2015 | Leikhus.is

    Leikhúsleikurinn í boði Kol restaurant

    Nafn:

    Netfang:

    Fæðingarár:

    Símanúmer:

    Kyn:

    KarlKona

     
    Á hvaða tíma er leikhústilboð Kol? - Smellið hér til að finna svarið.

    Svar:

     
    Vinningurinn í leikhúsleiknum er:

    Gjafabréf í leikhús fyrir tvo og 20.000 kr. gjafabréf á Kol restaurant

    Drögum einn heppinn þann 22. apríl 2015. Þeir sem taka þátt í leikhúsleiknum eru sjálfkrafa skráðir sem vildarvinir leikhús.is og fá send fréttabréf með fréttum úr leikhúslífinu og ýmis tilboð.

     


    Leitin að jólunum

    des 18, 2015   //   by test   //   Uncategorized  //  Engar athugasemdir

    leitinaðjólunum stór

    Leitin að jólunum eftir Þorvald Þorsteinsson og Árna Egilsson er sýnd í Þjóðleikhúsinu um þessar mundir.

    Grímuverðlaunasýningin Leitin að jólunum hefur verið sýnd á aðventunni við miklar vinsældir allt frá því hún var frumsýnd árið 2005. Verkið verður nú sýnt ellefta leikárið í röð og eru sýningar orðnar vel á þriðja hundraðið.

    Tveir skrýtnir og skemmtilegir náungar taka á móti litlum leikhúsgestum í anddyri Þjóðleikhússins. Með þeim í för eru tveir hljóðfæraleikarar og þessi fjörugi hópur leiðir börnin með leik og söng um leikhúsið. Börnin ferðast inn í ævintýraveröld jólanna og sjá leikþætti um jólin í gamla daga og á okkar tímum.

    Aldurshópur: 2ja – 99 ára.

    Gjafakort í Borgarleikhúsið

    des 18, 2015   //   by test   //   Uncategorized  //  Engar athugasemdir

    mammamia stór

    Gjafakort í Borgarleikhúsið er ávísun á einstaka kvöldstund sem aldrei gleymist.

    Kortið er í fallegum umbúðum, gildir á sýningu að eigin vali og rennur aldrei út.

    Einnig er hægt að panta ljúffengar snittur eða tapasrétti til að njóta í fyrir sýningu eða í hléi.

    Jólatilboð Borgarleikhússins:

    Mamma Mia 

    Miði fyrir tvo á ABBA- söngleikinn sem enginn má missa af 12.900 kr.

    Njála

    Miði fyrir tvo á Njálu og eitt eintak af Brennu-Njáls sögu. 12.200

    Ljúffengt leikhúskvöld 

    Gjafakort fyrir tvo og ljúffeng leikhúsmaltíð 12.500 kr.

    Ævintýrabókin

    des 18, 2015   //   by test   //   Uncategorized  //  Engar athugasemdir

    ævintýrabókinLeikfélag Vestmannaeyja setur nú upp verkið Ævintýrabókin eftir Pétur Eggerz í leikstjórn Ingridar Jónsdóttur.

    Í grófum dráttum er sýningin um Úlfinn í ævintýrinu um Rauðhettu og Úlfinn. Úlfurinn er orðinn leiður á því að lenda í því aftur og aftur að vera skorinn á magan og fylltur af steinum að hann flýr bara yfir í önnur ævintýri sem eru í Ævintýrabókinni. Veiðimaðurinn og Dóra sem er að lesa bókina fara á eftir honum og lenda í ýmsu hjá t.d. Mjallhvíti og dvergunum sjö, Öskubusku, Stígvélaða kettinum og Skógarhöggsmanninum.

    Næsta sýning:

    8.sýning 27.desember kl. 15:00 LOKASÝNING

    MIÐASALA í síma 852-1940.

    Ósóttar pantanir eru seldar klukkustund fyrir sýningu!

