Leitin að jólunum

eftir Þorvald Þorsteinsson og Árna Egilsson

Sívinsæl aðventusýning tíunda árið í röð!

Grímuverðlaunasýningin Leitin að jólunum hefur verið sýnd á aðventunni við miklar vinsældir allt frá því hún var frumsýnd árið 2005. Verkið verður nú sýnt tíunda leikárið í röð og eru sýningar orðnar yfir 200 talsins.

Tveir skrýtnir og skemmtilegir náungar taka á móti litlum leikhúsgestum í anddyri Þjóðleikhússins. Með þeim í för eru tveir hljóðfæraleikarar og þessi fjörugi hópur leiðir börnin með leik og söng um leikhúsið. Börnin ferðast inn í ævintýraveröld jólanna og sjá leikþætti um jólin í gamla daga og
á okkar tímum.
Sýningar hefjast á Leikhúsloftinu í lok nóvember.

Aldurshópur: 2ja – 99 ára.