nóvember | 2019 | Leikhus.is

    Leikhúsleikurinn í boði Kol restaurant

    Nafn:

    Netfang:

    Fæðingarár:

    Símanúmer:

    Kyn:

    KarlKona

     
    Á hvaða tíma er leikhústilboð Kol? - Smellið hér til að finna svarið.

    Svar:

     
    Vinningurinn í leikhúsleiknum er:

    Gjafabréf í leikhús fyrir tvo og 20.000 kr. gjafabréf á Kol restaurant

    Drögum einn heppinn þann 22. apríl 2015. Þeir sem taka þátt í leikhúsleiknum eru sjálfkrafa skráðir sem vildarvinir leikhús.is og fá send fréttabréf með fréttum úr leikhúslífinu og ýmis tilboð.

     


    Archive from nóvember, 2019

    Back to the future í Versló

    nóv 12, 2019   //   by gunnarandri   //   Uncategorized  //  Engar athugasemdir

    Listafélag Versló sýnir um þessar mundir leiksýningu byggða á hinum vinsæla þríleik Back To The Future eða Aftur til Framtíðar.

    Sýningin fjallar um Marty Mcfly sem lifir frekar eðlilegu lífi fyrir utam það að eiga brjálaðan vísindamann að besta vin, Dr. Emmet Brown. Samband þeirra er mjög fyndið og er það einmitt ein af mörgum uppfinningum Dr. Browns sem sendir Marty óvart 30 ár aftur í tímann. Þar þarf hann að finna leið til að komast aftur til baka ásamt því að vinna hörðum höndum að því að laga stóra flækju sem hann bjó til í lífi ungra foreldra sinna til að lífið í framtíðinni verði eins og það eigi á að vera. Margt skrítið og fyndið verður á vegi Marty er við fylgjum honum í gegnum þetta skemmtilega ævintýri.

    Leikhópurinn samanstendur af:
    Bjarna Kristbjörnssyni – George Mcfly
    Elísabeth Clousen – Lauren Baines
    Gunnar Hrafn Kristjánsson – Marty Mcfly 
    Guðríður Jóhanssdóttir – Jennifer Parker
    Halldóra Elín Einarsdóttir – Vikky 
    Pétur Steinn Atlason – Husky 
    Ilmur María Arnarsdóttir – Strickland
    Killian G. E. Briansson – Biff
    Snorri Beck Magnússon – Dr. Brown 
    Leikstjóri Júlíana Sara Gunnarsdóttir.

    Sýningin er sýnd í hátíðarsal skólans.

    Hlíðaskóli sigurvegari Skrekks 2019

    nóv 12, 2019   //   by gunnarandri   //   Uncategorized  //  Engar athugasemdir

    Hlíðaskóli stóð uppi sem sigurvegari á úrslitakvöldi Skrekks sem fram fór í Borgarleikhúsinu í kvöld. Skrekkur er hæfileikakeppni skóla- og frístundasviðs og voru úrslitin sýnd í beinni útsendingu á RÚV. Atriði Hlíðaskóla bar titilinn Þið eruð ekki ein.

    Átta grunnskólar tóku þátt í úrslitunum að þessu sinni; Árbæjarskóli, Breiðholtsskóli, Hagaskóli, Háteigsskóli, Hlíðaskóli, Laugalækjarskóli, Réttarholtsskóli og Seljaskóli.

    Árbæjarskóli hafnaði í öðru sæti og Hagaskóli í því þriðja.
    Atriðin voru hvert öðru glæsilegri og ljóst að framtíðin í lista- og menningarlífi okkar er björt.
    Leikhus.is óskar Hlíðaskóla innilega til hamingju með sigurinn og öllum þátttakendum fyrir frábæra skemmtun og hlökkum til keppninnar að ári.

    Dómnefndina skipuðu: Elísabet Indra Ragnarsdóttir, fulltrúi Hörpu tónlistarhúss, Halla Björg Randversdóttir, fulltrúi Borgarleikhúss, Gréta Kristín Ómarsdóttir, fulltrúi Þjóðleikhúss, Lóa Kolbrá Friðriksdóttir, fulltrúi Íslenska dansflokksins og Sigfríður Björnsdóttir deildarstjóri listfræðslu sjá Skóla og frístundasviðs.

    Lína Langsokkur í Eyjum

    nóv 11, 2019   //   by gunnarandri   //   Uncategorized  //  Engar athugasemdir

    Leikfélag Vestmannaeyja frumsýndi Línu Langsokk föstudaginn 18. október.

