Gríman 2025

Hin Íslensku sviðslistaverðlaun voru afhent við hátíðlega athöfn í Borgarleikhúsinu og var öll umgjörð hin glæsilegasta að vanda.

Heiðursverðlaun Sviðslistafélags Íslands 2025 fyrir framúrskarandi og ómetanlegt framlag til íslenskrar leiklistar fóru til Kjartans Ragnarssonar.

Flestar Grímuverðlaun í ár féllu á sýningarnar Ungfrú Ísland í sviðsetningu Borgarleikhússins og danssýninguna Hringir Orfeusar, ásamt öðru slúðri í sviðsetningu Íslenska dansflokksins. Báðar sýningar hlutu þrjú verðlaun hvor, þegar Íslensku sviðslistaverðlaunin, Gríman, voru afhent í 23. sinn við hátíðlega athöfn í Borgarleikhúsinu í kvöld.

Alls voru tíu sýningar verðlaunaðar. Næstflestar voru sýningarnar Köttur á heitu blikkþaki og Sýslumaður dauðans, sem báðar fengu tvö verðlaun hvor, einnig í sviðsetningu Borgarleikhússins.

Hringir Orfeusar og annað slúður var valin sýning ársins, og Erna Ómarsdóttir hlaut verðlaun sem danshöfundur ársins fyrir sama verk. Pálmi Jónsson var verðlaunaður fyrir lýsingu ársins.

Birna Péturdóttir vann verðlaun fyrir besta leik í aðalhlutverki í Ungfrú Ísland, og Cameron Corbett hlaut verðlaun fyrir dans- og sviðshreyfingar ársins. Þá fékk Filíppía I. Elísdóttir verðlaun fyrir bestu búninga ársins.

Leikskáld ársins er Birnir Jón Sigurðsson fyrir verk sitt Sýslumaður dauðans, sem Borgarleikhúsið setti upp. Leikstjóri ársins er Þorleifur Örn Arnársson fyrir Kött á heitu blikkþaki, sem einnig var sett upp af Borgarleikhúsinu.

Þessi hlutu Grímuna í ár.

• Hvatn­ing­ar­verðlaun val­nefnd­ar 2025 Aft­urá­móti – sviðslista­hús 
• Sýn­ing árs­ins Hring­ir Orfeus­ar og annað slúður 
• Barna­sýn­ing árs­ins Blóm­in á þak­inu 
• Leik­rit árs­ins Birn­ir Jón Sig­urðsson – Sýslumaður dauðans 
• Leik­stjóri árs­ins Þor­leif­ur Örn Arn­ars­son – Kött­ur á heitu blikkþaki
• Dans­höf­und­ur árs­ins Erna Ómars­dótt­ir – Hring­ir Orfeus­ar og annað slúður 
• Leik­mynd árs­ins Axel Hall­kell Jó­hann­es­son – Fjalla­bak 
• Bún­ing­ar árs­ins Fil­ipp­ía I. Elís­dótt­ir – Ung­frú Ísland 
• Tónlist og hljóðmynd árs­ins Friðrik Mar­grét­ar-Guðmunds­son – Brím  
• Lýs­ing árs­ins Pálmi Jóns­son – Hring­ir Orfeus­ar og annað slúður 
• Dans- og sviðshreyf­ing­ar árs­ins Ca­meron Cor­bett – Ung­frú Ísland  
• Leik­kona árs­ins í aðal­hlut­verki Birna Pét­urs­dótt­ir – Ung­frú Ísland  
• Leik­kona árs­ins í auka­hlut­verki Katla Mar­grét Þor­geirs­dótt­ir – Kött­ur á heitu blikkþaki 
• Leik­ari árs­ins í aðal­hlut­verki Sig­urður Sig­ur­jóns­son – Heim 
• Leik­ari árs­ins í auka­hlut­verki Há­kon Jó­hann­es­son – Sýslumaður dauðans   
• Söngv­ari árs­ins Bryn­dís Guðjóns­dótt­ir – Brúðkaup Fígarós 
• Dans­ari árs­ins Aëla Labbé, Erna Gunn­ars­dótt­ir og Orfee Schuijt – Flökt 
• Heiður­sverðlaun 2025 Kjart­an Ragn­ars­son