagsins Garps

Tímaþjófurinn eftir Steinunni Sigurðardóttur
í leikgerð Melkorku Teklu Ólafsdóttur
Sviðsetning – Þjóðleikhúsið

Ævisaga einhvers eftir Kriðpleir og Bjarna Jónsson
í sviðsetningu Kriðpleirs

Leikstjóri ársins

Gréta Kristín Ómarsdóttir
Stertabenda í sviðsetningu Grétu Kristínar Ómarsdóttur og Þjóðleikhússins

María Reyndal
Sóley Rós ræstitæknir í sviðsetningu Kvenfélagsins Garps

Ólafur Egill Egilsson
Brot úr hjónabandi í sviðsetningu Borgarleikhússins

Una Þorleifsdóttir
Gott folk í sviðsetningu Þjóðleikhússins

Una Þorleifsdóttir
Tímaþjófurinn í sviðsetningu Þjóðleikhússins

Leikari ársins í aðalhlutverki

Björn Thors
Brot úr hjónabandi í sviðsetningu Borgarleikhússins

Guðjón Davíð Karlsson
Húsið í sviðsetningu Þjóðleikhússins

Sigurður Sigurjónsson
Maður sem heitir Ove í sviðsetningu Þjóðleikhússins

Stefán Hallur Stefánsson
Ég vil frekar að Goya haldi fyrir mér vöku en einhver djöfulsins fáviti í sviðsetningu ST/unu og Þjóðleikhússins

Stefán Hallur Stefánsson
Gott fólk
í sviðsetningu Þjóðleikhússins

Leikari ársins í aukahlutverki

Arnmundur Ernst Backman

Djöflaeyjan í sviðsetningu Þjóðleikhússins

Björgvin Franz Gíslason
Elly í sviðsetningu Borgarleikhússins og Vesturports

Björn Hlynur Haraldsson
Óþelló í sviðsetningu Þjóðleikhússins

Davíð Þór Katrínarson
Ræman í sviðsetningu Borgarleikhússins

Sveinn Ólafur Gunnarsson
Sóley Rós ræstitæknir í sviðsetningu Kvenfélagsins Garps

Leikkona ársins í aðalhlutverki

Hera Hilmarsdóttir
Andaðu í sviðsetningu Leikfélagsins fljúgandi fiska

Katrín Halldóra Sigurðardóttir
Elly í sviðsetningu Borgarleikhússins

Sólveig Guðmundsdóttir
Sóley Rós ræstitæknir í sviðsetningu Kvenfélagsins Garps

Unnur Ösp Stefánsdóttir
Brot úr hjónabandi í sviðsetningu Borgarleikhússins

Vigdís Hrefna Pálsdóttir
Húsið í sviðsetningu Þjóðleikhússins

Leikkona ársins í aukahlutverki

Birgitta Birgisdóttir
Húsið í sviðsetningu Þjóðleikhússins

Halldóra Geirharðsdóttir
Salka Valka í sviðsetningu Borgarleikhússins

Katla Margrét Þorgeirsdóttir
Elly í sviðsetningu Borgarleikhússins og Vesturports

Kristbjörg Kjeld
Húsið í sviðsetningu Þjóðleikhússins

Snæfríður Ingvarsdóttir
Djöflaeyjan í sviðsetningu Þjóðleikhússins

Leikmynd ársins

Börkur Jónsson
Álfahöllin í sviðsetningu Þjóðleikhússins

Börkur Jónsson
Elly í sviðsetningu Borgarleikhússins og Vesturports

Eva Signý Berger
Évgení Onegin í sviðsetningu Íslensku óperunnar

Gretar Reynisson
Sending í sviðsetningu Borgarleikhússins

Ilmur Stefánsdóttir
Blái hnötturinn í sviðsetningu Borgarleikhússins

Búningar ársins

Eva Signý Berger
Tímaþjófurinn í sviðsetningu Þjóðleikhússins

Filippía I. Elísdóttir
Húsið í sviðsetningu Þjóðleikhússins

María Th. Ólafsdóttir
Évgení Onegin í sviðsetningu Íslensku óperunnar

Stefanía Adolfsdóttir
Elly í sviðsetningu Borgarleikhússins og Vesturports

Þórdís Erla Zoega
Da Da Dans í sviðsetningu Íslenska dansflokksins

Lýsing ársins

Björn Bergsteinn Guðmundsson
Fórn – Shrine í sviðsetningu Íslenska dansflokksins og Borgarleikhússins

