2014 | Leikhus.is

    Leikhúsleikurinn í boði Kol restaurant

    Nafn:

    Netfang:

    Fæðingarár:

    Símanúmer:

    Kyn:

    KarlKona

     
    Á hvaða tíma er leikhústilboð Kol? - Smellið hér til að finna svarið.

    Svar:

     
    Vinningurinn í leikhúsleiknum er:

    Gjafabréf í leikhús fyrir tvo og 20.000 kr. gjafabréf á Kol restaurant

    Drögum einn heppinn þann 22. apríl 2015. Þeir sem taka þátt í leikhúsleiknum eru sjálfkrafa skráðir sem vildarvinir leikhús.is og fá send fréttabréf með fréttum úr leikhúslífinu og ýmis tilboð.

     


    Öldin okkar

    des 4, 2014   //   by admin   //   Uncategorized  //  Engar athugasemdir

    Félagarnir Eiríkur Stephensen og Hjörleifur Hjartarson í hljómsveitinni Hundur í Óskilum voru farnir að gæla við þá hugmynd að setja á svið gríðarstórt sjóv með 20 dönsurum og leikurum í tilefni af 20 ára afmæli sveitarinnar. Þeir neyddust hins vegar til að sníða sér stakk eftir vexti og nú trana þeir engum öðrum fram en sjálfum sér (enn eina ferðina) í glænýju leik- og tónverki sem kallast Öldin okkar. Hundur í Óskilum er við sama heygarðshornið og í Sögu þjóðar, en spólar sig að þessu sinni í gegnum 21. öldina – þessi 14 ár sem liðin eru. Hundinum er náttúrlega ekkert íslenskt óviðkomandi; hann gefur sig í tali og tónum að mannlífinu til sjávar og sveita, ræður í gjörðir stjórnmálamanna og spyr allra spurninganna sem brenna í brjóstum leikhúsgesta. Frábær skemmtun með helstu tvenndarleikurum landsins! Leikstjóri er Ágústa Skúladóttir.

    Sýningin verður sett upp í Samkomuhúsinu, aðsetri LA, í samstarfi við Leikfélag Akureyrar og Menningarhúsið Hof. Frumsýning er 31. október.
     

    Jólahátíð Skoppu og Skrítlu

    des 4, 2014   //   by admin   //   Uncategorized  //  Engar athugasemdir


     
    Jólahátíð Skoppu og Skrítlu
    Dansandi dádýr, svífandi stjörnur, elskulegir englar og nýfallinn snjór

    Í aðdraganda jóla halda Skoppa og Skrítla mikla hátíð til að bjóða sjálfan jólasvein­inn velkominn til byggða. Hann kemur til að aðstoða þær við að fagna hátíð ljóss og friðar og útbúa gjafir fyrir alla góðu vinina og vinkonurnar. Þegar undirbúningur hátíðarinnar stendur sem hæst banka óvæntir gestir upp á. Jólasveinninn er í stökustu vandræðum. Nú reynir á hversu úrræðagóðar Skoppa og Skrítla eru…

    Skoppa og Skrítla hafa verið í uppháhaldi hjá yngstu kynslóðinni um árabil, hvort sem er í kvikmyndum, sjónvarpsþáttum, tónlist eða leiksýningum. Þær hafa verið áberandi í Borgarleikhúsinu undanfarin ár – en bjóða nú í fyrsta sinn til jólaskemmtunar. Sýningarnar Skoppa og Skrítla á tímaflakki og Skoppa og Skrítla í leikhúsinu slógu báðar í gegn og hlutu geysigóðar viðtökur.

