febrúar | 2015 | Leikhus.is

    Leikhúsleikurinn í boði Kol restaurant

    Nafn:

    Netfang:

    Fæðingarár:

    Símanúmer:

    Kyn:

    KarlKona

     
    Á hvaða tíma er leikhústilboð Kol? - Smellið hér til að finna svarið.

    Svar:

     
    Vinningurinn í leikhúsleiknum er:

    Gjafabréf í leikhús fyrir tvo og 20.000 kr. gjafabréf á Kol restaurant

    Drögum einn heppinn þann 22. apríl 2015. Þeir sem taka þátt í leikhúsleiknum eru sjálfkrafa skráðir sem vildarvinir leikhús.is og fá send fréttabréf með fréttum úr leikhúslífinu og ýmis tilboð.

     


    Archive from febrúar, 2015

    Líf og list Arthurs Miller leikskálds

    feb 10, 2015   //   by admin   //   Uncategorized  //  Engar athugasemdir

    arthur_og_monroe_0

    Tíminn og vitund mín sjálfs, nefnist ný þriggja þátta röð sem frumflutt verður næstu þrjá sunnudaga í Útvarpsleikhúsinu á sunnudögum kl. 13 á Rás 1.

    Þáttaröðinn sem er eftir Trausta Ólafsson sem jafnframt stjórnar flutningi og í hljóðvinnslu Einars Sigurðssonar,

    Í þáttaröðinni segir bandaríska leikskáldið Arthur Miller (f. 17.október 1915 – d. 10.febrúar 2005) frá lífi sínu og leikritum. Í ár eru hundrað ár liðin frá fæðingu hans og tíu ár frá andláti hans.

    Þættirnir byggjast á sjálfsævisögu leikskáldsins sem kom út árið 1987 en þar segir Miller frá einkalífi sínu og hugmyndum að baki leikritanna sem öfluðu honum heimsfrægðar.

    Í hlutverki Arthur Millers er Þorsteinn Gunnarsson.

    Aðrir flytjendur: Þórunn Magnea Magnúsdóttir, Trausti Ólafsson og Þór Tulinius.

    Í þáttunum eru einnig flutt valin brot úr leikritum Millers úr safni Útvarpsleikhússins í flutningi margra okkar helstu leikara í gegnum tíðina.

    sunnudagur 8.febrúar kl. 13:00
    Útvarpsleikhúsið: Tíminn og vitund mín sjálfs
    1. þáttur

    eftir Trausta Ólafsson.
    Bandaríska leikskáldið Arthur Miller (f. 17.október 1915 – d. 10.febrúar 2005) segir frá lífi sínu og leikritum.
    Í hlutverki Arthur Millers: Þorsteinn Gunnarsson.
    Aðrir flytjendur: Þórunn Magnea Magnúsdóttir, Trausti Ólafsson og Þór Tulinius.
    Í þættinum eru flutt brot úr leikriti Millers úr safni Útvarpsleikhússins: Sölumaður deyr í þýðingu Jónasar Kristjánssonar í leikstjórn Þórhalls Sigurðssonar. Leikarar: Gunnar Eyjólfsson og Pétur Einarsson.

    sunnudagur 15.febrúar kl. 13:00
    Útvarpsleikhúsið: Tíminn og vitund mín sjálfs
    2. þáttur
    eftir Trausta Ólafsson.
    Bandaríska leikskáldið Arthur Miller (f. 17.október 1915 – d. 10.febrúar 2005) segir frá lífi sínu og leikritum.
    Í hlutverki Arthur Millers: Þorsteinn Gunnarsson.
    Lesari auk hans: Þór Tulinius.
    Í þættinum eru flutt brot úr leikritum Millers úr safni Útvarpsleikhússins: Horft af brúnni í þýðingu Jakobs Benediktssonar í leikstjórn Lárusar Pálssonar og Sölumaður deyr í þýðingu Jónasar Kristjánssonar í leikstjórn Þórhalls Sigurðssonar. Leikarar í þessum leikritabrotum: Lárus Pálsson, Róbert Arnfinnsson, Regína Þórðardóttir, Haraldur Björnsson, Ólafur Þ. Jónsson, Kristbjörg Kjeld, Helgi Skúlason, Gunnar Eyjólfsson, Margrét Guðmundsdóttir, Rúrik Haraldsson, Hilmir Snær Guðnason, Rúnar Freyr Gíslason og Pétur Einarsson.