Halldór Örn Óskarsson
Óþelló í sviðsetningu Þjóðleikhússins

Kjartan Darri Kristjánsson
Þórbergur í sviðsetningu Edda Productions

Ólafur Ágúst Stefánsson
Horft frá brúnni í sviðsetningu Þjóðleikhússins

Þórður Orri Pétursson
Blái hnötturinn í sviðsetningu Borgarleikhússins

Tónlist ársins

Barði Jóhannsson
Brot úr hjónabandi í sviðsetningu Borgarleikhússins

Bryce Dessner
Fórn – No Tomorrow í sviðsetningu Íslenska dansflokksins og Borgarleikhússins

Jónas Sen
FUBAR í sviðsetningu Níelsdætra

Kristjana Stefánsdóttir
Blái hnötturinn í sviðsetningu Borgarleikhússins

Memfismafían
Djöflaeyjan í sviðsetningu Þjóðleikhússins

Hljóðmynd ársins

Baldvin Þór Magnússon
Shades of History í sviðsetningu Katrínar Gunnarsdóttur, Tjarnarbíós og Reykjavík Dance Festival

Garðar Borgþórsson
Elly í sviðsetningu Borgarleikhússins og Vesturports

Kristinn Gauti Einarsson
Tímaþjófurinn í sviðsetningu Þjóðleikhússins

Sveinbjörn Thorarensen
Da Da Dans í sviðsetningu Íslenska dansflokksins

Valdimar Jóhannsson
Fórn – Shrine í sviðsetningu Íslenska dansflokksins og Borgarleikhússins

Söngvari ársins

Andrey Zhilikhovsky
Évgení Onegin í sviðsetningu Íslensku óperunnar

Arnmundur Ernst Backman
Djöflaeyjan í sviðsetningu Þjóðleikhússins

Auður Gunnarsdóttir
Mannsröddin – La voix humaine í sviðsetningu Íslensku óperunnar

Elmar Gilbertsson
Évgení Onegin í sviðsetningu Íslensku óperunnar

Katrín Halldóra Sigurðardóttir
Elly í sviðsetningu Borgarleikhússins og Vesturports

Þóra Einarsdóttir
Évgení Onegin í sviðsetningu Íslensku óperunnar

Dans- og sviðshreyfingar ársins

Aðalbjörg Árnadóttir og Ylfa Ösp Áskelsdóttir
Þær spila blak Hallelúja í sviðsetningu Dúósins Díó

Agnes Wild
Á eigin fótum í sviðsetningu Miðnættis og Lost Watch Theatre Company

Brogan Davison
STRIPP í sviðsetningu Dance For Me og Olgu Sonju Thorarensen

Chantelle Carey
Blái hnötturinn í sviðsetningu Borgarleikhússins

Sveinbjörg Þórhallsdóttir
Tímaþjófurinn í sviðsetningu Þjóðleikhússins

Barnasýning ársins

Á eigin fótum
eftir Miðnætti og Lost Watch Theatre Company í sviðsetningu Miðnættis og Lost Watch Theatre Company

Blái hnötturinn
eftir Andra Snæ Magnason í leikgerð Bergs Þórs Ingólfssonar
Sviðsetning – Borgarleikhúsið

Fjaðrafok
eftir Tinnu Grétarsdóttur og Chantal McCormick í sviðsetningu Bíbí & Blaka og Fidget Feet

Íslenski fíllinn
eftir Bernd Ogrodnik og Hildi M. Jónsdóttur í sviðsetningu Brúðuheima og Þjóðleikhússins

Jólaflækja
eftir Berg Þór Ingólfsson í sviðsetningu Borgarleikhússins

Dansari ársins

Ásgeir Helgi Magnússon
Da Da Dans í sviðsetningu Íslenska dansflokksins

Elín Signý W. Ragnarsdóttir
Fórn – Shrine í sviðsetningu Íslenska dansflokksins og Borgarleikhússins

Katrín Gunnarsdóttir
Shades of History í sviðsetningu Katrínar Gunnarsdóttur, Tjarnarbíós og Reykjavík Dance Festival

Sigríður Soffía Níelsdóttir
FUBAR í sviðsetningu Níelsdætra

Védís Kjartansdóttir
Da Da Dans í sviðsetningu Íslenska dansflokksins

Danshöfundur ársins

Inga Huld Hákonardóttir og Rósa Ómarsdóttir
Da Da Dans í sviðsetningu Íslenska dansflokksins