    Ísey Heiðarsdóttir leikur óþekktarorminn hana Línu Langsokk. Hún segir að Lína sé draumahlutverkið hennar enda nokkuð lík Línu með rautt hár og stríðnispúkaglott. Ísey er með góðan fimleikagrunn sem kemur sér vel í þessu hlutverki þar sem hún skoppar og hoppar um sviðið í heljarstökkum og handahlaupum. Leikstjóri er Ólafur Jens Sigurðsson.

    Lokasýningar eru framundan
    10.sýning 16.nóvember kl. 15:00
    11.sýning 17.nóvember kl. 15:00

    MIÐASALA í síma 852-1940!
    Miðaverð 3.500 kr.

    Skoppa og Skrítla – Brot af því besta

    nóv 8, 2019   //   by gunnarandri   //   Uncategorized  //  Engar athugasemdir

    Skoppa og Skrítla snúa loksins aftur á leiksviðið!

    Í ár fagna þær vinkonur fimmtán ára starfsafmæli og af því tilefni blása þær til stórrar leikhúsveislu með öllu tilheyrandi. Á Eldborgarsviði Hörpu munu ævintýri sl. 15 ára lifna við og leikhústöfrarnir færa yngstu áhorfendurna um framandi lönd í dansi og söng.

    Næstu sýningar:
    03. nóv 2019 – kl. 11, 13 og 15
    09. nóv 2019 – kl. 11, 13 og 15
    28. des 20190 – kl. 11, 13 og 15

    Skoppa og Skrítla verða að sjálfsögðu í fylgd bestu vina sinna, þeirra Lúsíar, Bakara Svakara, Zúmma, Loppa, rassálfa og allra hinna en stór hópur ungra og hæfileikaríkra barna mun bregða sér í hin ýmsu hlutverk og láta ljós sitt skína.

    Sannkölluð gleðihátíð fyrir alla fjölskylduna.

    Með helstu hlutverk fara: Linda Ásgeirsdóttir, Hrefna Hallgrímsdóttir, Viktor Már Bjarnason, Vigdís Gunnarsdóttir

    Tónlist: Hallur Ingólfsson
    Búningar: Gunnhildur Stefánsdóttir
    Leikmynd: Ísold Ingvarsdóttir
    Lýsing: Magnús Helgi Kristjánsson
    Leikstjóri: Þórhallur Sigurðsson

    Miðaverð kr 3.900 Sýningin er ætluð börnum frá 1 árs aldri og því er greitt fyrir öll börn eldri en 1 árs.

    Litla Hryllingsbúðin í Bíóhöllinni á Akranesi

    nóv 4, 2019   //   by gunnarandri   //   Uncategorized  //  Engar athugasemdir

    Litla Hryllingsbúðin verður frumsýnt í Bíóhöllinni á Akranesi Föstudaginn – 8. nóvember. Stórglæsileg sýning í vændum, þar sem hæfileika og reynlsufólk er í öllum hornum.  

    Skagaleikflokkurinn frumsýnir hinn sívinsæla söngleik Litlu Hryllingsbúðina eftir Howard Ashman og Alan Menken þann 8. nóvember. Allt síðan söngleikurinn var fyrst settur á svið árið 1982 hefur hann farið sigurför um heiminn og verið settur upp í fjölmörgum löndum ár hvert. Sagan segir frá ungum blómasala sem dag einn finnur undarlega plöntu sem á eftir að hafa stórkostleg áhrif á líf hans og allra sem hann þekkir. 

    Litla Hryllingsbúðin er grátbroslegur söngleikur sem svíkur engan.

    Leikstjóri: Valgeir Skagfjörð.
    Tónlistarstjóri: Birgir Þórisson.

    Howard Ashman er höfundur samnefndrar bókar og texta en tónlistin er eftir Alan Menken. Þýðandi óbundins máls er Gísli Rúnar en bundins máls er Magnús Þór Jónsson (Megas).

    Magnús Geir Þórðarson nýr Þjóðleikhússtjóri

    nóv 1, 2019   //   by gunnarandri   //   Uncategorized  //  Engar athugasemdir

    Mennta og menningamálaráðuneytið hefur staðfest að Magnús Geir Þórðarsson verði ráðin nýr Þjóðleikhússtjóri frá og með næstu áramótum.
    Ráðuneytið sendi frá sér eftirfarandi tilkynningu.

