febrúar | 2016 | Leikhus.is

    Leikhúsleikurinn í boði Kol restaurant

    Nafn:

    Netfang:

    Fæðingarár:

    Símanúmer:

    Kyn:

    KarlKona

     
    Á hvaða tíma er leikhústilboð Kol? - Smellið hér til að finna svarið.

    Svar:

     
    Vinningurinn í leikhúsleiknum er:

    Gjafabréf í leikhús fyrir tvo og 20.000 kr. gjafabréf á Kol restaurant

    Drögum einn heppinn þann 22. apríl 2015. Þeir sem taka þátt í leikhúsleiknum eru sjálfkrafa skráðir sem vildarvinir leikhús.is og fá send fréttabréf með fréttum úr leikhúslífinu og ýmis tilboð.

     


    Archive from febrúar, 2016

    Leiktækninámskeið

    feb 17, 2016   //   by test   //   Uncategorized  //  Engar athugasemdir

    leiktækninamskeið stór

    Nýtt námskeið í skapandi leiktækni 7. mars – 18 apríl n.k. Kennt er á mánudagskvöldum frá kl. 19.30 – 23.00. 6 skipti. Frí 28 mars (annan í páskum).

    Michael Chekhov tækni – Senuvinna – Kvikmyndaleikur – Virk hugleiðsla – Líkamslestur – Heimaverkefni. 18 ára aldurstakmark. Verð kr. 45.000. Öll nauðsynleg námsgögn innifalin.

    Á námskeiðinu er unnið með æfingar sem miða að því að tengja líkama og sál og virkja ímyndunaraflið. Við útdeilum tveggja manna senum á alla nemendur strax í öðrum tíma og skipum í hlutverk. Við kennum aðferð til að greina textann og fá hann til að verða hluta af líkamanum/sálarlífi persónunnar. Senan er síðan æfð og fá nemendur leikstjórn í tímum. Við förum jafnframt nokkuð ítarlega í aðferðafræði Mikael Chekhov hvað varðar upphitun, persónusköpun, samvinnu o.fl. Við setjum einnig fyrir heimaverkefni sem meðal annars felast í að hlusta á fyrirlestra og stúdera fólk.

    Einkatímar: 2 tímar í senn í sex vikur eða eftir nánara samkomulagi. 80.000 per einstakling. 2 einstaklingar saman 110.000kr.

    Magnús og Þorsteinn voru samferða í gegnum Leiklistarskóla Íslands og útskrifuðust þaðan vorið 1991. Báðir með áratuga reynslu af leikhúsi, kvikmyndum og sjónvarpi.

    Um Magnús:
    Magnús hefur leikið jöfnum höndum síðan hann útskrifaðist árið 1991. Hann var meðlimur Gus Gus frá 1994 til 1999. Gaf út einherjadisk árið 2000 og stefnir á hljómplötu sumar 2014. Hann hefur talsett bíómyndir, auglýsingar, haldið málverkasýningar og tónleika svo nokkuð sé nefnt. Meðal helstu leikhlutverka eru Siðameistarann í Kabarett í Óperunni. Logi Traustason í sjónvarpsþáttunum Réttur 1, 2 og 3 og Frank N. Furter í Rocky Horror.

    Um Þorstein:
    Þorsteinn hefur leikið vel á þriðja tug hlutverka í leikhúsi og hátt í 20 hlutverk fyrir sjónvarp og kvikmyndir. Hann hefur einnig fengist töluvert við leikstjórn og var leikhússtjóri Leikfélags Akureyrar um skeið. Þorsteinn hefur haldið fjölda námskeiða í leiklist og kennt bæði við Leiklistarskóla Íslands og Kvikmyndaskólann. Meðal helstu hlutverka Þorsteins eru Steinn Elliði í Vefaranum mikla frá Kasmír, Gestur, fréttastjóri í Pressu og hlutverk Ara í kvikmyndinni Eldfjall.

    Improv Ísland í Þjóðleikhúskjallaranum

    feb 17, 2016   //   by test   //   Uncategorized  //  Engar athugasemdir

    improvisland stór

    Improv Ísland byrjar með vikulegar grínsýningar í Þjóðleikhúskjallaranum á miðvikudögum.