Katrín Gunnarsdóttir
Shades of History í sviðsetningu Katrínar Gunnarsdóttur, Tjarnarbíós og Reykjavík Dance Festival

Margrét Bjarnadóttir og Ragnar Kjartansson
Fórn – No Tomorrow í sviðsetningu Íslenska dansflokksins og Borgarleikhússins

Útvarpsverk ársins

Eftir ljós
eftir Sölku Guðmundsdóttur
Leikstjórn Gréta Kristín Ómarsdóttir
Í sviðsetningu Útvarpsleikhússins – RÚV

Lifun
eftir Jón Atla Jónasson
Leikstjórn Stefán Hallur Stefánsson
Í sviðsetningu Útvarpsleikhússins – RÚV

Mannasiðir
eftir Maríu Reyndal
Leikstjórn María Reyndal
Í sviðsetningu Útvarpsleikhússins – RÚV

Sýning ársins

Brot úr hjónabandi
eftir Ingmar Bergman í þýðingu Þórdísar Gísladóttur
Sviðsetning – Borgarleikhúsið

Elly
eftir Ólaf Egil Egilsson og Gísla Örn Garðarsson
í sviðsetningu Borgarleikhússins og Vesturports

Évgení Onegin
eftir Pjotr Tchaikovsky
í leikgerð Anthony Pilavachi
hljómsveitarstjóri Benjamin Levy
Sviðsetning – Íslenska óperan

Fórn – No Tomorrow
eftir Margréti Bjarnadóttur og Ragnar Kjartansson í sviðsetningu Íslenska dansflokksins og Borgarleikhússins

Sóley Rós ræstitæknir
eftir Maríu Reyndal og Sólveigu Guðmundsdóttur í sviðsetningu Kvenfélagsins Garps

Sproti ársins
Dúó Díó
Fyrir Þær spila blak Hallelúja

Gréta Kristín Ómarsdóttir

Menningarfélagið G&G

Fyrir A guide to the perfect human

Ratatam

Sómi þjóðar

Mávurinn til Kína

maí 23, 2017 // by test // Uncategorized // Engar athugasemdir

Mánudagsmorguninn 22. maí lagði hópur frá Borgarleikhúsinu af stað í tíu daga ferð til Macao í Kína. Þar mun hópurinn sýna leikritið Mávinn eftir Anton Tsjékhov í þýðingu Ingibjargar Haraldsdóttur, sem var settur upp í húsinu leikárið 2015-16 í leikstjórn Yana Ross, á leiklistarhátíðinni Macao Cultural Arts Festival (MAF). Þau munu sýna verkið tvisvar á hátíðinni, laugardaginn 27. maí og sunnudaginn 28. maí.

Þetta er í þriðja skiptið sem hópurinn fer erlendis til að sýna þetta verk, en í þetta skiptið var hópnum boðið út af forsvarsmönnum leiklistarhátíðinnar í Macao. Áður hafði hópurinn farið til Póllands á Kontakt-hátíðina í Torun og til Tampere í Finnlandi. Verkið verður sýnt á íslensku en þýtt fyrir leikhúsgesti jafn óðum.

Leikarar í verkinu eru þau Björn Stefánsson, Hilmir Snær Guðnason, Katla Margrét Þorgeirsdóttir, Jóhann Sigurðsson, Þuríður Blær Jóhannsdóttir, Þórunn Arna Kristjánsdóttir, Hilmar Guðjónsson, Hjörtur Jóhann Jónsson, Halldóra Geirharðsdóttir, Waraporn Chanse og Guðrún Snærfríður Gísladóttir. Leikstjóri er Yana Ross, leikmyndarhönnuður er Zane Pihlström, búningahönnuður er Filippía Elísdóttir, ljósahönnuður er Björn Bergsteinn Guðmundsson, tónlist Gísli Galdur Þorgeirsson, hljóðmynd Baldvin Þór Magnússon, myndbandhönnun Algirdas Gradauskas, hár og förðun Árdís Bjarnþórsdóttir, og aðstoðarleikstjóri er Hlynur Páll Pálsson.

Þess má geta að hópurinn verður með daglegar færslur og myndir frá ferðinni á Facebook-síðu Borgarleikhússins og þá mun hópurinn einnig vera virk á SnapChat aðgangi Borgarleikhússins, @borgarleikhusid.

Síður:«1...57 58 596061 62 63...102 »

Leikhúsleikurinn í boði Kol restaurant