    sunnudagur 22.febrúar kl. 13:00
    Útvarpsleikhúsið: Tíminn og vitund mín sjálfs
    3. þáttur
    eftir Trausta Ólafsson.
    Bandaríska leikskáldið Arthur Miller (f. 17.október 1915 – d. 10.febrúar 2005) segir frá lífi sínu og leikritum.
    Í hlutverki Arthur Millers: Þorsteinn Gunnarsson.
    Lesari auk hans: Þórunn Magnea Magnúsdóttir.
    Í þættinum eru flutt brot úr leikritum Millers úr safni Útvarpsleikhússins: : Horft af brúnni í þýðingu Jakobs Benediktssonar í leikstjórn Lárusar Pálssonar og Sölumaður deyr í þýðingu Jónasar Kristjánssonar í leikstjórn Þórhalls Sigurðssonar. Leikarar í þessum leikritabrotum: Lárus Pálsson, Róbert Arnfinnsson, Regína Þórðardóttir, Haraldur Björnsson, Ólafur Þ. Jónsson, Kristbjörg Kjeld, Helgi Skúlason, Gunnar Eyjólfsson, Margrét Guðmundsdóttir, Rúrik Haraldsson, Hilmir Snær Guðnason, Rúnar Freyr Gíslason og Pétur Einarsson.

    Brennuvargar í Samkomuhúsinu á Húsavík?

    feb 10, 2015   //   by admin   //   Uncategorized  //  Engar athugasemdir

    biedermannHeyrst hefur að tveir brennuvargar hafi hreiðrað um sig á loftinu hjá herra Biedermann, í gamla Samkomuhúsinu á Húsavík. Hvort rétt reynist kemur í ljós kl. 16.00 laugardaginn 7. febrúar þegar Leikfélag Húsavíkur frumsýnir Brennuvargana eftir Max Frisch í leikstjórn Ármanns Guðmundssonar. Bjarni Jónsson þýddi verkið.

    Bissnessmaðurinn Biedermann og kona hans búa í bæ þar sem mikið hefur verið um húsbruna. Dag einn bankar upp á hjá honum uppgjafa glímukappi, Schmitz að nafni og áður en hann veit af er Biedermann búinn að bjóða honum að hreiðra um sig upp á lofti hjá sér. Fyrr en varir eru gestirnir orðnir tveir, loftið fullt af grunsamlegum tunnum og allt bendir til að þarna séu brennuvargarnir á ferð. Og hvað er þá hægt að taka til bragðs til að bjarga eigin skinni? Jú, halda þeim veislu…

    Næstu sýningar verða þriðjudaginn 10. febrúar, föstudag 13. febrúar og laugardag 14. febrúar.

    Nánari upplýsingar á www.leikfelagid.is

    Ólafur Egilsson vill skilja hismið frá kjarna!

    feb 9, 2015   //   by admin   //   Uncategorized  //  Engar athugasemdir

    OlafurEgilsson

    VIÐTALIÐ: BAK VIÐ TJÖLDIN

    Hver ert þú og hvað ertu að gera í dag?
    Ég er hitt og þetta og er að leika í Sjálfstæðu fólki í Þjóðleikhúsinu, leikstýra Hystory í Borgarleikhúsinu, ganga frá kvikmyndahandriti og undirbúa þáttaskrif á milli þess sem ég sinni því sem máli skiptir.
     
    Í hvaða stjörnumerki ertu?
    Ég er nokkuð miðjusett Vog.
     
    Hvað ætlaðir þú að verða þegar þú yrðir stór?
    Það sem maður verður áður en maður verður lítill aftur.
     
    Hver er þinn helsti kostur og helsti galli?
    Hvatvísi.
     
    Hver er uppáhaldsmaturinn þinn?
    Það sem fram er í boði hverju sinni og ég get lagt mér til munns með góðri samvisku.
     