    Natan Jónsson – minningar frá Bordeaux

    des 16, 2015   //   by admin   //   Uncategorized  //  Engar athugasemdir

    VIÐTALIÐ: BAK VIÐ TJÖLDIN

    Hver ert þú og hvað ertu að gera í dag?
    Ég er leikstjóri og handritshöfundur. Um þessar mundir vinn ég að því að setja á svið fyrsta leikritið mitt í Tjarnarbíó.

    Í hvaða stjörnumerki ertu?
    Hrútur.

    Hvað ætlaðir þú að verða þegar þú yrðir stór?
    Ég var bíófíkill og langaði alltaf að verða leikstjóri.

    Hver er þinn helsti kostur og helsti galli?
    Ég er hugmyndaríkur en þarf að bæta mig í skipulaginu.

    Hver er uppáhaldsmaturinn þinn?
    Jólamaturinn hjá mömmu.

    Hvaða sýningu sástu síðast í leikhúsi?
    Mávurinn. Stórglæsileg.

    Hvaða áhugamál áttu þér?
    Ég er ennþá mikill kvikmynda unnandi. Svo finnst mér gaman að lesa.

    Hvernig tónlist hlustar þú mest á?
    Ég er alæta þegar kemur að tónlist. En ætli ég hlusti ekki mest á klassískt rokk.

    Hvað fer mest í taugarnar á þér?
    Hópefli. Það hefur þveröfug áhrif á mig.

    Hver er þinn uppáhaldsstaður á Íslandi?
    Kaffihúsin í miðbænum. Mér finnst þægilegt að setjast inn á kaffihús til þess að skrifa eða hitta vini.

    Hver er þinn uppáhaldsstaður erlendis?
    Bordeaux í frakklandi. Var þar í hálft ár að læra frönsku. Margar góðar minningar þaðan.

    HRAÐASPURNINGAR

    Flytja til London eða New York?
    New York.

    Eiga hund eða kött?
    Hund.

    Borða heima heima eða úti daglega?
    Úti.

    Finnst þér betra að vinna á morgnanna eða kvöldin?
    Kvöldin.

    Hvort drekkurðu bjór eða vín með matnum?
    Bjór.

    Hvort finnst þér skemmtilegra að lesa eða horfa á sjónvarp?
    Sjónvarp.

    Hvort manstu betur: Nöfn eða andlit?
    Andlit.

    Veldu: Sturtu eða bað?
    Bað.

    Veldu: RÚV eða Stöð 2?
    Get ekki gert upp á milli.

    Ef þú ættir að lýsa þér í einu orði – hvaða orð væri það?
    Framleiðinn.

    Er eitthvað sem þú vilt segja að lokum?
    Samfarir hamfarir verður frumsýnt 21. janúar í Tjarnarbíó.

    Láttu bara eins og ég sé ekki hérna

    des 12, 2015   //   by test   //   Uncategorized  //  Engar athugasemdir

    lattubaraeinsogegseekkiherna storVerkið Láttu bara eins og ég sé ekki hérna er grískur þátttökuharmleikur þar sem áhorfandinn lærir að þekkja sjálfan sig upp á nýtt. Þau bjóða áhorfendum að koma í leikhúsið og gangast undir persónuleikapróf þar sem hann er leiddur í gegnum stig sjálfsupplýsingar og þarf að horfast í augu við sína innri pöndu.

    Verkið veltir því upp hvað það þýðir að vera manneskja á tímum stanslauss eftirlits og hvernig við sköpum sjálfsmynd okkar þegar einkalífið er orðið að eign stjórnvalda og stórfyrirtækja.

    ATH: Óhefðbundinn sýningartími og takmarkaður miðafjöldi.

    Verkefnið er uppfærsla leikhópsins Sóma þjóðar. Sóma þjóðar er ætlað að vera frjáls samræðugrundvöllur um sviðslistir, ekki síður en eiginlegur leikhópur. Áhersla er lögð á sameiginlegt eignarhald allra þáttakenda verkefna, og deilda listræna ábyrgð.