    Lilja Alfreðsdóttir mennta- og menningarmálaráðherra hefur ákveðið að skipa Magnús Geir Þórðarson í embætti þjóðleikhússtjóra. Skipanin gildir í fimm ár, frá og með 1. janúar 2020.

    Magnús Geir stundaði leikstjórnarnám við Bristol Old Vic Theater School (1994) og lauk M.A. gráðu í leikhúsfræðum frá University of Wales (2003). Magnús Geir hefur jafnframt lokið MBA-gráðu frá Háskólanum í Reykjavík (2005). Hann hefur langa og víðtæka stjórnunarreynslu og áratuga reynslu af leikhússtörfum. Áður en hann tók við starfi útvarpsstjóra RÚV fyrir tæpum sex árum var hann leikhússtjóri Borgarleikhússins og þar áður var hann leikhússtjóri Leikfélags Akureyrar. Jafnframt hefur Magnús Geir mikla leikstjórnarreynslu.

    Sjö umsóknir bárust um embætti þjóðleikhússtjóra. Þjóðleikhúsráð veitti umsögn, í samræmi við ákvæði leiklistarlaga, og skipaði ráðherra í kjölfarið hæfnisnefnd til að meta hæfi umsækjenda nánar. Nefndin framkvæmdi mat á umsækjendum á grundvelli umsóknargagna og viðtala og skilaði niðurstöðu til ráðherra þar sem fjórir umsækjendur voru metnir hæfastir. Ráðherra boðaði þá í viðtal í kjölfarið þar sem áhersla var lögð á stjórnunar- og leiðtogahæfileika til viðbótar og stuðnings við það mat sem þegar hafði farið fram.

    1001 Skór sýnt í FG

    nóv 1, 2019   //   by gunnarandri   //   Uncategorized  //  Engar athugasemdir

    1001 skór er stórskemmtilegur og ljúfur barnasöngleikur sem leikfélagið Verðandi setur upp. Þetta er glænýr söngleikur unninn af núverandi og fyrrverandi nemendum af listadeild Fjölbrautaskólans í Garðabæ.  

    Leikverkið fjallar um íbúa Skjófjarðar, en öllum skónum í bænum hefur verið stolið. Stúlkan Hanna leggur af stað í ferðalag til að finna sökudólginn. Á leið sinni kynnist hún nýju fólki, táknmálströllum, vatnadísum og öðrum kynjaverum, sumar vinveittari en aðrar. Boðskapur leikritsins fjallar fyrst og fremst um að slæmt sé að stela og að ekki skal dæma bókina eftir kápunni.  

    Þetta er langstærsta barnaleikrit sem leikfélagið hefur nokkurn tímann sett upp, með stærstu sviðsmyndina, vel unnin lög, flotta dansa, óaðfinnanlega leikstjórn og stórbrotna leikinn. En Verðandi hefur sett upp frumsamin barnaleikrit síðan 2015. Allir peningar renna til sýningarinnar Reimt sem er söngleikur eftir Karl Ágúst Úlfsson og Þorvald Bjarna Þorvaldsson, sem settur verður upp í Fjölbrautarskólanum í Garðabæ næsta vor.

    Listrænir stjórnendur:
    Handritshöfundur: Sif Guðmundsdóttir
    Tónlistar og söngtexta höfundur: Eygló Strand Jóhannesdóttir
    Leikstjóri: Agnes Emma Sigurðardóttir
    Aðstoðar leikstjóri: Andri Páll Guðmundsson
    Danshöfundur: Soffía Ásbjörg Grétarsdóttir
    Ljós: Sveinn Elliði Björnsson
    Tónlistar og söngtexta höfundur: Eygló Strand Jóhannesdóttir
    Leikstjóri: Agnes Emma Sigurðardóttir
    Aðstoðar leikstjóri: Andri Páll Guðmundsson
    Danshöfundur: Soffía Ásbjörg Grétarsdóttir
    Ljós: Sveinn Elliði Björnsson

    Leikarar:
    Sigrún Ósk Karlsdóttir – Hanna
    Helga Salvör Jónsdóttir – Stefán
    Ugla Helgadóttir – Nikulás Betri
    Sigríður Rut Ragnarsdóttir Ísfeld – Vatnadísin Anahita
    Halldór Ívar Stefánsson – Veigar Völundarson
    Natalía Erla Arnórsdóttir – Gústaf
    Eva Berglind Traustadóttir – Lena
    Eva Bryndís Ágústsdóttir – Dísa Lísa
    Hrefna Hlynsdóttir – Pálína

    Síður:«12
    loading

    Takk fyrir að skrá þig!