Uncategorized | Leikhus.is

    Leikhúsleikurinn í boði Kol restaurant

    Nafn:

    Netfang:

    Fæðingarár:

    Símanúmer:

    Kyn:

    KarlKona

     
    Á hvaða tíma er leikhústilboð Kol? - Smellið hér til að finna svarið.

    Svar:

     
    Vinningurinn í leikhúsleiknum er:

    Gjafabréf í leikhús fyrir tvo og 20.000 kr. gjafabréf á Kol restaurant

    Drögum einn heppinn þann 22. apríl 2015. Þeir sem taka þátt í leikhúsleiknum eru sjálfkrafa skráðir sem vildarvinir leikhús.is og fá send fréttabréf með fréttum úr leikhúslífinu og ýmis tilboð.

     


    Browsing "Uncategorized"

    Lúna

    jan 7, 2024   //   by gunnarandri   //   Uncategorized  //  Engar athugasemdir

    Það er aðfangadagskvöld jóla og hjónaleysin Lúna og Ingi sitja heima og vilja helst vera einhvers staðar allt annars staðar. Þegar barið er að dyrum er þar hvorki kominn andi jólanna né jólasveinninn heldur Heiðar snyrtir. 

    Eins og allir vita sem þekkja til verka Tyrfings er enginn honum fremri þegar kemur að því að skapa persónur, samtöl og aðstæður sem skera inn að hjarta, vekja hlátur en eru um leið svo óbærilegar að þær valda jafnvel líkamlegum óþægindum. Persónur hans eru gjarnan á skjön við samfélagið, tilheyra hópi sem oft kallast jaðraður, en eru þegar nánar er að gáð fyrst og fremst breyskar manneskjur – stundum bara aðeins lélegri í að fela breyskleika sína en við hin. Inn í sambandsörðugleika Inga og Lúnu fer Tyrfingur þá óvenjulegu leið að tefla persónu sem sækir nafn sitt og skírskotar að einhverju leyti í umdeilda og flókna fígúru Heiðars Jónssonar snyrtis. Það skal þó tekið fram að atburðarás verksins er að öllu leyti skálduð og hefur aldrei átt sér stað í raunveruleikanum. 

    Lúna er áttunda leikrit Tyrfings Tyrfingssonar og það sjötta sem sýnt er í Borgarleikhúsinu, en auk þess var Tyrfingur annar höfunda handrits kvikmyndarinnar vinsælu Villibráð. Þeir Stefán Jónsson, leikstjóri, sameina nú krafta sína í þriðja sinn.

    Edda

    des 27, 2023   //   by gunnarandri   //   Uncategorized  //  Engar athugasemdir

    Edda í glænýrri gerð sem talar til okkar hér og nú

    Brennandi spurningar um samband manns og náttúru

    Þorleifur Örn og samstarfsfólk hans nálgast hér hugmyndaheim goðafræðinnar í Eddu á nýstárlegan, frjóan og ögrandi hátt, og fjalla um knýjandi spurningar samtímans. Átök guða, manna og annarra afla sem stjórna heiminum, sköpun heimsins og endalok hans, birtast okkur hér í stórsýningu þar sem í brennidepli er samband okkar við náttúruna.

    Hugmyndaauðgi, sprengikraftur og sterk, myndræn sýn einkenna sýningar Þorleifs Arnar, líkt og stórsýningarnar Rómeó og Júlíu, Njálu og Engla alheimsins, og hér heldur hann áfram að víkka út möguleika leikhússins með stórum hópi leikara og annarra leikhúslistamanna.

    Ný og fersk sýn á sagnaarfinn

    Sýningar Þorleifs Arnar hafa sópað til sín Grímuverðlaunum og öðrum leiklistarverðlaunum.  Uppsetning hans á Eddunni í Borgarleikhúsinu í Hannover vakti mikla athygli og hlaut hin eftirsóttu, þýsku leiklistarverðlaun Fástinn sem sýning ársins. Í sýningu Þjóðleikhússins nálgast Þorleifur Örn efniviðinn á nýjan og ferskan hátt, með nýju samverkafólki.

    Satan vatnið

    des 14, 2023   //   by gunnarandri   //   Uncategorized  //  Engar athugasemdir

    Kafaðu niður á satanískt dýpi og finndu fyrir djöfullegum krafti á Satanvatninu, fyrsta frumsamda ballett Íslandssögunnar.