    Öllum aðstandendum er frjálst að taka þátt í öllum stigum og sviðum listsköpunarinnar og sækja innblástur og aðstoð að sama skapi á þverfaglegum grundvelli.

    Að verkinu standa:
    Hannes Óli Ágústsson
    Karl Ágúst Þorbergsson
    Ragnheiður Harpa Leifsdóttir
    Sara Hjördís Blöndal
    Salóme R. Gunnarsdóttir
    Tryggvi Gunnarsson
    Sigurður Arent Jónsson

    Sýningar
    2. desember kl. 18, 19 og 20
    9. desember kl. 18, 19 og 20
    10. desember kl. 18, 19 og 20
    13. desember kl. 17, 18 og 19

    Predator

    des 10, 2015   //   by test   //   Uncategorized  //  Engar athugasemdir

    predator stórPredator
    Je souffre
    Ég finn til

    Við erum stödd í ljósaskiptunum milli grísks harmleiks og tekknó-maníu. Í þremum þáttum varpar PREDATOR fram birtingarmyndum þjáningar, náð hennar og fegurð:

    I. Að finna til í fegurðinni
    II. Að finna til í striti og velúr
    III. Að finna til í náðinni

    Sýnt þann 13. janúar klukkan 21:00 í Tjarnarbíói.

    Höfundur: Saga Sigurðadóttir
    Tónlist: Hallvarður Ásgeirsson, Guðmundur Ingi Úlfarsson & Ívar Pétur Kjartansson
    Sviðsmynd og búningar: Guðný Hrund Sigurðardóttir
    Flytjendur: Elín Signý W Ragnarsdóttir, Elísabet Birta Sveinsdóttir, Heba Eir Kjeld, Katrín Gunnarsdóttir, Kristinn Guðmundsson, Oddur Júlíusson, Sigurður Arent Jónsson, Védís Kjartansdóttir, Guðmundur Ingi Úlfarsson og Ívar Pétur Kjartansson.

    Verkið var frumflutt á Reykjavik Dance Festival 2014 og naut stuðnings frá Mennta- og menningarmálaráðuneytinu.

    Seinni samlestur

    des 9, 2015   //   by test   //   Uncategorized  //  Engar athugasemdir

    hugleikursamlestur stórMánudaginn 14. desember verður seinni samlestur á vorverkefni Hugleiks haldinn (sá fyrri var sunnudaginn 6. des.)

    Um er að ræða nýtt leikrit eftir Ármann Guðmundsson en hann mun jafnframt leikstýra því. Verkið, sem ekki hefur hlotið nafn ennþá, fjallar um ástir, örlög og óteljandi morð í íslenskri 19. aldar sveit. Allir sem hafa áhuga á að leika – og syngja því að hugleikskum sið verður að sjálfsögðu tónlist í verkinu – eða koma að sýningunni með einhverjum öðrum hætti eru velkomnir á þennan samlestur. Stefnt er að því að hefja æfingar í byrjun mars og er frumsýning fyrirhuguð um miðjan apríl. Leikhópurinn verður hins vegar skipaður fyrir jól og undirbúningur hafinn.

    Sporvagninn Girnd

    des 8, 2015   //   by test   //   Uncategorized  //  Engar athugasemdir

    sporvagningirnd stór

    Jólasýning Þjóðleikhússins er Sporvagninn Girnd eftir Tennessee Williams í leikstjórn Stefáns Baldurssonar. Frumsýning er 26. desember á Stóra sviðinu.

    Hið seiðmagnaða leikrit Sporvagninn Girnd er eitt þekktasta verk bandarískra leikbókmennta á 20. öld.