    Hentar börnum frá níu mánaða aldri

    „Litríkir boðberar kærleika og gleði“ – SG, Mbl, 2013
    „Framlag Skoppu og Skrítlu til barnamenningar er bæði þarft og kærkomið“ – HL, Mbl, 2007
    „Skoppa og Skrítla eru bestu vinir yngstu barnanna og það er ekki nema von. Þær skilja hvað þau vilja og gefa þeim það í formi tónlistar, gleði og hláturs“ – HL, Mbl, 2007
    „Til að kóróna allt saman virtust þær Skoppa og Skrítla ná að tala við hvert einasta barn á sýningunni“ – IML, Mbl, 2005

    Höfundur: Hrefna Hallgrímsdóttir
    Leikstjórn: Þórhallur Sigurðsson
    Leikarar: Linda Ásgeirsdóttir, Hrefna Hallgrímsdóttir, Vigdís Gunnarsdóttir, Viktor Már Bjarnason, Börn
     

    MP5

    des 4, 2014   //   by admin   //   Uncategorized  //  Engar athugasemdir


     
    „Byssur drepa ekki fólk – Fávitar með byssur drepa fólk“

    MP5 gerist um borð í alþjóðlegri geimstöð í nálægri framtíð. Lífið í geimnum er ljúft, enda samanstendur þetta litla afmarkaða samfélag af vel menntuðum, víðsýnum, friðsömum og umburðalyndum einstaklingum.

    En þegar slys á sér stað um borð og MP5 hríðskotabyssa kemur uppúr neyðarkassanum vaknar spurningin hvort, og þá hvernig, best er að nota byssuna.

    MP5 er ný íslenskt lo-fi sci-fi satíra unnin af meðlimum Sóma þjóðar. Verkið er skrifað, leikið og því leikstýrt af Hilmi Jenssyni og Tryggva Gunnarssyni.

    Vegna anna eru sýningarnar aðeins þrjár (allar kl. 20:00):

    5. desember
    12. desember
    15. desember
     

    Lína Langsokkur

    nóv 18, 2014   //   by admin   //   Uncategorized  //  Engar athugasemdir

     
    Lína langsokkur, Herra Níels api og hesturinn eru aftur mætt til leiks ásamt vinum sínum Tomma og Önnu. Leiðindaskarfurinn frú Prússólín er staðráðin í að koma Línu fyrir á vandræðaheimili þannig að Lína þarf að hafa sig alla við vilji hún búa áfram á Sjónarhóli. Lína langsokkur er hjartahlýr og réttsýnn prakkari sem allar kynslóðir barna verða að kynnast. Ágústa Eva fer á kostum sem Lína í þessu bráðfyndna og skemmtilega leikriti sem sýnir okkur að við eigum alltaf að vera við sjálf og ekkert annað.
     
    Astrid Lindgren höfundur Línu langsokks er einn ástsælasti barnabókahöfundur allra tíma. Hún fæddist 14. nóvember 1907 í Smálöndum í Svíþjóð og lést í Stokkhólmi 28. janúar 2002, 94 ára að aldri. Hún skrifaði samtals 40 barnabækur og fjölda myndabóka.

    Höfundur: Astrid Lindgren

    Leikstjórn: Ágústa Skúladóttir

    Þýðing: Þórarinn Eldjárn

    
Leikmynd: Ilmur Stefánsdóttir


    Búningar: María Th. Ólafsdóttir


    Lýsing: Björn Bergsteinn Guðmundsson

    Tónlistarstjóri: Stefán Már Magnússon


    Hljóð: Baldvin Magnússon 


    Brelluþjálfari: Steve Harper 


    Danshöfundar: Ágústa Skúladóttir
 og Katrín Ingvadóttir


    Leikarar: Ágústa Eva Erlendsdóttir, Örn Árnason, Sigurður Þór Óskarsson, Kristín Þóra Haraldsdóttir, Halldór Gylfason, Valur Freyr Einarsson, Unnur Ösp Stefánsdóttir, Hjörtur Jóhann Jónsson, Maríanna Clara Lúthersdóttir, Katla Margrét Þorgeirsdóttir, Magnús Guðmundsson og Orri Huginn Ágústsson Hljómsveit
: Stefán Magnússon, Unnur Birna Bassadóttir, Björn Stefánsson og Karl Olgeirsson

    Börn: Agla Bríet Einarsdóttir, Ágúst Beinteinn Árnason, Ágúst Örn Wigum, Álfheiður Karlsdóttir, Bjarni Hrafnkelsson, Davíð Laufdal Arnarsson, Elva María Birgisdóttir, Gríma Valsdóttir, Helena Clausen Heiðmundsdóttir, Hildur Clausen Heiðmundsdóttir, Ísabella Rós Þorsteinsdóttir, Mikael Köll Guðmundsson, Sóley Agnarsdóttir, Steinunn Lárusdóttir
     

    Emotional

    nóv 17, 2014   //   by admin   //   Uncategorized  //  Engar athugasemdir

     

    frumsýning 25.október 2014 á nýja sviði Borgarleikhússins.