    Hvaða sýningu sástu síðast í leikhúsi?
    Sýningu Kriðpleirs á hinni Síðbúnu rannsókn á sakamáli Jóns Hreggviðssonar í Tjarnarbíói.
     
    Hvaða áhugamál áttu þér?
    Að skilja hismið frá kjarna.
     
    Hvernig tónlist hlustar þú mest á?
    Ég er alæta. Nú er ég að hlusta á verk tónskáldsins David Lang í bland við hana Siu blessaða, þar á undan var það Mongólskt Yoik og síðpoppararnir í Metronomy.
     
    Hvað fer mest í taugarnar á þér?
    Ætli það sé ekki ég sjálfur þegar svo ber undir.
     
    Hver er þinn uppáhaldsstaður á Íslandi?
    Þar sem jökulinn ber við loft og fegurðin ríkir ein ofar allri kröfu.
     
    Hver er þinn uppáhaldsstaður erlendis?
    Þar sem ég hef aldrei verið áður.
     

    HRAÐASPURNINGAR

    Flytja til London eða New York?
    Hvorugt.
     
    Eiga hund eða kött?
    Hvorugt.
     
    Borða heima heima eða úti daglega?
    Heima.
     
    Finnst þér betra að vinna á morgnana eða kvöldin?
    Morgnana.
     
    Hvort drekkurðu bjór eða vín með matnum?
    Vín.
     
    Hvort finnst þér skemmtilegra að lesa eða horfa á sjónvarp?
    Lesa.
     
    Hvort manstu betur: Nöfn eða andlit?
    Nöfn.
     
    Veldu: Sturtu eða bað?
    Sturtu.
     
    Veldu: RÚV eða Stöð 2?
    Get ekki gert upp á milli.
     
    Ef þú ættir að lýsa þér í einu orði – hvaða orð væri það?
    Leitandi.
     
    Er eitthvað sem þú vilt segja að lokum?
    Nei nei.
     

    Rakel Garðarsdóttir ætlaði að verða dýralæknir!

    feb 7, 2015   //   by admin   //   Uncategorized  //  Engar athugasemdir

    rakel

    VIÐTALIÐ: BAK VIÐ TJÖLDIN

    Hver ert þú og hvað ertu að gera í dag?
    Íslendingur fædd í Noregi. Starfa með þeim frábæra hópi Vesturport og reyni að fá þjóðina til að vera meira Vakandi fyrir matarsóun.
     
    Í hvaða stjörnumerki ertu?
    Tvíburamerkinu.
     
    Hvað ætlaðir þú að verða þegar þú yrðir stór?
    Dýralæknir.
     
    Hver er þinn helsti kostur og helsti galli?
    óskipulag og hraði… getur bæði verið kostur og galli.
     
    Hver er uppáhaldsmaturinn þinn?
    Fiskibollur í bleikri sósu.
     
    Hvaða sýningu sástu síðast í leikhúsi?
    Karítas.
     
    Hvaða áhugamál áttu þér?
    Vakandi – Vitundarvakning um matarsóun.
     
    Hvernig tónlist hlustar þú mest á?
    Rokk og rokkballöður.
     
    Hvað fer mest í taugarnar á þér?
    Fréttirnar – þær eru alltaf neikvæðar – ég trúi því að það sé mun meira jákvætt að gerast…
     
    Hver er þinn uppáhaldsstaður á Íslandi?
    Suðureyri við Súgandafjörð.
     
    Hver er þinn uppáhaldsstaður erlendis?
    London og Osló.
     

    HRAÐASPURNINGAR

    Flytja til London eða New York?
    London.
     
    Eiga hund eða kött?
    Kött.
     
    Borða heima heima eða úti daglega?
    Heima.
     
    Finnst þér betra að vinna á morgnana eða kvöldin?
    Kvöldin.
     
    Hvort drekkurðu bjór eða vín með matnum?
    Hvorugt.
     
    Hvort finnst þér skemmtilegra að lesa eða horfa á sjónvarp?
    Sjónvarp.
     
    Hvort manstu betur: Nöfn eða andlit?
    Andlit.
     
    Veldu: Sturtu eða bað?
    Sturtu.
     
    Veldu: RÚV eða Stöð 2?
    Get ekki gert upp á milli.
     