    Íburðarmikil augnmálning, rokkstjörnu búningar og tilkomumikil sóló sem eru flutt undir hita ljóskastaranna með tilheyrandi fagnaðarlátum áhorfenda. Metal ballettinn Satanvatnið er fyrsti frumsamdi ballett Íslandssögunnar og vinnur með þær klisjur sem fyrirfinnast í þessum tveimur list formum; Ballett og Þungarokki. Verkið tekur okkur á bólakaf niður á satanískt dýpi þar sem við fáum að kynnast nokkrum stórkostlegum lífverum. Þessar verur kalla þó ekki allt ömmu sína, og áhorfendur fylgjast með því hvernig þær hafa áhrif á umhverfið sitt með rafmagnaðri og taktfastri orku.

    ATHUGIÐ AÐ ÖLL SVIÐSVERK ERU SÝND Í STUTTAN TÍMA Í TJARNARBÍÓ

    Listrænn stjórnandi: Selma Reynisdóttir
    Tónlistarstjórnandi: Katrín Helga Andrésdóttir
    Dramatúrg: Þórdís Nadia Semichat
    Búningahönnuður: Alexía Rós Gylfadóttir
    Dansarar: Bjartey Elín Hauksdóttir, Indy Alda Saouda Yansane, Olivia Teresa Due Pyszko og Saga Sigurðardóttir

    Gítarleikari: Lovísa Elísabet Sigrúnardóttir
    Bassaleikari: Ingibjörg Elsa Turchi
    Trommuleikari: Valgeir Skorri Vernharðsson

    Tónlist og Kóreógrafía er sköpuð í samvinnu.

    Sýningin er styrkt af sviðslistasjóð.

    Jólaævintýri Hugleiks

    des 7, 2023   //   by gunnarandri   //   Uncategorized  //  Engar athugasemdir

    Leikfélagið Hugleikur setur á svið Jólaævintýri Hugleiks í Gamla bíó. Verkið er byggt á Christmas Carol eftir Charles Dickens en að þessu sinni gerist verkið í íslenskum raunveruleika seint á 19. öld. Leikfélagið setti verkið fyrst á svið fyrir 18 árum og ætlar nú að endurtaka leikinn vegna fjölda áskorana. Þetta verk á sérstakan sess í hjörtum Hugleikara og margir hverjir geta ekki hugsað sér jólin án þess að spila tónlistina úr sýningunni. Höfundar tónlistar eru báðir Ljótir hálfvitar, þeir Snæbjörn Ragnarsson (Skálmöld) og Þorgeir Tryggvason. Þeir eru einnig höfundar verksins ásamt Sigrúnu Óskarsdóttur og Sigríði Láru Sigurjónsdóttur.

    Leikstjóri sýningarinnar er hinn bráðfyndni Gunnar Björn Guðmundsson sem hefur leikstýrt meðal annars fjölda Áramótaskaupa, Ömmu Hófí og Astrópíu. Verkið er fjölskylduvænt og Hugleikur lofar góðri skemmtun jafnt fyrir unga sem aldna.

    Hollvættir á heiði

    nóv 18, 2023   //   by gunnarandri   //   Uncategorized  //  Engar athugasemdir

    Þann 4.nóvember frumsýndi Sláturhúsið nýtt íslenskt barnaleikrit, Hollvættir á heiði, eftir Þór Tulinius, leikara og leikstjóra

    Þar segir af Fúsa og Petru sem læðast að næturlagi út að leita að Þokkabót,uppáhaldsærinni sem ekki hefur skilað sér af fjöllum. Þau verða ansi hreintskelkuð í haustmyrkrinu þegar þau rekast á stóran hreindýrstarf og dvergtrölliðSkrúfu. Hún er auðvitað skrýtin skrúfa og skemmtileg eins og nafnið bendir tilog ákveður að hjálpa systkinunum að finna Þokkabót. Um nóttina lenda þau íýmsum ævintýrum þar sem galdrasteinar, söngelskir álfar, ruglaðir dvergar oglagarvatnsormur koma meðal annars við sögu. Ævintýrið er svo kryddað meðsérsaminni tónlist og söng.