    Íslenski dansflokkurinn kynnir danssýninguna EMOTIONAL sem samanstendur af tveimur verkum þar sem nýsköpun og ferskleiki er í fyrirrúmi.

    Meadow eftir Brian Gerke
    „Hvaða einkennilegu dýrslegu mannskepnur safnast saman í hinu ævintýralega engi hugarheims míns?“

    Hér leitar Brian aftur í æskuslóðir sínar og úr því verður hugnæmt og safaríkt dansverk sem reynir á tæknilega færni dansaranna.
    Grímuverðlaunahafinn Brian Gerke hefur hlotið mikið lof fyrir verk sín sem dansari og danshöfundur en hann hefur samið mörg verk með Steinunni Ketilsdóttur ásamt því að dansa með Íslenska dansflokknum.

    EMO1994 eftir Ole Martin Meland

    Hrátt, kraftmikið og líkamlega krefjandi dansverk sem tengir saman frumtilveru, eldmóð æskunnar og endurskipulagningu á stórbrotnum klisjum raunveruleikans. ÁST, HATUR, DAUÐI.

    Ole Martin Meland er ungur og upprennandi norskur dansari og danshöfundur sem hefur unnið lengi með hinum rómaða dansflokki Carte Blanche. Ole Martin vakti fyrst athygli sem danshöfundur á alþjóðlegum vettvangi á síðasta ári í Noregi með verkinu „Brother“.

    Höfundar: Brian Gerke og Ole Martin Meland
    Búningar: Agnieszka Baranowska
    Lýsingahönnuður og tæknistjóri: Jóhann Bjarni Pálmason
    Hljóð: Baldvin Magnússon

    Ragnheiður

    nóv 17, 2014   //   by admin   //   Uncategorized  //  Engar athugasemdir

     
    Íslenska óperan frumsýndi síðastliðið vor glænýja óperu eftir Gunnar Þórðarson og Friðrik Erlingsson í Eldborg. Sýningin sló rækilega í gegn og hlaut tíu tilnefningar á Grímuverðlaununum í vor. Gunnar Þórðarson hlaut síðan Grímuverðlaunin fyrir Tónlist ársins 2014, Elmar Gilbertsson var valinn Söngvari ársins 2014 og sýningin sjálf var valin Sýning ársins 2014. Í ljósi þessara miklu vinsælda verður efnt til tveggja aukasýninga á Ragnheiði um jólin 2014 með sömu söngvurum í öllum hlutverkum.

    Óperan fjallar um Ragnheiði Brynjólfsdóttur, biskupsdóttur í Skálholti á 17. öld, ástarsamband hennar við lærimeistara sinn Daða Halldórsson og fordæmingu föður hennar, Brynjólfs biskups Sveinssonar, á því sambandi. Eins og frægt er, var Ragnheiður neydd til þess að sverja eið þess efnis að hún hefði ekki átt í holdlegu sambandi við Daða né nokkurn annan mann. Níu mánuðum eftir eiðtökuna ól hún svo sveinbarn þeirra Daða. Efni þetta hefur áður orðið ýmsum listamönnum viðfangsefni. Einna frægust er skáldsaga Guðmundar Kamban, Skálholt, og samnefnt leikrit hans.

    Sýningin er tæpar þrjár klukkustundir að lengd, með hléi. Tuttugu mínútna hlé er eftir fyrsta þátt.