    Hver sýning er spunnin á staðnum út frá einu orði úr sal og ekkert er ákveðið fyrirfram. Nýtt leiklistarform í senunni hér á landi.

    Improv Íslands er nýr leikhópur sem sérhæfir sig í langspuna. Hver sýning er spunninn á staðnum út frá einu orði áhorfenda. Ekkert er ákveðið fyrirfram, ekkert handrit er að sýningunum og er því hver sýning frumsýning og lokasýning. Improv Ísland getur lofað áhorfendum því að sama hversu oft þeir koma, þeir munu aldrei sjá sömu sýninguna. Miðinn kostar líka einungis 1500 kr. svo líklega er um að ræða ódýrustu leikhússýningu landsins.

    Langspuni er mjög vinsæll víða um heim þá sérstaklega í Bandaríkjunum. Margir af frægustu gamanleikurum Bandaríkjanna koma úr spunasenunni og má sem dæmi nefna Tinu Fey, Will Ferrell, Steve Carrell, Amy Poehler og Aziz Ansari.
    Improv Ísland er rétt rúmlega eins árs gamalt en tók þátt í Del Close spunamaraþoninu í New York í júní sl. Þar sýna allir helstu spunahópar heims spunasýningar viðstöðulaust í þrjá sólahringa. Síðustu tvær Menningarnætur hefur hópurinn staðið fyrir spunamaraþoni í Þjóðleikhúskjallaranum. Í bæði skiptin komust mun færri að en vildu. Improv Ísland hefur einnig flutt inn nokkra af stærstu kennurum og leikurum spunasenunnar í Bandaríkjunum. Á frumsýningunni 3. febrúar munu Suzi Barrett og Rebecca Drysdale sýna með hópnum en þær munu einnig halda námskeið fyrir lengra koman í kringum heimsókn sína. Báðar sýna þær í UCB leikhúsinu í New York en Rebecca Drysdale er einnig handritshöfundur í gamanþáttunum Key and Peele.

    Dóra Jóhannsdóttir leikkona er stofnandi langspunasenunar hérlendis. Hún hefur lært langspuna í hinu þekkta UCB leikhúsi síðastliðin 3 ár og komið reglulega til Íslands til að kenna námskeið. Síðan þá hafa um 300 manns sótt námskeið á vegum Improv Íslands undir leiðsögn Dóru. Leikhópur Improv Ísland samanstendur svo af 20 spunaleikurum úr öllum áttum og sýnir hópurinn nokkur mismunandi form spunans, m.a. söngleikjaspuna þar sem heill söngleikur er spunninn á staðnum með píanóleikaranum Karli Olgeirssyni.

    Sýningar verða alla miðvikudaga í Þjóðleikhúskjallaranum og hefjast kl. 19:30 Miðasala fer fram á midi.isleikhusid.is og í síma 551 1200.

    Gripahúsið – Nýtt íslenskt verk

    feb 15, 2016   //   by test   //   Uncategorized  //  Engar athugasemdir

    gripahúsið stór

    GRIPAHÚSIÐ

    – Þetta reddast –

    Védís Sigurðardóttir og uppkomin börn hennar hírast í fátækt á leigubýli lengst uppi á heiði, með flatskjá og ferðabæklinga sér til huggunar. Eftir langan vetur er væntingavísitalan veik, en þegar völvan í símanum boðar betri tíð birtast teikn á lofti um kósístundir og creme brulée á nýrri kennitölu.

    Er hið langþráða vor Védísar loksins komið, með kokteilum á hvítum sandströndum, eða er lóan í ruglinu?

    Gripahúsið er glænýtt íslenskt leikrit eftir Bjartmar Þórðarson. Verkið er svört kómedía og fjallar um þá hringrás staurblindrar bjartsýni og hruns sem við sjáum birtast í þjóðfélaginu trekk í trekk.