    Leikstjórn: Ágústa Skúladóttir
    Leikmyndar og búningar: Þórunn María Jónsdóttir
    Tónskáld: Eyvindur Karlsson
    Ljósahönnun: Ólafur Ágúst Stefánsson
    Brúðugerð: Aldís Davíðsdóttir
    Tónlistarstjóri: Øystein Magnús Gjerde
    Söngþjálfun: Hlín Pétursdottir Behrens
    Leikskáld: Þór Tulinius
    Söngtextar: Sævar Sigurgeirsson

    Í aðalhlutverkum eru þau Jökull Smári Jakobsson, Vigdís Halla Birgisdóttir og Kristrún Kolbrúnardóttir.

    Aðrir leikarar: Tess Rivarola , Øystein Magnús Gjerde, Vigdís Diljá Óskarsdóttir,Stefán Bogi Sveinsson, Hlín Pétursdóttir Behrens,  Hanna Sólveig Björnsdóttir, Árni Friðriksson, Gyða Árnadóttir, Sólgerður Vala Kristófersdóttir og Auðbjörg Elfa Stefánsdóttir.

    Orð gegn orði (Prima Facie)

    nóv 17, 2023   //   by gunnarandri   //   Uncategorized  //  Engar athugasemdir
    Splunkunýtt verðlaunaverk sem heldur þér í heljargreipum.

    Tessa er ungur og metnaðarfullur lögmaður, hámenntuð og eitursnjöll, sem hefur tekist að klífa  hratt upp metorðastigann. Hún vinnur hvert málið á fætur öðru, með framúrskarandi þekkingu sinni á lagabókstafnum, ver sakborninga af fimi og prófar vitni með úthugsuðum spurningum. Skyndilega verður ófyrirsjáanlegur atburður í einkalífi hennar til þess að allt sem virtist svo borðleggjandi sýnist ekki eins einfalt og skýrt og áður, og hún neyðist til að taka hugmyndir sínar og viðhorf til gagngerrar endurskoðunar.

    Í verkinu er tekist á við ágengar spurningar um feðraveldið, réttarkerfið, kynferðisbrotamál, siðgæði, sekt og sönnunarbyrði. Hvaða vægi hafa tilfinningar og réttlætiskennd í flóknum málum, og hvenær er sekt nægilega sönnuð?

    Ebba Katrín Finnsdóttir leikur þennan magnaða verðlaunaeinleik.

    Suzie Miller hlaut Olivier-verðlaunin fyrir leikritið árið 2023

    Orð gegn orði (Prima Facie) er margverðlaunað, nýtt verk sem sló í gegn á West End og Broadway, eftir að hafa unnið til leikritunarverðlauna ástralska rithöfundasambandsins. Verkið hlaut Olivier-verðlaunin árið 2023, auk þess sem sýningin hlaut fjölda tilnefninga til Olivier-verðlaunanna og Tony-verðlaunanna.

    Gosi

    nóv 16, 2023   //   by gunnarandri   //   Uncategorized  //  Engar athugasemdir

    Leikfélag Vestmannaeyja sýnir um þessar mundir hinn bráðskemmtilega söngleik um spýtukallinn Gosa. Gosi er gömul og falleg saga um spýtudreng sem leggur af stað í mikið ævintýri til að læra hvað það þýðir að vera alvöru drengur. Hann lærir hvað tilfinningar eru og að hver og ein þeirra er sérstök. Hann lærir einnig á freistingar lífsins eins og frægð, frama og auð, hvenær má láta freistast og hvenær ekki. Umfram allt snýst leikritið Gosi þó um mikilvægi þess að eiga góða að, til dæmis foreldra eða vin. 

    María Sigurðardóttir leikstýrir sýningunni sem er leikgerð Karls Ágústs Úlfssonar á upprunalegri sögu Carlo Collodi. Þorvaldur Bjarni Þorvaldsson samdi tónlistina.
    Aðsókn á sýninguna hefur verið framar vonum. Miðasölusíminn 852 1940 er opin virka daga á milli 16-20 og um helgar á milli 11-13:30. Sýningar eru alla laugardaga og sunnudaga kl. 15.00 fram í desember.

    Jólasaga

    nóv 16, 2023   //   by gunnarandri   //   Uncategorized  //  Engar athugasemdir

    Leikfélag Keflavíkur setur upp söngleikinn Jólasaga í Aðventugarðinum. Verkið er byggt á Jólasögu Charles Dickens en nú er sagan sett í nútímabúning og gerist á Suðurnesjum. Leikhópurinn samanstendur af 22 einstaklingum og þar af 15 börnum á grunnskólaaldri. Sýningin er sett upp í samstarfi við Regnbogaraddir Keflavíkurkirkju sem taka undir í mörgum söngatriðum sýningarinnar.