    Hlutverkaskipan

    Ragnheiður Brynjólfsdóttir: Þóra Einarsdóttir
    Brynjólfur Sveinsson: Viðar Gunnarsson
    Daði Halldórsson: Elmar Gilbertsson
    Sr. Sigurður Torfason: Jóhann Smári Sævarsson
    Helga Magnúsdóttir: Elsa Waage
    Ingibjörg Magnúsdóttir: Guðrún J. Ólafsdóttir
    Sr. Hallgrímur Pétursson: Bergþór Pálsson
    Sr. Torfi Jónsson: Ágúst Ólafsson
    Þórður Þorláksson: Björn Ingiberg Jónsson

    Listrænir stjórnendur

    Hljómsveitarstjóri: Petri Sakari
    Lýsing: Páll Ragnarsson
    Búningar: Þórunn S. Þorgrímsdóttir
    Leikmynd: Gretar Reynisson
    Leikstjóri: Stefán Baldursson

    Kór og hljómsveit Íslensku óperunnar
     

    Beint í æð

    nóv 17, 2014   //   by admin   //   Uncategorized  //  Engar athugasemdir

    Hvað myndir þú gera ef þú værir háttsettur læknir við stærsta sjúkrahús höfuðborgarinnar á leiðinni að flytja fyrirlestur ársins á norrænni læknaráðstefnu, nokkuð sem gæti fært þér yfirlæknisstöðu, fálkaorðu og fleiri eftirsóknarverðar vegtyllur – þegar á vettvang mætir, án þess að gera boð á undan sér, illa fyrirkölluð fyrrum kærasta á besta aldri ásamt afleiðingunum af ástarfundum ykkar nákvæmlega 18 árum og 9 mánuðum áður? Er þetta ekki ávísun á ógnarklúður?
     
    Jón Borgar, vellukkaður og velkvæntur tauga- sérfræðingur hefur séð það svart um sína daga. En dagleg glíma hans með skurðhnífinn, þar sem hársbreidd skilur jafnan milli lífs og dauða, reynist hreinasti barnaleikur í samanburði við það sem hann á í vændum.
     
    Borgarleikhúsið hefur áður sýnt gamanleiki Ray Cooney við gríðarlegar vinsældir og met- aðsókn, Viltu finna milljón? og nú síðast Nei, ráðherra! sem gekk í tvö leikár á Stóra sviðinu. Gísli Rúnar íslenskaði og heimfærði bæði verkin við afbragðs viðtökur.

    Höfundur: Ray Cooney

    
Leikstjóri: Halldóra Geirharðsdóttir

    Íslensk heimfærsla: Gísli Rúnar Jónsson

    Leikmynd og búningar: Helga I. Stefánsdóttir

    Tónlist: Ólafur Björn Ólafsson
Lýsing: Björn Bergsteinn Guðmundsson

    Hljóð: Ólafur Örn Thoroddsen

    Leikarar: Hilmir Snær Guðnason,
Guðjón Davíð Karlsson, Halldór Gylfason, Jóhanna Vigdís Arnardóttir, Sigrún Edda, Björnsdóttir, Valur Freyr Einarsson,
Þórunn Arna Kristjánsdóttir, Hjörtur Jóhann Jónsson, Maríanna Clara Lúthersdóttir, Sigurður Þór Óskarsson og Örn Árnason
     

    Kenneth Máni

    nóv 17, 2014   //   by admin   //   Uncategorized  //  Engar athugasemdir

     
    Góðkunningi lögreglunnar sem sló í gegn í Fangavaktinni útskýrir lífið og tilveruna

    „VIÐ ERUM KANNSKI GLÆPAMENN … EN VIÐ ERUM ALLA VEGA EKKI ÓHEIÐARLEGIR“

    Kenneth Máni, stærsti smáglæpamaður landsins, stelur senunni í Borgarleikhúsinu.

    Byggt á samnefndri persónu úr sjónvarps- þáttaröðinni Fangavaktin eftir Jóhann Ævar Grímsson, Jón Gnarr, Jörund Ragnarsson, Pétur Jóhann Sigfússon og Ragnar Bragason.