    Fjölskyldan í verkinu, eins og þjóðin sem hún tilheyrir, á í stormasömu sambandi við raunveruleikann og hefur meðal annars keyrt sig í þrot við rekstur sólbaðsstofu og minkabús. Þrátt fyrir það eru draumarnir enn mikilfenglegir og stutt í skýjaborgir byggðar á sandi.

    Þegar fortíðin bankar upp á í líki kaldhæðnu dótturinnar Urðar sem á harma að hefna eru átök óumflýjanleg.

    Leikarar eru Bryndís Petra Bragadóttir, Albert Halldórsson, Sigríður Björk Baldursdóttir og Sveinn Óskar Ásbjörnsson.

    Leikstjóri og höfundur er Bjartmar Þórðarson.

    SÝNINGARTÍMAR:
    26. febrúar, 20:30
    28. febrúar, 20:30
    6. mars, 20:30
    11. mars, 20:30
    13. mars, 20:30

    Síðasta sýning á Billy Elliot

    feb 15, 2016   //   by test   //   Uncategorized  //  Engar athugasemdir

    billySíðasta sýning á Billy Elliot var í gærkvöldi. Sýningum lýkur eftir næstum því tveggja ára ferli!

    Verkið segir fá Billy sem er á leiðinni í boxtíma þegar hann lendir fyrir slysni á dansæfingu. Hann byrjar að hreyfa sig í takt við tónlistina og uppgötvar sér til furðu að þetta er ekki einungis það skemmtilegasta sem hann hefur gert heldur er hann einfaldlega fæddur til að dansa.

    Billy á sér draum sem samræmist ekki hugmyndum fullorðna fólksins, hann dreymir um að verða dansari á heimsmælikvarða og er tilbúinn að leggja allt í sölurnar. Billy Elliot er þroskasaga unga fólksins og hinna fullorðnu – mögnuð og falleg saga um baráttu drengs við fordóma samfélagsins og fjölskyldunnar um að fá að vera sá sem hann er. Þetta er kraftmikið verk um alvöru fólk með skotheldri og grípandi tónlist eftir Elton John, stórfenglegum hópdansatriðum og ótrúlega hæfileikaríkum dreng í aðalhlutverki sem á eftir að fá áhorfendur til að gapa af undrun.

    Söngleikurinn um Billy Elliot var frumsýndur á West End í London árið 2005 og hefur vakið gríðarlega athygli um víða veröld. Sýningin hlaut mikið lof og fjölda verðlauna og er nú loksins komin í Borgarleikhúsið undir stjórn sama hóps og færði okkur Mary Poppins. Hér blandast saman blússandi húmor og stórkostleg dans- og söngatriði svo úr verður sannkölluð flugeldasýning með einvala liði leikara og auðvitað íslenskum Billy.

    Dýrin í Hálsaskógi

    feb 12, 2016   //   by test   //   Uncategorized  //  Engar athugasemdir

    dýriníhálsaskógi stór

    Leikfélag Hveragerðis æfir nú af kappi leikritið Dýrin í Hálsaskógi í leikstjórn Maríu Pálsdóttur.  Frumsýnt verður 20.  febrúar.

    Leikarar eru rúmlega 20 sem eru á ýmsum aldri,  reyndir í bland við aðra sem eru að stíga sín fyrstu skref á sviðinu.

    Mikka ref og Lilla klifurmús leika nú í þriðja sinn þeir Hjörtur Benediktsson og Steindór Gestsson sem sjást þarna í fullum skrúða á myndinni.  Tuttugu og sex ár eru síðan þeir léku þessi hlutverk fyrst.

    Guðmundur Eiríksson annast píanóleik. Aðrir sem að þessari vinnu koma eins og sviðsmynd, búningasaum, andlitsmálun og fleira eru hátt í 20 manns.

    Þegar nær dregur verður hægt að fylgjast með gangi mála, bæði með myndum og í texta á facbókarsíðu Leikfélags Hveragerðis. Sýningardagar verða einnig auglýstir þar.

    Óður og Flexa

    feb 10, 2016   //   by test   //   Uncategorized  //  Engar athugasemdir

    óðurogflexa stór

    Íslenski dansflokkurinn frumsýnir á Nýja sviði Borgarleikhússins nýja íslenska barnaverkið Óður og Flexa halda afmæli eftir Hannes Þór Egilsson og Þyri Huld Árnadóttur í leikstjórn Péturs Ármannssonar.