    Ef þú ættir að lýsa þér í einu orði – hvaða orð væri það?
    Vakandi.
     
    Er eitthvað sem þú vilt segja að lokum?
    Hvet fólk til að kíkja í ísskápinn áður en það fer út að versla til að sjá hvort það vanti alveg örugglega mat…
     

    Björt í sumarhúsi í Tjarnarbíói

    feb 6, 2015   //   by admin   //   Uncategorized  //  Engar athugasemdir

    bjortBjört í sumarhúsi er nýr íslenskur söngleikur fyrir börn á öllum aldri eftir Elínu Gunnlaugsdóttur og Þórarin Eldjárn. Textinn byggir á ljóðum úr bókinni „Gælur, fælur og þvælur“. Leikstjóri er Ágústa Skúladóttir, Kristina Berman gerir leikmynd og búninga. Næatu sýningar eru kl. 13.00 og 15.00 laugardaginn 14. febrúar.

    Sagan segir frá barni í pössun hjá afa sínum og ömmu í sumarbústað en þar er lítið við að vera og barninu leiðist. Í bústaðnum eru engin nútímatæki eins og tölvur og snjallsímar. Afinn og amman reyna að hafa ofan af fyrir barninu, en það gerist æ óþægara.

    Glói gullfiskur, fiskifluga, könguló, draugur og fleiri koma við sögu en að lokum finnast bækur í bústaðnum og barnið kemst í ró. Verkið er ærslakennt og er tónlistin í anda verksins, létt og leikandi. Björt í sumarhúsi er einlæg og bráðskemmtileg fjölskyldusýning sem á ríkt erindi við íslensk börn í samtímanum.

    Söngleikurinn var frumsýndur í Hörpu 1. febrúar og var framlag Töfrahurðar til tónlistarhátíðarinnar Myrkir músíkdagar. Aukasýningar í Tjarnarbíói hefjast 14. febrúar.

    Björt í sumarhúsi er samstarfsverkefni Töfrahurðar og Óperarctic félagsins.

    Viðar Eggertsson: Ekkert hefur heillað meira en leiklistin!

    feb 5, 2015   //   by admin   //   Uncategorized  //  Engar athugasemdir

    Vidar

    VIÐTALIÐ: BAK VIÐ TJÖLDIN

    Hver ert þú og hvað ertu að gera í dag?
    Ég er stjórnandi Útvarpsleikhússins á RÚV og er jafnframt dagskrárgerðarmaður á Rás 1. Þar nýtist afar vel menntun mín og reynsla sem leikari og leikstjóri. Ég hef helgað líf mitt leiklist, einfaldlega vegna þess að ekkert annað hefur heillað mig meira. En ég er þó enn að leita að fleiri möguleikum í lífinu til að hrífa mig… Það er aldrei að vita nema eitthvað nýtt verði á vegi mínum… Lífið er svo óútreiknanlegt.
     
     
    Í hvaða stjörnumerki ertu?
    Tvíburamerkið.
     
    Hvað ætlaðir þú að verða þegar þú yrðir stór?
    Leikhúslistamaður.
     
    Hver er þinn helsti kostur og helsti galli?
    Helsti kostir mínir eru skipulagshæfileikar og hugmyndaauðgi. Helstu gallar eru einnig þeir sömu, auk hvatvísi, sem getur nú stundum líka verið kostur.
     
    Hver er uppáhaldsmaturinn þinn?
    Allur matur úr fersku og hreinu hráefni sem Sveinn Kjartansson maðurinn minn og veitingamaður á AALTO Bistro eldar.
     
    Hvaða sýningu sástu síðast í leikhúsi?
    Ekki hætta að anda.
     
    Hvaða áhugamál áttu þér?
    Leiklist og mannlíf í sinni fjölbreyttustu mynd.
     
    Hvernig tónlist hlustar þú mest á?
    Þar sem fegurðin ríkir með hæfilegum skammti af drama.
     
    Hvað fer mest í taugarnar á þér?
    Óstundvísi og ónákvæmni.
     
    Hver er þinn uppáhaldsstaður á Íslandi?
    Svartir sandar örævanna.
     