    Hlökkum til að sjá ykkur í Frumleikhúsinu 🙂

    Leikstjóri: Guðmundur Lúðvík Þorvaldsson
    Danshöfundur: Sigríður Rut Ragnarsdóttir Ísfeld
    Höfundar leikgerðar: Brynja Ýr Júlíusdóttir og Guðlaugur Ómar Guðmundsson

    Fúsi: Aldur og fyrri störf

    nóv 16, 2023   //   by gunnarandri   //   Uncategorized  //  Engar athugasemdir
    Lífskúnstnerinn Sigfús Sveinbjörn Svanbergsson fer yfir lífshlaup sitt í einlægri og lifandi sýningu.

    Fúsi, aldur og fyrri störf, er heimildaleiksýning um Sigfús Sveinbjörn Svanbergsson. Í sýningunni fer Fúsi yfir ævi sína og valin atriði úr fjölbreyttu lífi hans eru færð í leik- og söngbúning með aðstoð leikara og söngvara.

    Fúsi er húmoristi, fótboltaáhugamaður, leikari, söngvari og lífskúnstner sem minnir okkur á að lífið er alltaf þess virði að lifa því þó að stundum sverfi að. Hindranirnar í lífi Fúsa hafa eflt hann og hvatt hann til að lifa lífinu til hins ítrasta með fötlun sinni og njóta hvers einasta dags. Stundum er lífsreynsla þó þess eðlis að aldrei verður fyllilega hægt að komast yfir hana, sama hversu jákvæður og sterkur einstaklingur er.

    Sýningin byggir á viðtölum við Fúsa, sem Agnar Jón frændi hans og leikstjóri sýningarinnar tók við hann á meðan covid faraldrinum stóð. Tilurð sýningarinnar er því samband frændanna Fúsa og Agga og samverustundir þeirra.

    Í samstarfi við sviðslistaframleiðandann Monochorme og List án landamæra.

    Bangsímon og Gríslingur í jólasveinaleit

    nóv 13, 2023   //   by gunnarandri   //   Uncategorized  //  Engar athugasemdir

    Freyvangsleikhúsið frumsýnir barnaleikritið Bangsímon og Grísling í jólasveinaleit föstudag 17. nóvember. Um er að ræða frumsamið verk eftir Jóhönnu S. Ingólfsdóttur sem byggir á hinum ástsælu Bangsímon og Gríslingi eftir A.A.Milne. Bangsímon er löngu heimsfrægur, ekki síst í gegnum Disney-myndirnar um hann en í sýningu Frevangsleikhússins  blandast sagan saman við klassískar íslenskar verur sem allir þekkja.
    Í stuttu máli er söguþráðurinn á þá leið að Bangsímon og Gríslingur eru komnir alla leið til Íslands til þess að finna íslensku jólasveinana, eftir að þeir fréttu af því að á Íslandi væru hvorki meira né minna en 13 jólasveinar. Þegar sagan hefst eru þeir staddir í kofa á Íslandi og ætla að leggja af stað upp á fjall til þess að vita hvort þeir geti ekki fengið að hitta þá.
    Ferðin gengur upp og ofan hjá þeim, en þeir hitta hinar ýmsu verur á leiðinni, eins og við er að búast uppi á íslensku fjalli.
    Þeir halda þó ótrauðir áfram og reyna eftir fremsta megni að halda í trúnna á það að þeim takist ætlunarverk sitt og með óbilandi trú á sjálfan sig sem og á hvorn annan.

    Tónlistin í verkinu er frumsamin af Eiríki Bóassyni og er hún létt og skemmtileg með hvortveggja frumsömdum textum sem og vísum frá Jóhannesi úr Kötlum.
    Leikstjórn er í höndum Jóhönnu S. Ingólfsdóttur en er þetta í annað sinn sem hún leikstýrir stuttu barnaverki hjá Freyvangsleikhúsinu en hún leikstýrði einnig Karíus og Baktus fyrir jólin í fyrra.
    Verkið er rúmur klukkutími að lengd, með hléi, og er því tilvalið fyrir yngstu kynslóðina.

    Síður:«1234567...91»
    loading

    Takk fyrir að skrá þig!