    Óður og Flexa eru engir venjulegir krakkar. Þau eru ofurhetjur sem nota ímyndunaraflið til þess að fljúga. Nú ætla þau að halda ofur skemmtilegt afmæli en getur verið að þau séu búin að tapa ímyndunaraflinu?

    Allt í einu birtist þeim óvæntur afmælispakki sem er ekki allur þar sem hann er séður. Áður en þau vita af eru þau komin í ævintýralegt ferðalag með prumpuskrímslum, ósýnilegum geimverum og fljúgandi marglyttum. Þetta litríka ferðalag minnir þau á að ef við notum ímyndunaraflið þarf manni aldrei að leiðast.

    Óður og Flexa halda afmæli er bráðskemmtileg barnasýning fyrir börn á öllum aldri þar sem áhorfendur upplifa samspil tónlistar og dans á spennandi máta. Frumsýnt er laugardaginn 30. Janúar og eru sýningar alla laugardaga og sunnudaga kl 13:00 út febrúar.

    Næstu sýningar eru:
    13. febrúar
    14. febrúar
    20. febrúar (uppselt)
    21. febrúar (örfá sæti laus)
    27. febrúar
    28. febrúar.

    Allar sýningar hefjast kl. 13:00.

     

    Frami – Lokasýning

    feb 10, 2016   //   by test   //   Uncategorized  //  Engar athugasemdir

    frami stórÍ kvöld er síðasti séns að sjá nýtt sviðsverk eftir Björn Leó Brynjarsson sem fjallar um þrá listamanns eftir velgengni í nútímanum og baráttu hans við eigin fantasíur og þráhyggjur.

    „Enginn meinar neitt af því enginn þorir því og ef einhver vildi meina eitthvað þá myndi enginn skilja það því allir héldu að hann væri að grínast.“

    Sýnt í Tjarnarsbíói
    Laugardaginn 20. september, kl. 20:30
    Fimmtudaginn 8. október, kl. 20:30
    Sunnudaginn 18. október, kl. 20:30

    Handrit og leikstjórn: Björn Leó Brynjarsson
    Leikur: Kolbeinn Arnbjörsson
    Dramatúrg: Pétur Ármannsson
    Vídeó og grafík: Daníel Þorsteinsson og Atli Bollason
    Markaðsmál: Katla Rut Pétursdóttir og Jenný Lára Arnórsdóttir

    TAKATAKA er samstarfshópur listamanna sem leitast eftir því að veita áhorfendum heildræna upplifun þar sem lei
    kur með texta og frásögn blandast tilraunum með klassískan leik, nærveru líkamans og hreyfingu.

    Ein sýning eftir af Línu Langsokk

    feb 8, 2016   //   by test   //   Uncategorized  //  Engar athugasemdir

    linalangsokkur stór

    Það er aðeins ein sýning eftir af Línu Langsokk í Borgarleikhúsinu. Lokasýning er 14. febrúar næstkomandi.

    Lína langsokkur, Herra Níels api og hesturinn eru aftur mætt til leiks ásamt vinum sínum Tomma og Önnu. Leiðindaskarfurinn frú Prússólín er staðráðin í að koma Línu fyrir á vandræðaheimili þannig að Lína þarf að hafa sig alla við vilji hún búa áfram á Sjónarhóli. Lína langsokkur er hjartahlýr og réttsýnn prakkari sem allar kynslóðir barna verða að kynnast. Ágústa Eva fer á kostum sem Lína í þessu bráðfyndna og skemmtilega leikriti sem sýnir okkur að við eigum alltaf að vera við sjálf og ekkert annað.

    Astrid Lindgren höfundur Línu langsokks er einn ástsælasti barnabókahöfundur allra tíma. Hún fæddist 14. nóvember 1907 í Smálöndum í Svíþjóð og lést í Stokkhólmi 28. janúar 2002, 94 ára að aldri. Hún skrifaði samtals 40 barnabækur og fjölda myndabóka.