    Kenneth Máni Johnson, um tíma Ketill Máni Áslaugarson, vann fyrir Georg Bjarnfreðarson í Fangavaktinni. Kenneth er eilífðarfangi sem glímir við lesblindu, athyglisbrest, ofvirkni og almennt hömluleysi. En hann er alveg óhræddur við að segja áhorfendum frá þessu öllu saman og svara spurningum þeirra um ,,lívið og tilverunna”.

    Ekki fræðandi en mjög fyndið skemmtikvöld þar sem Kenneth Máni lætur dæluna ganga svo engar tvær sýningar eru eins.

    Höfundarnir Jóhann Ævar Grímsson og Saga Garðarsdóttir leiða nú saman krafta sína í fyrsta sinn í samvinnu við leikarann Björn Thors til að ljá Kenneth Mána loksins rödd á sviði Borgarleikhússins. Jóhann Ævar skrifaði ásamt fleirum Næturvaktina, Dagvaktina og Fangavaktina á meðan Saga var meðhöfundur síðasta Áramótaskaups, skrifaði pistla í Fréttablaðið og hélt fyrirlestra um mannsheilann.
     

    Karitas

    nóv 17, 2014   //   by admin   //   Uncategorized  //  Engar athugasemdir

    eftir Kristínu Marju Baldursdóttur

    Seiðandi verk um ástir og örlög, og löngunina til að hlýða kalli listagyðjunnar í hörðum heimi

    ★★★★1/2

    SBH, Mbl.
    Skáldsögur Kristínar Marju, Karitas án titils og Óreiða á striga, hafa notið mikilla vinsælda. Þær fjalla um líf listakonu á fyrri hluta síðustu aldar og hlutskipti kvenna á Íslandi fyrr og síðar, ekki síst þeirra sem hafa þráð að feta aðra slóð en samfélagið hefur ætlað þeim.

    Í verkinu kynnumst við listakonunni og móðurinni Karitas sem hefur leitað skjóls í afskekktri sveit eftir að veröld hennar hefur hrunið. Minningabrot og andvökudraumar ásækja hana í hvítum bjarma jökulsins sem gnæfir yfir öllu. Móðurhjarta hennar er þjakað af sorg. Hugsanir um eiginmanninn sem hvarf úr lífi hennar fyrir þrettán árum sækja stöðugt á hana og löngunin til að hlýða kalli listagyðjunnar er knýjandi. Upp er runnin stund þar sem Karitas þarf að taka grundvallarákvörðun varðandi sjálfa sig og líf sitt.

    Karitas er átakamikil og hrífandi saga um langanir og þrár, sorgir og ástríður og fórnirnar sem hamingjan og draumarnir geta krafist.

    Karitas án titils var tilnefnd til Bókmenntaverðlauna Norðurlandaráðs árið 2006. Árið 2008 hlutu Karitas án titils og Óreiða á striga Fjöruverðlaunin, bókmenntaverðlaun kvenna og voru tilnefndar til Menningarverðlauna DV í bókmenntum.
     

    Leitin að jólunum

    nóv 17, 2014   //   by admin   //   Uncategorized  //  Engar athugasemdir

    eftir Þorvald Þorsteinsson og Árna Egilsson

    Sívinsæl aðventusýning tíunda árið í röð!

    Grímuverðlaunasýningin Leitin að jólunum hefur verið sýnd á aðventunni við miklar vinsældir allt frá því hún var frumsýnd árið 2005. Verkið verður nú sýnt tíunda leikárið í röð og eru sýningar orðnar yfir 200 talsins.

    Tveir skrýtnir og skemmtilegir náungar taka á móti litlum leikhúsgestum í anddyri Þjóðleikhússins. Með þeim í för eru tveir hljóðfæraleikarar og þessi fjörugi hópur leiðir börnin með leik og söng um leikhúsið. Börnin ferðast inn í ævintýraveröld jólanna og sjá leikþætti um jólin í gamla daga og
    á okkar tímum.
    Sýningar hefjast á Leikhúsloftinu í lok nóvember.

    Aldurshópur: 2ja – 99 ára.
     

     

    Síður:«1234»
    loading

    Takk fyrir að skrá þig!