    Hver er þinn uppáhaldsstaður erlendis?
    Þar sem enginn þekkir mig.
     

    HRAÐASPURNINGAR

    Flytja til London eða New York?
    New York.
     
    Eiga hund eða kött?
    Hund.
     
    Borða heima heima eða úti daglega?
    Heima.
     
    Finnst þér betra að vinna á morgnana eða kvöldin?
    Morgnana.
     
    Hvort drekkurðu bjór eða vín með matnum?
    Bjór.
     
    Hvort finnst þér skemmtilegra að lesa eða horfa á sjónvarp?
    Lesa.
     
    Hvort manstu betur: Nöfn eða andlit?
    Andlit.
     
    Veldu: Sturtu eða bað?
    Sturtu.
     
    Veldu: RÚV eða Stöð 2?
    Rúv.
     
    Ef þú ættir að lýsa þér í einu orði – hvaða orð væri það?
    Ófyrirsjánlegur (vona ég!)
     

    Yfir 10 þúsund gestir hafa tryggt sér miða!

    feb 4, 2015   //   by admin   //   Uncategorized  //  Engar athugasemdir

    billy· Forsala á hófst í morgun

    · Mikill áhugi á sýningunni

    · Verið að bæta starfsfólki í miðasöluna

    Í morgun kl 10 hófst forsala á Billy Elliot sem verður frumsýnt 6.mars. Á hádegi höfðu yfir 10 þúsund leikhúsgestir tryggt sér miða og er augljóslega mikill áhugi á sýningunni. Forsölutilboðið er einungis í dag og er verið að bæta fólki í miðasöluna til að anna eftirspurn.

    „Þetta er eiginlega fyrst raunverulegt núna að þetta sé að fara að bresta á, sérstaklega þegar maður sér hvað það er mikill áhugi á sýningunni. Það er smá fiðringur í maganum svona blanda af stressi og spennu yfir því að sjá þetta lifna við á sviðinu” Segir Bergur Þór Ingólfsson leikstjóri.

    Sýningin er sú stærsta sem Borgarleikhúsið hefur sett upp en 68 listamenn taka þátt í henni, það eru 33 börn, 24 fullorðnir og 11 hljómsveitarmeðlimir. Frumsýning er áætluð 6.mars. Þrír glæsilegir ungir strákar deila aðalhlutverkinu og leikstjóri er Bergur Þór Ingólfsson.

    Verkið Billy er á leiðinni í boxtíma þegar hann lendir fyrir slysni á dansæfingu. Hann byrjar að hreyfa sig í takt við tónlistina og uppgötvar sér til furðu að þetta er ekki einungis það skemmtilegasta sem hann hefur gert heldur er hann einfaldlega fæddur til að dansa.

    Billy á sér draum sem samræmist ekki hugmyndum fullorðna fólksins, hann dreymir um að verða dansari á heimsmælikvarða og er tilbúinn að leggja allt í sölurnar. Billy Elliot er þroskasaga unga fólksins og hinna fullorðnu – mögnuð og falleg saga um baráttu drengs við fordóma samfélagsins og fjölskyldunnar um að fá að vera sá sem hann er. Þetta er kraftmikið verk um alvöru fólk með skotheldri og grípandi tónlist eftir Elton John, stórfenglegum hópdansatriðum og ótrúlega hæfileikaríkum dreng í aðalhlutverki sem á eftir að fá áhorfendur til að gapa af undrun..

    Aðstandendur Höfundur: Lee Hall & Elton John | Þýðing: Karl Ágúst Úlfsson | leikstjóri: Bergur Þór Ingólfsson |Tónlist: Elton John | Leikmynd: Petr Hlousek | Búningar: Helga I. Stefánsdóttir | Lýsing: Þórður Orri Pétursson | Hljóð: Ólafur Örn Thoroddsen| Leikarar: Baldvin Alan Thorarensen, Hjörtur Viðar Sigurðarson, Sölvi Viggósson Dýrfjörð, Halldór Gylfason, Jóhanna Vigdís Arnardóttir, Sigrún Edda Björnsdóttir, Valur Freyr Einarsson, Þórunn Arna Kristjánsdóttir, Hjörtur Jóhann Jónsson, Sigurður Þór Óskarsson, Örn Árnason og fleiri.