    Úr gagnrýni

    „Uppfærsla Borgarleikhússins á ævintýrum Línu langsokks er allt í senn lífleg, fjörug og mikilvæg. Það er löngu tímabært að ný kynslóð fái að kynnast þessari einkennilegu ofurkonu betur.”  VG – DV

     

    Sýningum lýkur í febrúar

    feb 8, 2016   //   by test   //   Uncategorized  //  Engar athugasemdir

    hvererhræddurviðvirginuwoolf stór

    Hver er hræddur við Virginíu Woolf? í leikstjórn Egils Heiðars Antons Pálssonar sem sýnd er á Nýja sviði Borgarleikhússins lýkur í febrúar. Leikarar eru þau Margrét Vilhjálmsdóttir, Hilmir Snær Guðnason, Elma Stefanía Ágústsdóttir og Eysteinn Sigurðarson.

    Marta og Georg elska hvort annað. Þau vita allt um sig og lífið en samt – eða einmitt þess vegna- eru þau ekki hamingjusöm. Hann er sögukennari við lítinn háskóla, hún heimavinnandi. Að lokinni rektorsveislu í háskólanum býður Marta nýja unga líffræðikennaranum og konu hans heim í eftirpartý án vitneskju eiginmanns síns. Hann þekkir allt of vel gestaleiki konu sinnar. Hún veit allt um völd sín og áhrif og nýtur þess að leika sér að tilfinningum annarra. Miskunnarlaus stigmagnandi barátta hrekur fjórar glæsilegar persónur út á ystu nöf í þessu stórkostlega leikriti.

    Edward Albee er eitt fremsta leikskáld Ameríku. Leikritið “Hver er hræddur við Virginíu Woolf?” var frumsýnt í New York árið 1962 og kvikmyndað skömmu síðar með þeim Elizabeth Taylor og Richard Burton og hefur allar götur síðan talist til sígildra leikrita og leikið um allan heim. Leikritið og höfundurinn eru margverðlaunuð í bak og fyrir og hefur meðal annars hlotið Pulizer-verðlaunin í tvígang.

    Aðstandendur Höfundur: Edward Albee | Þýðing: Salka Guðmundsdóttir | leikstjóri: Egill Heiðar Anton Pálsson | Leikmynd: Gretar Reynisson | Búningar: Helga I. Stefánsdóttir | Lýsing: Þórður Orri Pétursson| Tónlist: Margrét Kristín Blöndal |Leikgervi: Margrét Benediktsdóttir | Hljóð: Ólafur Örn Thoroddsen |  Leikarar: Elma Stefanía Ágústsdóttir, Eysteinn Sigurðarson, Hilmir Snær Guðnason og Margrét Vilhjálmsdóttir.

    Eddan

    feb 7, 2016   //   by test   //   Uncategorized  //  Engar athugasemdir

    Eddan stórEDDA BJÖRGVINS

    ástælasta gamanleikkona þjóðarinnar 

    Ásamt Stellu, Bellu, Bibbu, Túrhillu og öllum hinum ógleymanlegu kerlingunum sem hún hefur skapað í kvikmyndum, áramótaskaupum, heilsubælum, útvarpsþáttum og á leiksviði.
    Gestaleikarar:
    týndi sonurinn: BJÖRGVIN FRANZ GÍSLASON, nýsnúinn heim frá Ameríku og stórsöngvarinn klassíski BERGÞÓR PÁLSSON. Sprenghlægileg gamanleiksýning í lifandi leik & söng, máli & myndum.

    Leikarar:
    EDDA BJÖRGVINS, BJÖRGVIN FRANZ GÍSLASON OG
    BERGÞÓR PÁLSSON
    Höfundar handrits:
    Edda Björgvins og
    Björk Jakobs
    Leikstjóri:
    Gunnar Helgason
    Hreyfingar og dans:
    Selma Björnsdóttir
    Tónlistarstjórn og útsetningar:
    Kristjana Stefánsdóttir

     

    Síður:«123»
    loading

    Takk fyrir að skrá þig!