    Hin viðkvæma og fíngerða Blanche DuBois má muna sinn fífil fegri. Þegar veröld hennar virðist vera að hrynja leitar hún ásjár hjá Stellu, yngri systur sinni, sem býr í verkamannahverfi í New Orleans. Í eilífri leit sinni að fegurð, mildi og umhyggju verður Blanche fyrir áfalli þegar hún kynnist hinum ruddafengna og ósiðaða Stanley, eiginmanni Stellu, og spennan magnast fljótt á milli þeirra. Blanche líður best í hálfrökkri, en óttast það mest að vera afhjúpuð og að napur sannleikurinn blasi við.

    Stefán Baldursson er einn fremsti leikstjóri þjóðarinnar en nýjasta uppsetning hans, óperan Ragnheiður, hlaut Grímuna sem besta sýning ársins á liðnu leikári. Nína Dögg Filippusdóttir leikur hina viðkvæmu Blanche DuBois, aðrir leikarar eru Baltasar Breki, Lára Jóhanna, Baldur Trausti, Edda Arnljótsdóttir, Guðjón Davíð, Hallgrímur Ólafsson, Ísak Hinriksson, Lilja Guðrún og Pálmi Gestsson.

    OPNUM OKKUR!

    des 5, 2015   //   by test   //   Uncategorized  //  Engar athugasemdir

    opnum okkur stórFjórir flóttamenn segja sögu sína á stóra sviði Borgarleikhússins laugardaginn 5. desember klukkan 13.
    Ókeypis aðgangur. Allir velkomnir!

    Í samstarfi við Rauða krossinn blæs Borgarleikhúsið til dagskrár um málefni flóttamanna.

    Halldóra Geirharðsdóttir og Bergur Þór Ingólfsson leikarar munu halda utan um samtalið. Einnig verða fluttir stuttir fyrirlestrar, meðal annars af hjálparstarfsmönnum.

    —————–
    Four refugees tell their story on the big stage at Reykjavik city theatre / Borgarleikhusid on Saturday dec 5th at 1PM.
    Free entrance. Everybody is welcome!

    Borgarleikhusid in cooperation with the Red cross in Iceland are throwing an event about refugees and their stories.

    Icelandic actors, Halldóra Geirharðsdóttir and Bergur Þór Ingólfsson are going to leed the conversation. Also there will be short lectures from members of the Red cross.

    Matthildur í Selásskóla

    des 4, 2015   //   by test   //   Uncategorized  //  Engar athugasemdir

    matthilduuur stór

    Leiklistarhópur Selásskóla samanstendur af 20 börnum á aldrinum 6 til 12 ára og þau frumsýna nú hér á landi söngleikinn Matthildi sem er saminn af Dennis Kelly og byggður á samnefndri bók eftir Roald Dahl. Sýningin tekur um tvo tíma með hléi og er aðgangur ókeypis, sýnt er í matsalnum í Selásskóla. Með aðalhlutverk fara Klara Schweitz Ágústsdóttir og Soffía Kristín Jónsdóttir. Leikstjóri og þýðandi er Halldóra Jónasdóttir.

    Leikritið fjallar um fimm ára stúlku að nafni Matthildur, sem er hvergi metin að verðleikum. Heima á hún foreldra sem skipa henni að horfa á sjónvarpið og svindla á saklausu fólki. Hún kennir sjálfri sér að lesa og er ofur klár. Þegar hún upplifir svo fyrsta skóladaginn sinn verður hún fyrir miklum vonbrigðum því skólastjórinn er hrikalega vond manneskja með alltof margar reglur. Sem betur fer er kennarinn hennar yndislegasta manneskja sem Matthildur hefur nokkurntímann hitt og fljótlega verða þær góðir vinir. Matthildur þolir ekki óréttlæti og vill koma á réttlæti í skólanum, einn daginn uppgötvar hún töfrakrafta sem koma að góðum notum.

    Sýningartímar:

    5. desember kl. 13:00
    5. desember kl. 16:00
    6. desember kl. 13:00
    6. desember kl. 16:00

    Sýnt verður í salnum í Selásskóla.

    Síður:«1234567...17»
    loading

    Takk fyrir að skrá þig!