    Ástrósu Elísdóttur leist vel á sendiherra lífið!

    feb 4, 2015   //   by admin   //   Uncategorized  //  Engar athugasemdir

    astros

    VIÐTALIÐ: BAK VIÐ TJÖLDIN

    Hver ert þú og hvað ertu að gera í dag?
    Leikhúsfræðingur, leiðsögumaður, mastersnemi í ritlist, söngkona, mamma og margt fleira. Ég vinn við að sjá um fræðsludeild Borgarleikhússins.
     
    Í hvaða stjörnumerki ertu?
    Ég er meyja, en með tungl í fiskum og rísanda í krabba. Stjörnukortið mitt er uppfullt af andstæðum og ólíkum stjörnumerkjum.
     
    Hvað ætlaðir þú að verða þegar þú yrðir stór?
    Ég tilkynnti það sjö ára í beinni útsendingu hjá Hemma Gunn að ég ætlaði að verða rithöfundur og bakari. Annars hafði ég afar margar og ólíkar hugmyndir um það fram eftir öllum aldri. Á tímabili vildi ég helst giftast sendiherra, ég sá fyrir mér að þá myndi ég lifa lífinu undirbúandi stórar og flottar veislur, spjallandi við fólk á öllum tungumálum og fengi reglulega að flytjast á milli landa. Ég nennti samt ekki að standa í því að vera sendiherra sjálf.
     
    Hver er þinn helsti kostur og helsti galli?
    Ég er glaðlynd, ástrík og klár. Ég tala alltof mikið, á erfitt með að taka gagnrýni og fæ kvíðakast ef ég þarf að pakka í tösku.
     
    Hver er uppáhaldsmaturinn þinn?
    Kalkúnninn hjá Frænku á gamlaárskvöld, og sérstaklega stöffingin sem honum fylgir.
     
    Hvaða sýningu sástu síðast í leikhúsi?
    Dúkkuheimili, aftur. Mér finnst hún stórfengleg. Eitthvað það allra besta sem ég hef séð í leikhúsi.
     
    Hvaða áhugamál áttu þér?
    Að skapa list, pæla í list, njóta listar. Í breiðustum skilningi þess hugtaks. Svo fæ ég mjög mikið kikk út úr prófarkalestri og á QuizUp finnst mér skemmtilegast að keppa í Spelling.
     
    Hvernig tónlist hlustar þú mest á?
    Jazz.
     
    Hvað fer mest í taugarnar á þér?
    Neikvæðni.
     
    Hver er þinn uppáhaldsstaður á Íslandi?
    Skorradalurinn.
     
    Hver er þinn uppáhaldsstaður erlendis?
    Á erfitt með að velja á milli staða á Ítalíu. Feneyjar, Flórens, Alberobello, Matera, Napoli og Sorrento, ýmsir staðir á Sikiley, Marina di Massa.
     

    HRAÐASPURNINGAR

    Flytja til London eða New York?
    New York.
     
    Eiga hund eða kött?
    Kött.
     
    Borða heima heima eða úti daglega?
    Úti
     
    Finnst þér betra að vinna á morgnana eða kvöldin?
    Kvöldin.
     
    Hvort drekkurðu bjór eða vín með matnum?
    Vín.
     
    Hvort finnst þér skemmtilegra að lesa eða horfa á sjónvarp?
    Lesa.
     
    Hvort manstu betur: Nöfn eða andlit?
    Andlit.
     
    Veldu: Sturtu eða bað?
    Bað.
     
    Veldu: RÚV eða Stöð 2?
    Rúv.
     
    Ef þú ættir að lýsa þér í einu orði – hvaða orð væri það?
    Einlæg.
     
    Er eitthvað sem þú vilt segja að lokum?
    Ekki búa þig alltaf undir það versta. Vonaðu það besta fram í rauðan dauðann. Þú munt alltaf geta höndlað vonbrigðin hvort eð er.
     

    Konan við 1000° á Stóra sviðið

    feb 3, 2015   //   by admin   //   Uncategorized  //  Engar athugasemdir

    konan1

    Leikritið Konan við 1000 eftir Hallgrím Helgason hefur nú verið leikið fyrir fullu húsi í Kassanum Þjóðleikhúsinu frá því í september. Verkið hefur fengið frábærar viðtökur hjá gagnrýnendum og leikhúsgestum og ekkert lát virðist vera á vinsældum sýningarinnar. Nú er hins vegar svo komið að sýningin verður að víkja úr Kassanum, fyrir Segulsviði eftir Sigurð Pálsson, sem frumsýnt verður í mars. Til að bregðast við mikilli aðsókn og vinsældum sýningarinnar hefur verið ákveðið að færa Konuna við 1000° uppá Stóra svið Þjóðleikhússins og eru aukasýningar þar þegar komnar í sölu.

    Konan við 1000° fjallar um ótrúlega ævi einstakrar konu sem upplifði umrót og hörmungar tuttugustu aldrarinnar víða um lönd og endaði ævina í íslenskum bílskúr.

    ★★★★

    „Sýningin er sigur fyrir Unu leikstjóra, sviðslistamenn leikhússins og leikkonurnar Guðrúnu og Elmu.”

    Fréttablaðið

    ★★★★

    „Í þessu verki kemur allt saman: áhrifamikill saga, texti sem er á köflum skínandi og eftirminnilegur og glæsileg framsetning með hugvitsamlegri og fallegri leikmynd. Í stuttu máli fá töfrar leikhússins á njóta sín.“

    Morgunblaðið

    ★★★★★

    „Glæsileg byrjun á íslenskum vetri“

    Vikan

    ★★★★

    „Í fáum orðum er Konan við 1000°áhrifaríkt og vel leikið verk sem allt helst í hendur, góður texti, glæsilegur leikur og styrk leikstjórn.”

    DV

    Eldbarnið

    feb 3, 2015   //   by admin   //   Uncategorized  //  Engar athugasemdir

    eldbarnidLaugardaginn 7. febrúar frumsýnir Möguleikhúsið nýtt íslenskt leikrit, Eldbarnið – hamfaraleikrit fyrir börn og fullorðna, í Tjarnarbíói. Segja má að hér sé á ferðinni seinni hluti tvíleiks um Möguleikhússins um Skaftárelda, en síðasta vetur frumsýndi leikhúsið Eldklerkinn, einleik um sr. Jón Steingrímsson, sem hlaut afburðagóðar viðtökur og var sýndur víða um land. Að þessu sinni eru atburðirnir skoðaðir frá sjónarhorni barns í leikriti sem ætlað er áhorfendum frá 9 ára aldri. Frumsýning Eldbarnsins er hluti af aldarfjórðungs afmælisdagskrá Möguleikhússins, en í vor eru 25 ár frá því leikhúsið hóf starfsemi sína og er Eldbarnið 36. verkið á verkefnaskrá þess.

    Hvernig bregst lítil stúlka við þegar veröldin umturnast vegna ógnvænlegra náttúruhamfara?
    Sólveig er söguhetjan í þessu nýja leikriti Möguleikhússins. Eftir gríðarlega jarðskjálfta verður stórt eldgos og skömmu seinna steypist hraunstraumur ofan af hálendinu. Sólveig og móðir hennar verða að flýja upp í fjallshlíð, þaðan sem þær horfa á bæinn sinn fara undir hraun. Við tekur ný og gjörbreytt tilvera, flótti og leit að húsaskjóli. Sólveig lendir í ævintýralegum aðstæðum sem hljóma fjarstæðukenndar fyrir íslensk börnum í dag en voru raunverulegar á þessum tímum.

    Höfundur Eldbarnsins er Pétur Eggerz, leikstjóri Sigrún Valbergsdóttir, leikmynd og búninga hannaði Guðrún Øyahals, Kristján Guðjónsson er höfundur tónlistar og hljóðmyndar og lýsing er í höndum Arnþórs Þórsteinssonar. Leikarar í sýningunni eru Andrea Ösp Karlsdóttir, sem leikur eldbarnið Sólveigu, og Pétur Eggerz og Alda Arnardóttir sem leika ýmis hlutverk.

    Síður:«1234»
    loading

    Takk fyrir að skrá þig!